Efesios 5:24 - Kashibo-Kakataibo Biblia

²⁴ Aín unicaman Cristo cuëëncësabi oquin ñu ꞌacësaribi oquin ca xanun aín bana cuaquin aín bënë cuëëncësabi oquin ꞌati ꞌicën.

Nukën 'Ibu Diosan ain unikama 'inan ain bana

²⁴ Aín unicaman Cristo cuëëncësabi oquin ñu 'acësaribi oquin ca xanun aín bana cuaquin aín bënë cuëëncësabi oquin 'ati 'icën.

Efesios 5:24 ပူးပေါင်းရင်းမြစ်များ

Lucas 10:17

Bana ñuixunuan xucëxun ca a setenta unicaman ñuixunbëtsini utancëxun Jesús usoquian ñu ꞌacëcama ñuixunquin ësaquin Jesús cacëxa: —Minmi nu xucë ca ñunshin ꞌatimanënbi nun bana cuaxa, nun nu —ca chiquít —cacëx ca uninuax chiquíaxa.

Efesios 5:23

Cristo ax ca an aín unicama aín ꞌucha tërë́nquin Nucën Papa Diosnan ꞌinun ië́micë a ꞌicën. An ië́micë ꞌixun ca aín unicaman aín bana cuatia.

Efesios 5:25

Ainan ꞌinun unicama nuibati ca Cristo bamatsianxmabi bamacëxa. Usoquin ca an aín unicama nuibatia. Usaribi oquin ca bëbuxun xanuñu ꞌixun aín xanu nuibati ꞌicën.

Efesios 5:33

Usa ꞌaínbi cana mitsu cain, min namimi bërúancësaribi oquin camina mitsun xanuribi nuibaquin bërúanti ꞌain. Usaribi oquin ca xanúnribi ami sinánquin aín bënën bana cuati ꞌicën.

Colosenses 3:20

Papañu tuácama, mitsúnribi camina mitsun papabëtan mitsun titan cacëxun a cuëbíquinma aín bana cuaquin an cacësabi oquin ñu ꞌati ꞌain. Usaími mitsux ꞌia isi ca Nucën ꞌIbu Jesucristo cuëënia.

Colosenses 3:22

An uni ñu mëëxuncë unicama, mitsúnribi camina an mi ñu mëëmicë unían cacësabi oquin ꞌati ꞌain. ꞌAquin camina axa cuëënun an iscëbëtan upí oquin ꞌanan an iscëxunmabi, ꞌën ꞌIbu Dios ca ënë ñu mëëti ꞌën upí oquin ꞌati cuëënia quixun sinánquin upí oquin ꞌati ꞌain.

Tito 2:7

ꞌImainun camina minribi min ꞌaia isquian usaribi oquin unin ꞌanun upí ñuishi ꞌati ꞌain. Atu ꞌësëquin camina amanu amanua sinánquinma upí oquin Nucën Papa Diosan bana quicësabi oquin ꞌunánmiti ꞌain.

Tito 2:9

ꞌAnan camina an uni ñu mëëxuncë unicamaribi ꞌësëquin an a ñu mëëmicë unin bana parë́quin cuëbíquinma, an cacësabi oquin ꞌanun cati ꞌain.