Efesios 5:21 - Kashibo-Kakataibo Biblia

²¹ Nucën Papa Diosnan ꞌaish camina bëtsibë nishananima an cacëxun aín bana cuati, uni raíribë nuibananti ꞌain.

Nukën 'Ibu Diosan ain unikama 'inan ain bana

²¹ Nucën Papa Diosnan 'aish camina bëtsibë nishananima an cacëxun aín bana cuati, uni raíribë nuibananti 'ain.

Efesios 5:21 ပူးပေါင်းရင်းမြစ်များ

Génesis 16:9

Usokian kakëxun ka Nukën ꞌIbun ángelnën ësokin kakëxa: —Kamina amiribishi kuantëkëti ꞌain ami ñu mëëxunkë xanu anubi kuanxun, kamina an mi kakësabiokin kamabi ñu mëëxunti ꞌain.

1 Corintios 16:16

A unicamabë upí ꞌianan camina aín bana cuati ꞌain. An ꞌacësaribi oquin ñu ꞌacë unicama ꞌimainun an unicama ꞌaquinquin ñu mëëcë unicama camina abë upí ꞌianan aín bana cuati ꞌain.

2 Corintios 5:11

Usaquin ca Nucën ꞌIbu Jesucristonën unicama ashúshi achúshi isti ꞌicë quixun ꞌunánquin cananuna ami racuë́quin camabi unínribi ꞌunánun a ñucama ñuiquin bana ñuixunin. An nu sinánmicësabi oquin cananuna bana ñuixuni quixun ca Nucën Papa Diosan ꞌunánxa. Usaquinu ꞌaiami mitsúnribi ꞌunánti cana cuëënin.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Gálatas 5:13

ꞌËn xucë́antu, mitsun ñu ꞌacë cupíma Cristomi catamëcë cupíshi an iscëx upí ꞌinun ca Nucën Papa Diosan mitsu caísaxa. Usa ꞌixun camina mitsux cuëëncësabi oquin ñu ꞌatima ꞌati sinántima ꞌain. Usaquin ꞌaíma camina bëtsibë nuibanani asérabi ꞌaquiananti ꞌain.

Efesios 5:22

Xanun aín bënënan ꞌixun aín bana cuati ꞌicën, Nucën ꞌIbu Jesucristo cuëëncësabi oquin.

Efesios 5:24

Aín unicaman Cristo cuëëncësabi oquin ñu ꞌacësaribi oquin ca xanun aín bana cuaquin aín bënë cuëëncësabi oquin ꞌati ꞌicën.

Filipenses 2:3

Bëtsi uni ꞌaquinti sinánquinma camina minánshi ꞌiti ñu ꞌatima ꞌain. ꞌËx cana bëtsi unisama ꞌai quixun sinani rabíquinma camina —uni raírinëx ca ꞌëx ꞌicësamairai upí ꞌicë —quixun sinánti ꞌain.

1 Timoteo 2:11

Axa Jesucristomi catamëcë unicama timë́cë ꞌain ca xanuxun banaquinma nucë bënë unían Nucën Papa Diosan bana ñuixunia cuaquin, a banaxa quicësabi oquin ꞌati sinánti ꞌicën.

1 Timoteo 3:4

Aín xubunu ꞌicë aín aintsicamaxa upí ꞌinun bërúanti ca ꞌunánti ꞌicën. An upí oquin ꞌunánmicëxuan aín bëchicënën aín bana cuacë ca ꞌiti ꞌicën.

Hebreos 13:17

Mitsun cushicaman ca mitsúxmi upiti Jesucristomi sinánun mitsu ꞌaquinia. Usaquin mitsu ꞌaquinuan Nucën Papa Diosan caíscë ꞌixun ca an cacësabi oquin upí oquin ꞌaisa tania, ax cuëëntanun. Usa ꞌain camina aín bana cuaquin atux quicësabi oquin ꞌati ꞌain. Mitsun usaquin ꞌaia isquin ca atun masá nuituquinma cuëënquin mitsu ꞌaquinti ꞌicën. A unicaman bana cuaquinbimi an cacësa oquin ꞌaiama isi ca Nucën Papa Dios cuëëntima ꞌicën.

1 Pedro 2:13

Nucën ꞌIbu Jesucristomi sináncë ꞌixun camina camaxunbi mitsun ꞌapucama ënë menua unin ꞌapu ꞌimicë, axa quicësabi oquin ñu ꞌati ꞌain. Amiira unicama cushicë ꞌapucëñunbi,

1 Pedro 2:17

Camabi uni camina upí oti ꞌain. Axa Jesucristomi catamëcë unicama camina nuibati ꞌain. Nucën Papa Diosmi camina racuë́ti ꞌain. Racuë́anan camina mitsun ꞌapu quicësabi oquin ñu ꞌati ꞌain.

1 Pedro 5:5

Usaribi oquin cana bëná unicama ësaquin cain, mitsun cushicaman bana camina timaquinma cuati ꞌain: Nucën Papa Dios ca unia rabíti cuëënima. Usa ꞌixunbi ca axa rabícëma unicama nuibaquin ꞌaquinia. Usa ꞌain camina —ꞌëx cana bëtsi unisamaira ꞌai —quixun sinanima camáxbi bëtsin sináncësaribi oquin sinani upiti ꞌësëananti ꞌain.