Efesios 5:9 - Kashibo-Kakataibo Biblia

⁹ Nucën ꞌIbu Jesucristonan ꞌaish ca uni upí sinánñu ꞌianan asérabi banáinshi bananan ñu upíshi ꞌaia. Usaribi camina mitsux ꞌiti ꞌain.

Nukën 'Ibu Diosan ain unikama 'inan ain bana

⁹ Nucën 'Ibu Jesucristonan 'aish ca uni upí sinánñu 'ianan asérabi banáinshi bananan ñu upíshi 'aia. Usaribi camina mitsux 'iti 'ain.

Efesios 5:9 ပူးပေါင်းရင်းမြစ်များ

Mateo 3:8

Unían mitsux camina asérabi sinanacë ꞌai quixun ꞌunánun camina ñu ꞌaisama ꞌati ënquin upí ñuishi ꞌati ꞌain.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

Romanos 15:14

ꞌËn xucë́antu, ꞌën cana ꞌunanin, mitsun camina bëtsibë bëtsibë nuibanani ꞌaquiananquin Nucën Papa Diosan bana Cristonën ñuicë a upí oquin ꞌunanin. ꞌUnánan camina ami cushicë ꞌinux raíri unibë ꞌësëanánti ꞌunanin.

Romanos 2:4

Camina ꞌunánti ꞌain, Nucën Papa Diosan ca mi nuibaíranan, mi ꞌatima ñu ꞌacë ꞌicëbi ꞌatimoquinma mix sinanati ami sinánun cainia. ¿Axa usa ꞌaínbi caramina min ꞌatima ñu ꞌacë ëni ami sinántisama tanin?

Efesios 4:15

Nuxnu ainan ꞌaían aín unicaman ꞌIbu, Cristo, ax nubë ꞌain cananuna nëtë camabi an nu ꞌunánmicësabi oquin ꞌai, aín sinánsaribi ꞌiti ꞌain. Usa ꞌaish cananuna bëtsibë bëtsibë nuibananquin, cëmëquin uni itsi paranima, Cristo cuëëncësabi oíshi ꞌiti ꞌain.

Efesios 4:25

Usai ꞌiquin camina cëmëquin uni parántima ꞌain. Camáxbi cananuna Cristonan ꞌain. Usa ꞌain camina abë banaquin min aintsicama asérabi banáinshi caquin parántima ꞌain.

Efesios 6:14

Ñunshin ꞌatima nun nuitu mëúnu abë ꞌacanancë an tanquinbi uisabi otima cupí camina Nucën Papa Diosmi catamëcë ꞌaish Romanu ꞌicë suntárunëan amia catamëti aín manë chupa pañucësa ꞌiti ꞌain. Aín manë chupa pañuquin ca anúan tsitëcërëquiti anun tsitëcërëquianan, aín shican bëpánti manë chupánribi shimápucüanan, aín taxacaribi tañuanan, aín manë mañuti mañuanan, aín manë pará tuíanan aín manë xëtocëribi tuinia. Suntáru aín manë chupami catamëcë ꞌaínbi camina mitsúxribi mitsun nuitu mëu upiti ꞌacananux manë chupa ami catamëti pañucësa ꞌiti ꞌain. Uni paráncëma ꞌianan cëmëima asérabi banan banacë ꞌaish camina suntáru aín manë chupa pañuax upiti tsitëcërëquicësa ꞌiti ꞌain. Ñu ꞌatima ꞌati ëncë ꞌixun upí ñuishi ꞌati sináncë ꞌaish camina suntáru aín shican bëpánti manë chupan shimapucucësa ꞌiti ꞌain.

Filipenses 1:11

Jesucristonën ꞌaquincëxunmi mitsun ñu upíshi ꞌaia isquin ca unin —Nucën Papa Dios ax ca asérabi upí ꞌicë —quixun caquin a rabiti ꞌicën.

Colosenses 3:18

Asérabia ax Nucën ꞌIbu Jesucristomi sináncë xanux ca aín bënë́an cacëxun cuati ꞌatimaquin sinanima abë upíshi ꞌiti ꞌicën. Bënëñu xanucama, mitsux camina usai ꞌiti ꞌain.

1 Timoteo 6:11

Uni raírinëan ꞌaisamaira ñuñu ꞌianan curíquiñu ꞌiti cuëëncë cupí ꞌatima ñu ꞌacëbëbi camina mix Nucën Papa Diosmi catamëcë ꞌaish atumi ꞌunánti ꞌain. ꞌUnánquin camina upí sinánñu ꞌixun Nucën Papa Dios cuëëncësabi oquin ꞌanan, ami catamëti unicamabë nishánanima nuibananan, uisa ñu cara ꞌicëbëbi bënëtima ꞌianan, rabitima cuëmëninishi banati ꞌain.

Hebreos 1:8

Usai quiquinbi ca aín Bëchicë aira ësaquin caia: Mixribi Dios ꞌaish camina usabi ꞌitioi ꞌën nëtënu ꞌApu ꞌain. Mix ꞌApu upíira ꞌaían min banaribi upí ꞌain ca min ꞌati ñucamaribi upí ꞌicën.

Hebreos 11:33

Raíri unínribi ca Nucën Papa Diosmi catamëquin —an ca nu ꞌaquinia —quixun ꞌunánquin bëtsi ꞌapun suntárucamabë ꞌacananquin ñusmocëxa. Raíri uniribi ꞌapu ꞌixun ca Nucën Papa Diosmi sinánquin a unicama upiti bucunun, upí oquin ꞌaquiancëxa. Ami sinania ca a unicama ax quicësabi oquin Nucën Papa Diosan ꞌaquiancëxa. Raíriribi ca ami nishquian, unin ꞌinun pinun quixun aín cënënu niabi, Nucën Papa Diosan sinanën ꞌinúnbi piama ꞌicën.

1 Juan 2:29

Mitsun camina, Jesucristo ax ca asérabi upí ꞌicë quixun ꞌunanin. Usa ꞌixun camina ësaquinribi ꞌunánti ꞌain, an upí ñu ꞌacë unicamax ca Nucën Papa Diosan bëchicë ꞌicë quixun.

3 Juan 1:11

ꞌËn nuibacë xucë́n, an ñu ꞌatima ꞌacë unían ꞌacësa oquin ꞌaquinma camina an ñu upí ꞌacë unían ꞌacësa oquinshi ñu ꞌati ꞌain. An ñu upí ꞌacë uni ax ca Nucën Papa Diosnan ꞌicën. Usa ꞌaínbi ca an ñu ꞌatima ꞌacë uni an ainanma ꞌixun Nucën Papa Dios ꞌunáncëma ꞌicën.