Efesios 6:12 - Kashibo-Kakataibo Biblia

¹² Nux cananuna suntárunëxa ꞌacanancësaribiti ꞌin. Usai ꞌibi cananuna unibë ꞌacananiman. Nun nuitu mëúishi cananuna ꞌacanáncësa ꞌain, ñunshin ꞌatimanën nu ꞌibuati rabanan. Aín ꞌapubë cushiquin ca ñunshin ꞌatimacaman nu ñu ꞌatima ꞌanun nu ꞌamitisa tania. Atun an ënë menuxun ñu atima ꞌacë unicama ꞌibuacë ꞌixun ca nuribi ñu ꞌatima ꞌamitisa tania.

Nukën 'Ibu Diosan ain unikama 'inan ain bana

¹² Nux cananuna suntárunëxa 'acanancësaribiti 'in. Usai 'ibi cananuna unibë 'acananiman. Nun nuitu mëúishi cananuna 'acanáncësa 'ain, ñunshin 'atimanën nu 'ibuati rabanan. Aín 'apubë cushiquin ca ñunshin 'atimacaman nu ñu 'atima 'anun nu 'amitisa tania. Atun an ënë menuxun ñu atima 'acë unicama 'ibuacë 'ixun ca nuribi ñu 'atima 'amitisa tania.

Efesios 6:12 ပူးပေါင်းရင်းမြစ်များ

Job 2:2

Usai anu ukë ka Diosan uinuax kara aia kixun ꞌunanxunbi ñukákëxa: —¿Uinuax kaina mix aín? Kixuan kakëxun ka ñunshin ꞌatimanën kakëxa: —ꞌËx kana kamabi mekama oi kuaínbëkini nitsin.

Mateo 16:17

Cacëxun ca Jesusan cacëxa: —Simón, Jonasan bëchicë, cana mi cain, unin ca usaquin mi sinánmicëma ꞌicën. ꞌËn Papa naínu ꞌicë an ca mi sinánxunquin usoquinmi sinánun mi sinánmiaxa. An ca mi sinánmiaxa quixun ꞌunani camina cuëënti ꞌain.

Marcos 4:19

—a bana quicësabi oi cana ꞌiti ꞌai —quixun sinania. Usaquin sinánquinbi ca atun ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan bana sináncëxbi ñu bëru ꞌapácëa coiabi chucun mapurucë usaribi ꞌaish bimiñumasa ꞌia.

Lucas 13:24

—Bai chucúma anun atsínti ca sinan. Cana asérabi mitsu cain, ꞌitsa unix ca anun atsínti sinanibi anun atsíntima ꞌicën.

Lucas 22:53

Camabi nëtën anuxun Nucën Papa Dios rabiti xubunu mitsubë ꞌiabi camina uisa ꞌixunbi ësoquin ꞌë bicáncëma ꞌain. Bërími mitsun ësoquin ꞌanun ca Nucën Papa Diosan mitsu ëanxa, ñunshin ꞌatimanën ꞌapun cushínbi camina ësoquin ꞌë ꞌain.

Juan 12:31

Bërí ca ënë nëtënu ꞌicë unicama, cara ꞌëmi sinania, cara ꞌëmi sinanima quixun Nucën Papa Diosan isti ꞌicën. Isanan ca an ꞌëmi sináncëma unicaman ꞌapu, ñunshin ꞌatimanën ꞌapuribi ax cushi ꞌicëbi ꞌën unicama ꞌibuatimoquin ñusmoti ꞌicën.

Juan 14:30

Ënë banacamaishi cana mitsu cain. An ënë menu ꞌicë unicama ax cuëëncësa oquian ꞌanun ꞌamicë ꞌapu ca aia. Usa ꞌain cana bana itsiribi ñuiquin mitsu caiman. Uxunbi ca an ꞌë uisoima.

Juan 16:11

An ënë nëtënu ꞌicë unicama ꞌibuacë ñunshin ꞌatimanën ꞌapu ca castícanuxun ꞌuchocë ꞌicën. Usa ꞌain ca axa ꞌëmi catamëcëma unicamanribi, usaribiti ca atux castícancë ꞌiti ꞌicë quixun ꞌunánti ꞌicën.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Romanos 8:38

Usa ꞌain cana asérabi ꞌunanin, Nucën Papa Dioscëñun an nu ënananmiti ñu ca ꞌaíma ꞌicën. Nux bamati ꞌimainun nun tsóti ꞌimainun ángelcama ꞌimainun ñunshin ꞌatimacama ꞌimainun uisa cushi cara, acama ꞌimainun axa bërí uisai cara ꞌicë uisa ñucama cara, ꞌimainun axa uisai cara ꞌiti, a ñucamanbi ca Nucën Papa Dioscëñun nu ënananmitima ꞌicën.

