Efesios 5:11 - Kashibo-Kakataibo Biblia

¹¹ Ax bëánquibucënu nicësa uni an ca axa cuëëncësa oquinshi ñu ꞌaquin, Nucën Papa Diosmi sinánquinma uni itsiribi ami sinánun ꞌaquinti sinanima. Usaía ax ꞌicë unicama camina atun ꞌacësaribi oquin ꞌaquinma, —usaquin ñu ꞌati ca ꞌaisama ꞌicë —quixun upí oquin ꞌunánmiquin ꞌësëti ꞌain.

Nukën 'Ibu Diosan ain unikama 'inan ain bana

¹¹ Ax bëánquibucënu nicësa uni an ca axa cuëëncësa oquinshi ñu 'aquin, Nucën Papa Diosmi sinánquinma uni itsiribi ami sinánun 'aquinti sinanima. Usaía ax 'icë unicama camina atun 'acësaribi oquin 'aquinma, —usaquin ñu 'ati ca 'aisama 'icë —quixun upí oquin 'unánmiquin 'ësëti 'ain.

Efesios 5:11 ပူးပေါင်းရင်းမြစ်များ

Génesis 20:16

Usokin katankëxun ka aín xanu Sararibi kakëxa: —ꞌËn kana min rarëbakë apan ꞌinainshia mil kuríki, usa ꞌain ka mibë ꞌikë unikaman ꞌunánti ꞌikën min kamina añu ñu ꞌaisamabi ꞌakëma ꞌain. Usa ꞌain ka uíxbi ꞌatimati mimi banatima ꞌikën.

Proverbios 1:10

Usa ꞌain kamina uni ꞌuchañukaman parántisa tankëxunbi, ¡atu kuëënxuntima ꞌain, ꞌën nuibakë bëná unikama!

Proverbios 1:31

¡Usaími ꞌikë anbi ka mitsu ꞌupitax ꞌisama okin tëmëramiti ꞌikën! ¡Usaími ꞌikankëbë ka mënioisama mitsúnbi sinánxun ꞌakë ꞌaisama ñukama ax ꞌiti ꞌikën!

Proverbios 13:18

Uin kara kakëxunbi bana kuaisamatania a ka ñuñuma ꞌia uínbi kuëënima; ꞌaínbi ka uin kara kakëxun bana kuatia a kuni unikaman kuëënti ꞌikën.

Jeremías 15:17

ꞌËn kana an nëtë ꞌinukin xëati sinánishi bukukë unikamabë amiribishi timëtëkënti a ëankën; anunmi min uni ꞌiti ꞌë ꞌimia anun ꞌia ꞌaish kana bëríbi ꞌëxi upiti tsotin, usai ꞌikë kamina mixmi ꞌuchakëbë nishkë usaribiti ꞌinun ꞌë ꞌimiakën.

Levítico 19:17

Mix abë ꞌikë unimi ꞌatimakin sinani kamina ami nishtima ꞌain. Min ꞌunánkë unían ꞌatima ñu ꞌaisatania ꞌunánkin kamina ꞌaxunma ꞌanun kati ꞌain. Usakin ñu ꞌaia iskinbi min ꞌunánkë uni kakëma ꞌaish kamina abëbi ꞌuchakë ꞌiti ꞌain.

Mateo 18:15

Jesusan ca ësaquinribi aín ꞌunánmicë unicama cacëxa: —Axa mix ꞌicësaribiti Nucën Papa Diosmi sináncë uníxa mimi ꞌuchaia camina abëishi banaquin —ësai camina ꞌëmi ꞌucha —quixun a cati ꞌain. Usoquinmi cacëxun cuati sinanati ca mibë upí ꞌitëcënti ꞌicën.

Lucas 3:19

Ñuixuanan ca ꞌapu Herodes cacë an aín xucënan xanu, Herodías cacë, a bianan bëtsi ñu ꞌatimaribi ꞌacë ꞌicë —minmi ꞌacë ñu ax ca ꞌaisama ꞌicë —quixun Juanën ꞌapu Herodes a cacëxa.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Romanos 13:12

Jesucristo utëcëncëma pan ꞌain cananuna imë́ upí oquin isíma nicësa ꞌain. Usa ꞌaíshbi cananuna ax utëcëncëbë abë ꞌaish xabánu nicësa ꞌiti ꞌain. Usaquin sinani cananuna ñu ꞌatima ꞌati ëni ami cushicë ꞌaish xabánu nicësa ꞌiti ꞌain.

Romanos 16:17

ꞌËn xucë́antu, cana mitsu cain, bëtsi bëtsi unix Jesucristomi catamëcë ꞌaish mitsubë timë́cë ꞌixunbi ca an mitsu bana ñuixuncë unin ꞌunánmicësabi oquin ꞌaima. Usa unin ca uni raíri bëtsibë bëtsibë cuëbicanánmiquin ꞌatimaquin sinánun ꞌimia. Usai ꞌicë uni abë camina nitima ꞌain. Abë camina ënánanti ꞌain.

Romanos 6:21

Ñancábi camina usa ñu ꞌacën. Mitsúxmi usai ꞌiá sinani camina bërí rabinin. Usa ñucama ꞌati an ëncëma unix ca usabi ꞌaish ashiti Nucën Papa Diosbë ꞌitimoi bamati ꞌicën.

