Efesios 6:18 - Kashibo-Kakataibo Biblia

¹⁸ Usai ꞌiquin camina aín Bëru Ñunshin Upitan sinánmicësabi oquin añu caramina ꞌai a ñu ꞌai Nucën Papa Diosbë bananan an mitsu ꞌaquinun ñucáti ꞌain. Usai abë bananux camina atsanima ami manúaxma ꞌianan axa Jesucristomi catamëcë unicamaribi Nucën Papa Dios ñucáxunti ꞌain.

Nukën 'Ibu Diosan ain unikama 'inan ain bana

¹⁸ Usai 'iquin camina aín Bëru Ñunshin Upitan sinánmicësabi oquin añu caramina 'ai a ñu 'ai Nucën Papa Diosbë bananan an mitsu 'aquinun ñucáti 'ain. Usai abë bananux camina atsanima ami manúaxma 'ianan axa Jesucristomi catamëcë unicamaribi Nucën Papa Dios ñucáxunti 'ain.

Efesios 6:18 ပူးပေါင်းရင်းမြစ်များ

1 Reyes 8:52

Usa ꞌain kamina min unikaman ñukákëxun kuakin min kaisa Israel unikama munuma banakin mi ñukákëxun kuati ꞌain. ¡Mix Dios ꞌixun kamina nun bana kuati ꞌain!

1 Reyes 8:54

Ësai abë banakin Dios ñukátankëxun sënën oin ka Salomón aín rabuxunën menu rantinpuruni tsóbuxun anuxun ñuina xarotia ꞌakë bëmánon auxun aín mëkën rabë́ manámi oi mëshpati tsóxun ñukákëxa,

1 Reyes 8:59

Usa ꞌain kana ꞌën kuëënin, Nukën ꞌIbu Diosan ka ñantan ꞌimainunbi nëtënbi ꞌën ñukákë ñukama sinánkin añu karanuna kuëëni akamabi aín unibu Israel ꞌixun nun rabikëxun añu kara nëtë kamabi ꞌinántisa tania a nu ꞌinánti ꞌikën,

1 Reyes 9:3

ami mërakin ka ësokin kakëxa: ꞌËn kana ꞌëbë banakinmi ꞌë kakëxun kuan, ꞌimainun kana anuxun ꞌë rabiti min ꞌamikë anu ꞌëx mitsubë ꞌiti ꞌain. Anu mitsubë ꞌixun kana uisaxunbi xënibua ꞌaínbi mi ëntima ꞌain.

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Daniel 9:20

ꞌËn kana ënkinma abi ꞌën ꞌuchakëkama chikinanan ꞌën uni Israel kamananribi ñukaxunkin chikinaxuan, ꞌanan kana ꞌën ꞌIbu Dios ꞌain bashi upíira a kupínribi abë banakin kan.

Mateo 17:21

Ësa ñunshin ꞌatima chiquíntix ca pima samáquin Nucën Papa Dios ñucáquin chiquínti ꞌicën.

Mateo 26:41

Mitsux ꞌëx cuëëncësoi ꞌiisa taníbi camina asérabi usai ꞌiman. Usa ꞌain camina ꞌuchati rabanan ꞌuxti tëai Nucën Papa Diosbë banati ꞌain.

Marcos 13:33

Mitsun uínsaran carana uti ꞌai quixun ꞌunáncëma ꞌaish camina camabi nëtën ꞌën uni ꞌaish ꞌëmi sinánquin ꞌëx uti caínti ꞌain.

Marcos 14:38

Mitsux ꞌëx cuëëncësa oi ꞌiisa tanibi camina asérabi usai ꞌiman. Usa ꞌain camina ꞌuxti tëai, ꞌuchati rabanan Nucën Papa Diosbë banati ꞌain.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Lucas 22:46

Mëraquin ca bësúnquin cacëxa: —¿Uisacatsi caramina usaira ꞌuxin? Ca nirut. ꞌUchati rabanan camina ꞌuxti tëai Nucën Papa Diosbë banati ꞌain.

Lucas 3:26

Nagai ax ca Maatnën bëchicë ꞌiacëxa. Maat ax ca Matatíasnën bëchicë ꞌiacëxa. Matatías ax ca Semeinën bëchicë ꞌiacëxa. Semein ax ca Josénën bëchicë ꞌiacëxa. José ax ca Judánën bëchicë ꞌiacëxa.

Lucas 3:37

Lamec ax ca Matusalenën bëchicë ꞌiacëxa. Matusalén ax ca Enocnën bëchicë ꞌiacëxa. Enoc ax ca Jarednën bëchicë ꞌiacëxa. Jared ax ca Mahalaleelnën bëchicë ꞌiacëxa. Mahalaleel ax ca Cainanën bëchicë ꞌiacëxa.

Hechos 1:14

A unicamax ca atúxa ꞌicësabi oi ꞌi, Jesusan xucë́antu ꞌimainun aín tita María ꞌimainun bëtsi xanucamabëribi timë́ax ami sinani Nucën Papa Diosbë banacëxa.

Hechos 10:2

A unix ca aín xubunua ꞌicë aín aintsi ꞌibucamabëtan Nucën Papa Dios aín bana cuaquin rabicë ꞌiacëxa. Usai ꞌianan ca ñuñuma judíos unicama ꞌitsa oquin curíqui ꞌináncëxa. ꞌInánan ca camabi nëtën Nucën Papa Diosbë banacëxa.

Hechos 12:5

Usa ꞌixun ca Pedro sipunua bërúancëxa. Usa ꞌaínbi ca axa Jesucristomi catamëcë unicaman nëtë́quinma Nucën Papa Dios Pedro ñucáxuancëxa.

