Efesios 5:19 - Kashibo-Kakataibo Biblia

¹⁹ Usa ꞌaish camina mitsun nuitu mëu Nucën ꞌIbu Jesucristo rabianan Nucën Papa Diosan bana sinani, bëtsibë bëtsibë bananan cantati ꞌain.

Nukën 'Ibu Diosan ain unikama 'inan ain bana

¹⁹ Usa 'aish camina mitsun nuitu mëu Nucën 'Ibu Jesucristo rabianan Nucën Papa Diosan bana sinani, bëtsibë bëtsibë bananan cantati 'ain.

Efesios 5:19 ပူးပေါင်းရင်းမြစ်များ

Salmos 95:2

Usai ꞌi kuëëni kananuna a ꞌuramanuax ꞌikësai kantai, anun kantati ain bana ꞌakë anun kantai ꞌasabi ka kai kuëënti ꞌain.

Mateo 15:8

Ënë unicaman ca aín cuëbitanshi ꞌë rabia, ꞌixunbi ca aín nuitu mëu ꞌë sinanima.

Mateo 26:30

Nucën Papa Dios rabi cantatancëx ca Jesúsbë aín ꞌunánmicë unicama Olivos cacë matánu cuancëxa.

Hechos 16:25

Usoquian ꞌacëx ca Pablobë Silas imë́ naëx Nucën Papa Diosbë bananan a rabi cantacëxa. Usaría ꞌia ca anua ꞌicë sipuacë uni raírinën cuacëxa.

1 Corintios 14:15

Usa ꞌaish cana ꞌën nuitu mëu a sinánquin Nucën Papa Dios rabi ꞌën cuacëma banan banaibi ꞌën cuacë banánribi banati ꞌain. A rabi cana ꞌën cuacëma banan cantanan ꞌën cuacë banánribi cantati ꞌain.

1 Corintios 14:26

ꞌËn xucë́antu, timë́ax camina ësai ꞌiti ꞌain. Raírinëx camina ꞌiisa tani cantati ꞌain, raírinën camina Nucën Papa Diosan bana ñuixunti ꞌain, raírinën camina añu cara Nucën Papa Diosan mitsu sinánmiaxa a ñuiquin cati ꞌain, ꞌiisa tani camina raírinëx unin cuacëma banan banati ꞌain, raírinën camina uisai quicë cara a bana ꞌicë quixun ñuixunti ꞌain. Timë́xun caramina uisa ñu ꞌai a ꞌai camina camáxbi ami upiti sinani Jesucristo cuëëncësabi oi ꞌinun sinánmiananti ꞌain.

Colosenses 3:16

Bëtsi bana ꞌacësamaira oquin Cristonëxa a ñui quicë bana sinani camina axa quicësa oíshi ꞌicanti ꞌain. ꞌIanan camina a bana upí oquin ꞌunani ꞌunánmianani ꞌësëánani ꞌicanti ꞌain. ꞌIanan camina a rabi Nucën Papa Diosan banan cantanan mitsúnmi ꞌacë bananribi a rabi cantati ꞌain. Camina Nucën Papa Dios min nuitu mëu sinánquin —asábi ca —cai cantati ꞌain.

Santiago 5:13

Micama uinu ꞌicëx caramina masá nuituti bëtsi sinani camina Nucën Papa Diosbë banati ꞌain. Micama uinu ꞌicëx caramina cuëëni chuámarua tani camina Nucën Papa Dios rabi cantati ꞌain.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.