Efesios 6:19 - Kashibo-Kakataibo Biblia

¹⁹ Ñucáxuanan camina aín bana unicama racuë́quinma ñuixunuan uisoquin carana ñuixunti ꞌai quixun ꞌë sinánminun Nucën Papa Dios ꞌë ñucáxunti ꞌain, Cristo ñui quicë bana a bëráma unin upí oquin ꞌunánma ꞌicëbi bërí unin ꞌunánun.

Nukën 'Ibu Diosan ain unikama 'inan ain bana

¹⁹ Ñucáxuanan camina aín bana unicama racuë́quinma ñuixunuan uisoquin carana ñuixunti 'ai quixun 'ë sinánminun Nucën Papa Dios 'ë ñucáxunti 'ain, Cristo ñui quicë bana a bëráma unin upí oquin 'unánma 'icëbi bërí unin 'unánun.

Efesios 6:19 ပူးပေါင်းရင်းမြစ်များ

Hechos 13:46

Usa ꞌain ca Pablobëtan Bernabénën racuë́quinma atu cacëxa: —Nun nu judíos uni ꞌicë mitsu pain Nucën Papa Diosan bana ñuixuncëxbi camina ꞌiti ꞌaíshbi ainan ꞌiisama tanquin aín bana cuaisama tancanin. Usa ꞌain cananuna judíosma unicama Jesús ñuiquin bana ñuixuni cuanti ꞌain.

Hechos 14:3

Usaía ꞌicancëbë ca Pablobë Bernabé anu pain atubë ꞌiacëxa. ꞌIxun ca Nucën ꞌIbu Jesúsmi catamëti racuë́quinma a ñuiquin upí oquin bana ñuixuancëxa. Ñuixuanan ca —nu nuibaquin ca Nucën Papa Diosan ainan ꞌinun nu ië́minun aín Bëchicë xuacëxa —quixun cacëxa. Usoquin an atu ñuixuncë banax ca asérabi ꞌicë quixuan camabi unin ꞌunánun ca Nucën ꞌIbu Jesusan ꞌamicëxun uni itsin ꞌacëma ñu a rabëtan ꞌacëxa.

Hechos 18:26

Usa ꞌain ca anua judíos unicama timë́ti xubunuxun Apolosnën racuë́quinma bana ñuixunia cuaquin ca Aquílabëtan Priscilanën ꞌuri buánxun Apolos, Jesúsmi catamëti ca uni usai ꞌia quixun upí oquinra ñuixuancëxa.

Hechos 19:8

Usa ꞌain ca Pablonën anu rabë́ ꞌimainun achúshi ꞌuxë ꞌiquin, anua judíos unicama timë́ti xubunuxun racuë́quinma upí oquin Jesús ñuiquin bana ñuixuancëxa. Ñuixunquin ca, Jesucristomi catamëti ca uni Nucën Papa Diosnan ꞌiti ꞌicë quixuan ꞌunánun anu ꞌicë unicama ñuixuancëxa.

Hechos 2:4

Usacëbëshi ca Nucën Papa Diosmi cushii aín Bëru Ñumshin Upitan ꞌimicëx anu ꞌicë unicamax bëtsi bëtsi banan banacëxa.

Hechos 28:31

Biquin ca uisari cara uni Nucën Papa Diosnan ꞌiti ꞌicë quixun ñuixuanan uisai cara Nucën ꞌIbu Jesucristomi catamëti ꞌiti ꞌicë quixun ñuixuancëxa, uinu ꞌicë unínbia ubíocëma ꞌixun.

Hechos 4:13

Usa ꞌain ca Pedrobëtan Juanën quirica ꞌunáinracëma ꞌianan ꞌapuma ꞌixunbi racuë́quinma unicama bana ñuixunia isi judíos ꞌapucamax ratúacëxa. Usai ꞌiquin ca —ënë uni rabëtax ca axa Jesúsbë nicë a ꞌicë —quixun sináncëxa.

Hechos 4:29

Usa ꞌain camina a unicamaxa usai numi ꞌësë́nancë a bana min ꞌunánquin, racuë́quinma nun min bana uni ñuixunun nu ꞌaquinti ꞌain.