1 Corintios 15:50

ꞌËn xucë́antu, ësaquin cana mitsu cain, nucën nami, nucën xo, acamax ca Nucën Papa Diosan nëtënu ꞌitima ꞌicën. Aín nëtënu ꞌicë ñucamaxa chëquitima ꞌain ca chëquiti ñucamax anu ꞌitima ꞌicën.

2 Corintios 11:14

Usaquin uni parania isíbi camina ratúcantima ꞌain. Ñunshin ꞌatimanën ꞌapu, Satanás, anribi ca aín bana isa Diosan banasaribi ꞌicë quixun sinánmisa tanquin uni parania.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Gálatas 1:16

aín Bëchicëmi catamëti ꞌunánmianan, atúxribia ami catamënun judíosma unicamaribi bana ñuixunun ꞌë ꞌimiacëxa. Usaquin ꞌanúan ꞌimicëxun cana uibi uisai carana ꞌiti ꞌai quixun ñucáma ꞌain.

Efesios 1:21

Usai ꞌinúan ꞌimicëx ca Cristo ax, a unin iscë ꞌapu ꞌimainun a unin iscëma ꞌapuribi ꞌimainun uisa cushi cara, ꞌimainun uisa ꞌapu cara, uisaquin caquin anëcë cara, acamabë sënë́nmaira ꞌicën. Usa bërí ꞌaish ca ënë nëtë cëñúcëbëribi usai ꞌiti ꞌicën.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Efesios 2:2

Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

Efesios 3:10

Axa ami catamëcë unicamaxa an ꞌimicëx upí isquian naínu ꞌicë ángelcama, aín cushicamanribi uisaira cushiñu ꞌianan uisaira sinánñu cara ax ꞌicë upí oquin ꞌunánun ca Nucën Papa Diosan aín unicama usai ꞌinun mëníocëxa.

Colosenses 1:13

Ñu ꞌatima ꞌatishi sinánan nux cuëëncësabi oíshi ꞌiisa taniabi ca Nucën Papa Diosan aín nuibacë Bacë Bëchicënan ꞌinun nu ꞌimiaxa.

Colosenses 2:15

Usonan ca Cristonën i curúsocënu bamaquin uisa ñunshinax cara uisaira cushiñu ꞌicë, abi camabi unían ꞌunánun ñusmoquin cushiñuma ꞌimiacëxa.

2 Timoteo 2:5

Ënëx ca ësaribi ꞌicën. An pelota ꞌacë unicamax ca usaquin pelota ꞌati ꞌunáncëma ꞌaish ñancábi cuaia. Usai ꞌiquin ca aín cupí bitsima.

Hebreos 12:1

A unicamaxa ꞌiásaribiquin ca nubë ꞌicë ꞌitsa unin tëmëraquinbi —Nucën Papa Diosan ca asérabi aín quicësabi oquin nu ꞌaquinti ꞌicë —quixun ꞌunánquin ami catamëquin ënima. Atúxa ꞌicësaribiti ꞌinuxun cananuna an nu ꞌatimaquin sinánmicë a ñucama ëanan an usabi ꞌitioquin nu ꞌatima ꞌimicë ñucamaribi ënti ꞌain. Acama ënquin cananuna bënë́quinma añu ñu ꞌën ꞌati cara Nucën Papa Dios cuëënia quixun sinánquin upí oquin ꞌati ꞌain. Cuai bëtsibë upiti abáti cupí ca unin an ië́ocë ñu nania, usaribiquin cananuna upí oquin nun ꞌati ñu ꞌanuxun, uisa ñun cara nu ꞌatimaquin sinánmia, a ënti ꞌain.

Hebreos 12:4

Mitsux ꞌuchati rabanan tëmëranan Jesucristonan cupí bëtsi bëtsi ocë ꞌaíshbi camina bamacëma ꞌain.

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.