Gálatas 6:8

Usaribiti ca axa aín ꞌuchacama ënima aín cuëëncësa oíshi ꞌicë uni ax ainanma ꞌaish xënibua ꞌaínbi Nucën Papa Diosbë ꞌíma. Usa ꞌaínbi ca an aín Bëru Ñunshin Upitan sinánmicëxun sinánquin ñu upí ꞌacë uni ax Nucën Papa Diosnan ꞌaish xënibua ꞌaínbi abë ꞌia.

Efesios 4:22

Usaribiti ꞌiquin camina bëráma mitsux cuëëncësabi oquin ñunshínquin ñu ꞌatima ꞌacën. Usaquin ꞌaquin camina mitsun sinan upíma ꞌixun ñu ꞌatima ꞌaquinbi, ax ca ꞌaisama ꞌicë quixun sinani rabíanma ꞌain. Usai ꞌiá ꞌixunbi camina ñu ꞌatimami ꞌá, acama ënti ꞌain.

Efesios 5:12

Usa ñua a unicaman unë́xun ꞌacë, ax ca a cuati rabínti ꞌaish ñuitisama ꞌicën.

Efesios 5:7

Usaribi ꞌitin rabanan camina an usa ñu ꞌacë unicamabë ꞌitima ꞌain.

Colosenses 1:12

Usoquin cananuna uisaira oquin cara aín unicama cuëënmiti ꞌicë quixun ꞌunánquinmi mitsun a —asábi ca —canun, Nucën Papa Dios mitsu ñucáxunin.

1 Tesalonicenses 5:7

Axa ꞌuxcë unicamax ca imë́ ꞌuxia. Usaribiti ca axa paë́ncë unicama ꞌuxanan imë́ paënia.

2 Tesalonicenses 3:14

Ui unin cara nun cuënëocë bana ënë ënxun nux quicësabi oquin ꞌaisama tania, a unibë camina nitima ꞌain, axa rabíntanun.

2 Tesalonicenses 3:6

Nucën xucë́antu, Nucën ꞌIbu Jesucristonën nu sinánmicësabi oquin cananuna mitsu cain, ui unin cara Jesucristomi catamëcë ꞌixunbi nun mitsu ꞌunánmicësabi oi ꞌiisama tanan ñu mëëtisama tania, abë camina ënananti ꞌain.

1 Timoteo 5:20

Usa ꞌixuan asérabi ënquinma ꞌaisama ñu ꞌaia camina axa Jesucristomi catamëcë unicama timë́cënuxun sinanatánun ꞌësëti ꞌain, usaquinmi caia cuaquian axa Jesucristomi catamëcë uni raírinën —ꞌënribi cana usaquin ꞌatima ꞌai —quixun sinánun.

1 Timoteo 5:22

Upí oquin aín nuitu ꞌunánxunmaishi camina uni axa Jesucristomi catamëcë unicaman cushi ꞌimitima ꞌain. Upí oquin pain uisa uni cara quixun istancëxun camina min mëcën anu nanquin anëti ꞌain. Isunmabi upíma uni anëaxbi camina usaribiti upíma ꞌiti ꞌain. Usaquin ñu ꞌati rabanan camina bërúancati ꞌain.

1 Timoteo 6:5

Usa ꞌaish ca a unicamax usaíshi ꞌiquin uisa ñu ꞌati cara upí ꞌicë, uisa ñu ꞌati cara upíma ꞌicë quixun ꞌunanima nëtëtima nishánani cuamianania. Usai ꞌicë unicaman ca Nucën Papa Diosan bana ꞌaquin isa unin curíqui biti ꞌicë quixun sinania. A unicamabë camina nitima ꞌain.

2 Timoteo 3:5

—Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

2 Timoteo 4:2

minmi ñuixuncëxuan min bana cuanan, cuatiamabi camina uni bana ñuixunti ꞌain. Ñuixunquin camina Jesucristo ñuicë banax ca asérabi ꞌicë quixun ꞌunánmiquin amia sinánun ꞌaquinti ꞌain. ꞌAquianan camina an ñu ꞌaisama ꞌacë unicamaribi ꞌësëanan camabi uni Jesúsmi catamëcë ꞌaísha upí ꞌinun ꞌësëti ꞌain. Min cacëxun cuacëbëma bënë́quinma camina minmi upí oquin ꞌunáncë bana ñuixunquin uni ꞌësëti ꞌain.

Tito 2:15

ꞌËn mi cacë banacama ënë camina unicama ꞌunánmiti ꞌain. Atúxa, asérabi ca a bana icë quixun sinani racuëtima Jesucristomi cushicë ꞌinun ꞌësëanan camina atúan ꞌaisama ñu ꞌaxunma ꞌanun caquin ꞌësëti ꞌain. Usoquin ꞌaquin camina ui unínbi mi timaquin min bana cuaisama tanun ꞌimitima ꞌain.

Apocalipsis 18:4

Usai naínuax ucë ángel quicëbëtan cana naínuaxa bëtsi banan banaia cuan, ësai quicë: —ꞌËn unicamax, mina anu ꞌicë unicama ꞌicësaribiti ꞌuchain camina a ëmanuax cuanti ꞌain, a unicama atun ꞌucha cupí tëmëramicësaribi oquin mitsuribi tëmëramiti rabanan.