Hechos 4:31

Usaquin abë banaquin Nucën Papa Dios catancë́xa sënë́ncancëbë ca anua bucucancë xubu ax shaíquiacëxa. Usaía ꞌicëbëshi aín Bëru Ñumshin Upí atunu ucëbëtan ca an quimicëxun racuë́quinma Nucën Papa Diosan bana unicama ñuixuancëxa.

Hechos 9:27

Usa ꞌaínbi ca Bernabénën Saulo Jesusan aín bana ñuixunun caíscë unicamanu buáncëxa. Buánxun ca Saulo ismiquin ñuixunquin atu cacëxa: —Saulonën ca bainua Nucën ꞌIbu Jesús isaxa. Iscëx ca abë banaxa. Usaía banan ca ami catamëti aín uni ꞌixun Damasconu ꞌicë unicama, Jesús ca asérabi Cristo ꞌicë quixun ñuixuanxa.

Hechos 9:29

Ñuixunquin ca axa griego banan banacë judíos unicamabëribi bananan cuëbicananquin racuë́quinma —Jesús ax ca asérabi Cristo ꞌicë —quixun cacëxa. Usoquian cacëxun ca a ꞌacatsi quixun sináncancëxa.

Romanos 15:30

ꞌËn xucë́antu, ꞌëx ꞌicësaribitimi mitsux Nucën ꞌIbu Jesucristonan ꞌianan aín Bëru Ñunshin Upitan ꞌunánmicë ꞌaish ꞌëbë nuibanancë ꞌicë cana mitsu cain, Cristomi catamëcëma ꞌianan Nucën Papa Diosan bana cuacëma ꞌaish ca ꞌitsa uni ꞌëmi nishia. Usa ꞌain camina asérabi ami cushicë ꞌixun ꞌë Nucën Papa Dios ñucáxunti ꞌain.

Romanos 16:25

Cananuna Nucën Papa Dios asérabi rabiti ꞌain. Mitsux ainan ꞌaish Jesucristomi catamëtia ca an mitsu upíira upiti ami sinánun mitsu cushioti ꞌicën. Usoquin ca ꞌati ꞌicë quixun ca aín unicaman mitsu ꞌunánmiaxa. ꞌËnribi cana usoquin unicama ñuixunin. Ënë mecama uniocëma pain ꞌixun ca Nucën Papa Diosan, usai ca Jesucristo ꞌiti ꞌicë quixun sináncëxa. A ñucama unin ꞌunánma ꞌaínbi ca bërí Jesucristo ucë cupí unin ꞌunánti ꞌicën.

1 Corintios 1:5

Cristobë ꞌaíshmi aín sinánsaribi ꞌicë ca Nucën Papa Diosan an aín unicama ꞌunánmiti ñu ꞌunánmiquin upí oquin sinanimi upiti bananun mitsu ꞌimiaxa.

1 Corintios 2:7

Usa bana ñuixunquinma cananuna Nucën Papa Diosan ënë me uniocëma pan ꞌixunbi sinan bana a ñuixunin. A bana quicësabi oi ca Jesucristo cupí uni aín ꞌuchacama tërë́ncë ꞌaish xënibua ꞌaínbi Nucën Papa Diosnan ꞌiti ꞌicën. Usa ꞌicëbi ca bëráma Nucën Papa Diosan, unicaman a bana ꞌunánun sinánmiama ꞌicën. Bërí cananuna an nu cacësabi oquin unicaman ꞌunánun a bana ñuixunin.

1 Corintios 4:1

Mitsun camina ꞌunánti ꞌain, nux cananuna an ꞌamicëxun Cristomi catamënun unicama aín bana ñuixuncëishi ꞌain. Usa ꞌaish cananuna unían ꞌunánma ꞌicëbi, usai Cristomi catamëti ca uni ainan ꞌinux ië́ti ꞌicë quixuan Nucën Papa Diosan sinan bana, a uni ñuinun ꞌimicë ꞌain.

2 Corintios 3:12

Cristo ñui quicë banaxa nëtë́timoi upí ꞌain, usai ꞌi ami catamëtia ca uni upí ꞌiti nëtëtima quixun asérabi ꞌunánquin cananuna rabínquinma unicama ñuixunin.