Hechos 6:4

Usocëbëtan cananuna nun abë banaquin Nucën Papa Dios unicama ñucáxuanan aín bana ñuixunti ꞌain.

Romanos 12:12

Nucën Papa Diosan ca ax quicësabi oquin mitsu ꞌaquianan abë ꞌinun mitsu ꞌimiti ꞌicë quixun sinani camina chuáma tani cuëëni bucuti ꞌain. Tëmëraibi camina masá nuituti bënë́tima ꞌain. Ënima camina Nucën Papa Diosbë banati ꞌain.

Romanos 8:15

Usa uni camina mitsux ꞌain. Mitsu aín bëchicë ꞌimiquin ca Nucën Papa Diosan mitsúxmi bëráma ꞌiásaribiti mitsun ꞌucha cupí ami racuë́tëcënun ꞌimicëma ꞌicën. Aín Bëru Ñunshin Upí an ca, ainan ꞌaish cuëënquinu Nucën Papa Dios, Paponun nu ꞌimia.

Gálatas 4:6

Mitsux camina asérabi aín bëchicë ꞌai quixunmi ꞌunánun ca Nucën Papa Diosan aín Bëchicënën Bëru Ñunshin Upí mitsubëa ꞌinun xuacëxa. Usa ꞌain camina aín bëchicë ꞌixun —ꞌën Papa Dios camina mix ꞌai —quixun Nucën Papa Dios cain.

Efesios 1:16

Usa ꞌain cana ënquinma —asábi ca —quixun caquin rabianan abë banaquin Nucën Papa Dios mitsu ñucáxunin.

Efesios 2:22

Mitsun ëmanu ꞌicë axa Jesucristomi catamëcë unicamabëribi ca aín uni raíribëa ꞌicësaribiti Nucën Papa Dios ꞌia, aín Bëru Ñunshin Upía aín unicamabë ꞌain.

Efesios 3:18

axribia ami sináncë unicamabëtan, uiti chaira aín sinan ꞌixun cara Cristonën camabi menu ꞌicë unicama, ꞌapucama ꞌimainun ꞌapuma unicamacëñunbi ñumaraira unibi nuibatia quixun mitsun nuitu mëu ꞌunánun mitsu ñucáxunin.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Efesios 6:19

Ñucáxuanan camina aín bana unicama racuë́quinma ñuixunuan uisoquin carana ñuixunti ꞌai quixun ꞌë sinánminun Nucën Papa Dios ꞌë ñucáxunti ꞌain, Cristo ñui quicë bana a bëráma unin upí oquin ꞌunánma ꞌicëbi bërí unin ꞌunánun.

Filipenses 1:4

Abë banaquin cana upí oquin sinani cuëënquin mitsu ñucáxunin.

Filipenses 4:6

Usa ꞌain camina uisa ñu cara ꞌicëbëbi bënë́tima ꞌain. Bënë́quinma camina abë banaquin Nucën Papa Dios a ñucama ñuiquin cati ꞌain. An mitsu ꞌaquinun ñucáquin camina ami catamëquin —asábi ca —quixun rabiquin cati ꞌain.

Colosenses 1:3

Mitsu ñucáxuni abë banaquin cananuna nun ꞌacësabi oquin, Nucën ꞌIbu Jesucristonën Papa, ax Nucën Papa Dios ꞌicë, a —asábi ca —quixun cain.

Colosenses 1:4

Usa ꞌixun cananuna Jesucristomi asérabi catamëtími Nucën Papa Diosan unicamabë nuibanania ñuicania cuan.

Colosenses 4:2

Ami manúquinma ábi sinani camina atsánquin ëníma Nucën Papa Diosbë banati ꞌain. —Asábi ca —quixun cai camina abë banati ꞌain.

1 Tesalonicenses 5:17

Usai ꞌi camina camabi nëtën Nucën Papa Diosbë banacanti ꞌain.

1 Timoteo 2:1

Ënë ñucama pain ñuiquin cana mi cain: Timoteo, min camina axa Jesucristomi catamëcë unicaman, uni raíri upiti bucunun ꞌimianan aín cuëëncë ñuribi bianan ami catamëanuan sinánminun, Nucën Papa Dios ñucáxunun ꞌë caxunti ꞌain. Canan camina atúan Nucën Papa Dios —asábi ca —quixun canun cati ꞌain.

2 Timoteo 1:3

Nucën raracaman ꞌasaribi oquin ꞌënribi asérabi a ꞌinamëcë ꞌixun rabicë, Nucën Papa Dios, a cana imë́bi nëtë́nbi abë banaquin mi ñucáxunquin —asábi ca —quixun cain.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.

1 Pedro 4:7

Anúan ënë menu ꞌicë ñucama cëñúti nëtë ca ꞌuramatia. Usa ꞌain camina camabi nëtën upí oquin sinani Nucën Papa Diosbë banati ꞌain.

Judas 1:20

ꞌËn nuibacë xucë́antu, ami catamëcë ꞌaish camina camabi nëtën asérabi Jesucristomi sinánti ꞌain. Ami sináncëxun ca an mitsu sinánmiti ꞌicën, an sináncësaribi oquinmi sinánun. Aín Bëru Ñunshin Upitan ꞌaquincëx camina Nucën Papa Diosbë banati ꞌain.

1 Samuel 1:12

Usa ꞌain ka Anan Nukën ꞌIbu basipain ñukatia, Elínën aín kuëbí isakëxa;