Efesios 6:1 - Kashibo-Kakataibo Biblia

¹ Papañu titañu tuácama, ësaquin cana mitsu cain, min papan bana, min titan bana cuaquin camina an mi cacësabi oquin ꞌati ꞌain, Nucën ꞌIbu Jesucristo cuëëncësabi oquin. Mitsux usai ꞌiti ca asábi ꞌicën.

Nukën 'Ibu Diosan ain unikama 'inan ain bana

¹ Papañu titañu tuácama, ësaquin cana mitsu cain, min papan bana, min titan bana cuaquin camina an mi cacësabi oquin 'ati 'ain, Nucën 'Ibu Jesucristo cuëëncësabi oquin. Mitsux usai 'iti ca asábi 'icën.

Efesios 6:1 ပူးပေါင်းရင်းမြစ်များ

Génesis 28:7

ꞌimainun ka Jacob Padán-aram anu aín papa ꞌimainun aín titan kakësabi oi kuankë aribi sinánkëxa.

Génesis 37:13

Usai atux kuankë ꞌain ka Jacobnën aín bëchikë José kakëxa: —Ka kuat, min xukë́nkamax ka Siquem kakë me anu kuanxa, nun ꞌarakakë ovejakama ꞌimainun cabrakama, pasto pimi. Usa ꞌain kamina anua isi kuanti ꞌain. Kakëxun ka Josénën —Asábi ka kana isi kuanti ꞌain —kixun kakëxa.

Génesis 48:12

Ësakian ꞌaia ka Josénën aín bëchikë rabë́ aín papan kisinua tsókë a bitsi rantinpuruni aín bëmánanën me tikai tsóbuakëxa.

Génesis 50:12

Usa ꞌain ka Jacobnën bëchikë kaman aín papan ñutisama ꞌixun kakësabiokin kamabi ꞌakëxa,

Nehemías 9:13

Usokin ꞌatankëxun kamina aín bashi Sinaí kakë, anuax nun chaitiokëkamabë naínuaxëshi banakin min bana upíirabu a ꞌunámikin asérabi a tanti banakama ꞌimainun ax kikësabi oi ꞌiti akama upíokian ꞌunánun min banakama ꞌinánkën.

Salmos 19:8

Dios kikë banakama ax ka asérabi ꞌikën, usa ꞌixun ka an ñu upí ꞌakë unikama ꞌain nuitu kuëëmia. Ax kikësabi oi ꞌiti Diosan bana an ka bëtsi banakama këñun mëskukëma ꞌikën, usa ꞌixun ka unin sinan upí ꞌimia.

Proverbios 1:8

ꞌËn nuibakë bëná unikaman min papan ꞌësëkëxun kamina aín bana kuati ꞌain, kuanan kamina min titan ꞌunámikin kakë bana a kamaribi manutima ꞌain,

Proverbios 23:22

An mi bëchia min papan, kakëxun kamina aín bana ꞌupiokin kuati ꞌain; min tita kamina kaniakëtia, kuëënkima istisama tantima ꞌain.

Oseas 14:9

An ñu ꞌunánkë unikama ꞌimainun sinánñu unikama, akaman ka ënë bana kuati ꞌikën: Kamabi ñu Diosan ꞌá ax ka upíokin ꞌá ꞌikën, usa ꞌain ka an ñu ꞌupíshi akë unikaman ax kikësabiokin ꞌaia; usa ꞌaínbi ka ꞌatima sinánñu unikama usakin ñu ꞌaiama Diosan ꞌatima oia.

Levítico 19:3

Mitsun kamina min papa bana kuanan min titan banaribi kuati ꞌain. ꞌImainun kamina anun ñu mëëtima nëtë ꞌikëbë anun tantiti ꞌain. ꞌËx kana mitsun Dios ꞌain.

Lucas 2:51

Usa ꞌain ca José ꞌimainun Maríabë Jesús Nazaretnu cuantëcëancëxa. Cuanx anuax caniquin ca aín ꞌunan papa ꞌimainun aín tita quicësabi oquin ñu ꞌacëxa. Usaía canimainun ca Maríanën Jerusalénuaxa Jesús ꞌicëcama a manuquinma sináncëxa.

Romanos 12:2

An ënë nëtënu ꞌicë ñuishi sináncë unicaman sináncësa oquin camina sinántima ꞌain. Usaquin sinánquinma camina sinanaquin uisairaimi upí ꞌiti cara Nucën Papa Dios cuëënia, usai ꞌiti ꞌunánan an ꞌaquincëx usai ꞌiti ꞌain.

Romanos 16:2

Usa ꞌicë camina mitsúxmi Nucën ꞌIbu Jesucristonan ꞌaish bëtsibë bëtsibë ꞌaquianancësabi oquin Feberibi upí oquin bixun ax cuëëncësabi oquin ꞌaquinti ꞌain, an ꞌitsa xanu ꞌaquianan ꞌëribi ꞌaquincë cupí.

Romanos 7:12

Usa ꞌain cananuna ꞌunanin, nun ax quicësabi oquin ꞌati banax ca upí ꞌicën, a bana uisa ñu cara ꞌati ꞌicë, uisa ñu cara ꞌatima ꞌicë quicë, ax ca asérabi upí ꞌicën.

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

1 Timoteo 5:4

Usa ꞌaínbi ca xanu casunamëcënëx tuáñu ꞌianan babañu ꞌicë aín tuábëtan aín baban ꞌaquinti ꞌicën, chamará ꞌicë ca aín papabëtan aín titan tëmëraquinbi nuibaquin tuá canioia, usa cupí. Usa ꞌain camina uni ꞌimainun xanu, aín tita, aín papa ꞌimainun aín xubunu ꞌicë aín aintsicamaribi ꞌaquianan ñu ꞌaxunti ꞌunánmiti ꞌain. Usoquian ꞌati ca Nucën Papa Dios cuëënia.

1 Pedro 2:13

Nucën ꞌIbu Jesucristomi sináncë ꞌixun camina camaxunbi mitsun ꞌapucama ënë menua unin ꞌapu ꞌimicë, axa quicësabi oquin ñu ꞌati ꞌain. Amiira unicama cushicë ꞌapucëñunbi,

Rut 3:5

Kixuan kakëxun ka Rutnën kakëxa: —Uisai ꞌinun kaina ꞌë ka usaibi kana ꞌiti ꞌain kixun.

1 Samuel 17:20

Usokia koónkëxun ka pëkarakëma ꞌaínshi, niruxun Davidnën ax kuantamainua aín papa Jesé aín ñuina bërúanxunti uni barixun ami ëbiani, aín xukë́nkama ꞌinántia aín papan ꞌinánkë piti a buani kuankëxa. Kuantankëx anua ꞌikankë anu bëbakin kuakëxbi ka Israel suntárukamax ꞌakanani kuanux mëníokati sharatia kananuna atu rëtëi kuanti ꞌai kiax kikania kuakëxa.