2 Corintios 6:11

Corintonu ꞌicë nucën xucë́antu, asérabi mitsu nuibaquin cananuna nux ꞌicëcama ꞌimainun nun sináncë ñucamaribi mitsu ñuixuan.

2 Corintios 7:4

Mitsun camina upí oquin ꞌai quixun sinani cana cuëënin. Usa ꞌaish cana, nux tëmëraquinbi mitsun upí oquin ꞌaia cuati, chuámarua tani cuëënin.

2 Corintios 8:7

Raírinëan ꞌacësamaira oquin camina upí oquin sinani Jesucristomi catamëanan, Nucën Papa Diosan bana ꞌunánquin a bana uni ꞌunánmiti ꞌunánan, asérabi chiquíshquinma cuëënquin ñu ꞌanan, asérabi nu nuiban. Usaquin ꞌaxun camina raírinëan ꞌacësamaira oquinribi Jerusalénu ꞌicë unicama nuibaquin atu buánmiti curíqui timëquin nanti ꞌain.

Efesios 1:9

Unin ꞌunánma ꞌicëbi ca nu ꞌunánmiaxa, uisa cupí cara ax cuëëansabi oquin Cristo ënë nëtënuaxa bamanun xuacëxa quixun.

Efesios 3:9

Nucën Papa Dios, an camabi ñu unio, an ca —Cristo ca uti ꞌicë —quixun bëráma mënío ꞌixunbi Cristo ucëmapan ꞌain, a ñui quicë bana uisai quicë cara quixuan unin cuanun ꞌunánmiama ꞌicën. ꞌUnánmiama ꞌixunbi ca bërí a bana unicama ꞌunánminun Nucën Papa Diosan ꞌë caxa.

Colosenses 2:2

Mitsúnmi Cristomi cushicë ꞌaish bëtsibë bëtsibë nuibanani achúshisaishi ꞌianan upí oquin a ꞌunáncëma ꞌixunbi bërí Cristo ꞌunánquin, uisaira oquin cara mitsu ꞌaquinti ꞌicë quixun ꞌunánun, cana mitsu Nucën Papa Dios ñucáxunin.

Colosenses 4:3

Abë banaquin camina nun unían ꞌunánma bana Cristo ñui quicë ñuixunuan ꞌaquinun Nucën ꞌIbu Dios ñucáti ꞌain. A bana uni ñuixuncë cupí cana sipuacë ꞌain.

1 Tesalonicenses 2:2

Filipos ëmanuxun ca nu ñui ꞌatimati bananan bëtsi bëtsi oquin unin nu tëmëramiaxa quixun camina ꞌunanin. Usai tëmëratancëxunbi cananuna Nucën Papa Diosan ꞌaquincëxun mitsuribi Jesucristomi catamëti ca uni Nucën Papa Diosnan ꞌiti ꞌicë quixun a bana ñuixuan, ꞌaisamaira uníxa numi nishcëxunbi.

1 Tesalonicenses 5:25

Nucën xucë́antu, camina nu sinánquin Nucën Papa Dios nu ñucáxunti ꞌain.

2 Tesalonicenses 3:1

Nucën xucë́antu, ësaquinribishi cananuna mitsu cain, camabi menu ꞌicë unicaman nun Jesucristo ñuiquin bana ñuixunia cuanun camina Nucën Papa Dios nu ñucáxunti ꞌain, nun mitsu bana ñuixuncëxun cuaquinmi —a banax ca upíira ꞌicë —quixun caquin mitsun ꞌacësaribi oquian atunribi sinánun.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Filemón 1:22

Nucën Papa Diosmi ꞌë ñucáxuncëx cana mitsu isi cuanti ꞌai quixun cana sinanin. Usa ꞌain camina anu ꞌëx ꞌi cuanti ꞌë meníoxunti ꞌain.

Hebreos 13:18

Cananuna ꞌunanin, ñu ꞌatima ꞌaquinma upí ñuishi ꞌaisa tania ca Nucën Papa Diosan nu upí isia quixun. Usa ꞌicë camina nu Nucën Papa Dios ñucáxunti ꞌain.