Efesios 6:13 - Kashibo-Kakataibo Biblia

¹³ Ñu ꞌatima ꞌanun an sinánmicëxunbi ꞌaquinma ñunshin ꞌatima abáminux cushi ꞌiti cupí camina manutima, uisoquinra cara an mitsu cushioti ꞌicë usaquian Nucën Papa Diosan cushiocë ꞌinux upí oquin sinani ami catamëti ꞌain. Usai cushicë ꞌixúnmi abámicëxuan ñunshin ꞌatimanën mitsu tantëcëncëxbi usabi Nucën Papa Diosmi catamëcë ꞌaish camina uisaíbi ꞌitima ꞌain.

Nukën 'Ibu Diosan ain unikama 'inan ain bana

¹³ Ñu 'atima 'anun an sinánmicëxunbi 'aquinma ñunshin 'atima abáminux cushi 'iti cupí camina manutima, uisoquinra cara an mitsu cushioti 'icë usaquian Nucën Papa Diosan cushiocë 'inux upí oquin sinani ami catamëti 'ain. Usai cushicë 'ixúnmi abámicëxuan ñunshin 'atimanën mitsu tantëcëncëxbi usabi Nucën Papa Diosmi catamëcë 'aish camina uisaíbi 'itima 'ain.

Efesios 6:13 ပူးပေါင်းရင်းမြစ်များ

Eclesiastés 12:1

An kamabi ñu unio min ꞌIbu Dios a kamina mix bëná ꞌixuinshi sinánti ꞌain, anun tëmërati nëtë ka ꞌinuxun ꞌaia usa ꞌain; ꞌianan ka anunmi ësai ki banati baritiaribi ꞌiti ꞌikën: “ꞌËn ënë nëtënu tsókin ꞌakë ñukama anbi ka ꞌë kuëënmitima ꞌikën.”

Amós 6:3

Mitsun kamina upiti bukukinbi uisa ñu kara inuti ꞌikë a ꞌunánkaniman, usa ꞌain ka a sinanimami bukukë a ñunbi mitsu ꞌatima oti ꞌikën.

Malaquías 3:2

ꞌAínbi kara, ¿uin anúan ꞌuti nëtë a sënë́nkëbë ax ukëbëtan tënëti ꞌik? ¿Usa ꞌain kara uix ñu ꞌatima ꞌai ꞌuchakëma ꞌaish a bëtánain anubi niti ꞌik? Ax ka tsi ërë́tia iskësa ꞌaish nukama upí ꞌinun mëníonux ꞌuti ꞌikën; ꞌianan ka jabonan chukakëxun chupa chua tërëkakësa usaribi okin nun ꞌucha tërë́kati ꞌikën.

Lucas 21:36

Usa ꞌain camina ꞌëx uti nëtë caini, ꞌën mitsu cacë ñucama ënë́xa ꞌicëbëbi ꞌëmi catamëti ëníma ꞌëmi cushicë ꞌinuxun, nëtë camabi Nucën Papa Dios ñucáti ꞌain. Usai ꞌi, ꞌëx utëcëncëbë ꞌën bëmánanuax añu ꞌuchañumabi ꞌinuxun camina Nucën Papa Dios ñucáti ꞌain.

Lucas 8:13

Maparañu me bëxbánua ñu bëru nipacëcë usaribi ca raíri uni ꞌicën. A unicaman ca Nucën Papa Diosan bana cuati cuëënquin —a bana quicësabi oi cana ꞌiti ꞌai —quixun aín nuitunën sinania. Sinánquinbi ca maparañu menu nipacëcë ñu bëru tapun ꞌitsañuma usaribi ꞌixun, Nucën Papa Diosan bana ꞌacë cupí ami cuaianan ami nishquin unin ꞌatimocëxun, tënëquinma a bana manuquin ënia.

Romanos 13:12

Jesucristo utëcëncëma pan ꞌain cananuna imë́ upí oquin isíma nicësa ꞌain. Usa ꞌaíshbi cananuna ax utëcëncëbë abë ꞌaish xabánu nicësa ꞌiti ꞌain. Usaquin sinani cananuna ñu ꞌatima ꞌati ëni ami cushicë ꞌaish xabánu nicësa ꞌiti ꞌain.

2 Corintios 10:4

Usa ꞌaish cananuna ënë nëtënuaxa anun suntáru ꞌacánancë ñu anúnribi nux ꞌacanániman. Nucën Papa Diosan cushínshi cananuna axa ami nishcë unicama usai ꞌiaxma ꞌinun nëtë́miti ꞌain.

Efesios 5:16

Ax cuëëncësa oquinshia unin ñu ꞌatima ꞌacëbëtanbi camina mitsun ñancáishi nëtë inúmi ꞌiquinma Jesucristomi sináncë ꞌixun, ax cuëëncësabi oquinshi ꞌati ꞌain.

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.

Colosenses 4:12

Axribia Colosasnu ꞌicë uni, Epafras, anribi ca bërúanxmi ꞌinun quixun mitsu camía. An ca Cristo cuëëncësabi oquin ꞌanan camabi nëtën Nucën Papa Dios mitsu ñucáxunia, ami sinánti ënquinmami ax cuëëncësabi oquinshi upí oquin ꞌanun.

Santiago 4:7

Usa ꞌain camina Nucën Papa Diosan bana cuati ami catamëti ax cuëëncësabi oishi ꞌiti ꞌain. Usai ꞌiquin camina ñunshin ꞌatimanëan ꞌatima ñu ꞌati mitsu sinánmisa tancëxunbi a ñu ꞌati tënëquin ꞌatima ꞌain. Usai ꞌia ca ñunshin ꞌatimanën ubíoquinma mitsu ënti ꞌicën.

1 Pedro 4:1

Uni ꞌixun ca Cristonën tëmëraquin paë tancëxa. Usa ꞌain camina ꞌunánti ꞌain, mitsúnribi camina —sapi cana tëmëraquin paë tanti ꞌai —quixun sinánti ꞌain. Uin cara Jesucristonan cupí tëmëraquin paë tanxa an ca ñu ꞌatima ꞌai ꞌuchati ëanxa.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.