Efesios 4:32 - Kashibo-Kakataibo Biblia

³² Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Nukën 'Ibu Diosan ain unikama 'inan ain bana

³² Usai 'ima camina abë nuibanani uni itsibë 'aquiananti 'ain. Mitsumi nishquian unin 'atimocëxbi camina abë tanánantima 'ain. Usai 'ima camina uisa cara mi ocëxbi a manui abë upí 'iti 'ain. Mitsun ñu 'aisama 'acëcama manuia, Nucën Papa Dios Cristo cupí mitsubë upí 'ain, camina usaribiti uni itsibë 'iti 'ain.

Efesios 4:32 ပူးပေါင်းရင်းမြစ်များ

2 Samuel 7:21

Kamabi a ꞌakatsi mi kia ñu a kamina asérabi, bëtsi ñukamasamaira ꞌitánun, upíokin min ꞌain ꞌën aintsikaman isti kuëënkin, ꞌën ꞌunánun;

Salmos 145:9

Nukën ꞌIbu Dios ax ka kamabi unibë upí ꞌikën, usa ꞌixun ka an unio ñukama upíokin nuibakin bërúaia.

Jeremías 38:12

ësokin kakëxa: —Chupa xënikama ënën kamina min pëñanu mima itsin rashutia usa ꞌain përabukuti ꞌain kixun kakëxa. Kakëx ka Jeremías usai ꞌiakëxa.

Mateo 6:12

Unían nu ꞌatimocëxunbinu aribi ꞌatimoquinma a ñucama sinánquinma manucësaribi oquin camina nun ꞌacë ꞌatima ñucama nu tërë́nxunquin manuti ꞌain.

Marcos 11:25

Unibë ꞌaisama ꞌaish Nucën Papa Dios naínu ꞌicë abë banaquin camina axa mimi ꞌuchacë uni cupiti sinánquinma a pain manuti ꞌain, usaribi oquian Nucën Papa Diosan min ꞌucha tërë́nquin manunun.

Lucas 1:78

Usoquin ꞌiminuxun ca Nucën Papa Diosan nu nuibaquin, an nu ië́miti, a aín nëtënu ꞌicëbi ënë menu nubë ꞌinun xuti ꞌicën.

Lucas 11:4

Unían nu ꞌatimocëxunbinu aribi ꞌatimoquinma a ñucama sinánquinma manucë ꞌain camina nuxnu ꞌuchacëcama nu tërë́nxunquin manuti ꞌain. Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain.

Lucas 17:4

Achúshi nëtën, mëcën achúshi ꞌimainun rabë́ oi, mimi ꞌuchatancëxbi minu cuanxuan —cana mimi ꞌuchatëcënima —quixun a unin cacëxun camina abë mëníonanquin a manumiti ꞌain.

Lucas 6:35

Usa ꞌaínbi camina mitsun axa mitsumi nishcë uni nuibaquin ꞌaquinsa ꞌicë ꞌaquinti ꞌain. Unían mitsu ñu ñucácëxun camina —anribi ca ꞌë ꞌinántima ꞌicë —quixun ꞌunánquinbi, ꞌinánti ꞌain. Usaquin ꞌaia isquin ca Nucën Papa Dios, manámi ꞌicë, an cuëënun mitsu ꞌimiti ꞌicën. Mitsun usaquin ꞌai camina asérabi aín bëchicë ꞌaish an sináncësaribi oquin sináncë ꞌiti ꞌain. An ca uni ꞌaisama ꞌimainun an —asábi ca —quixun a cacëma uni aribi ñu ꞌinánan ꞌaquinia.

Lucas 6:37

Bëtsi uni ami manánquin ꞌuchocëma ꞌicë ca Nucën Papa Diosan mitsuribi ꞌuchotima ꞌicën. ꞌImainun ca ꞌuchoquinmi uni, bëtsi uni castícanmicëma ꞌicë Nucën Papa Diosan mitsuribi ꞌuchoquin castícantima ꞌicën. Uni itsíxa mitsumi ꞌuchacëxunbi camina abë mëníonanquin manumiti ꞌain. Usoquin ꞌaími unibë mëníonania ca Nucën Papa Diosan mitsux ami ꞌuchacëxunbi mitsun ꞌucha tërë́nquin manuti ꞌicën.

Hechos 28:2

A nasínu ꞌicë unicaman ca nu nuibaquin, ꞌuí ꞌimainun matsi ꞌain, ami nux sënamënun quixun tsi tícaquin ërë́nruacëxa.

Romanos 12:10

Camina bëtsibë bëtsibë ꞌaquianani nuibananti ꞌain, mitsun xucë́nbë ꞌicësaribiti. Asamaira ꞌiisa tanquin ꞌatimoquinma camina bëtsi uni isquin upí oquin ꞌaquinti ꞌain.

1 Corintios 13:4

An uni raíri nuibacë unin ca bëtsi unia abë upíma ꞌicëbi ami nishquinma upí oquinshi caia. Usa ꞌaish ca bëtsi unibë upí ꞌia. An uni raíri nuibacë uni ax ca bëtsimi nutsima. Ca —bëtsi unibë sënë́nmaira cana ꞌai —quixun sinanima. Ca rabiacatima.

2 Corintios 2:10

Usoquin ꞌaquinmi mitsun aín ꞌucha manuquin, aribi manumicëbëtan, cana ꞌënribi aín ꞌucha manuin. Axa ꞌëmi ꞌuchacëbi cana mitsúnmi aín ꞌucha manucë cupí, ꞌënribi aín ꞌucha manuan, Cristo cuëëncësabi oquin.

2 Corintios 2:7

Usaquin ꞌacëxa sinanatia camina aín ꞌacë ñu manuquin a nuibaquin aín masá nuitucë nëtë́miquin, upí oquian sinánun ꞌaquinti ꞌain, axa ꞌaisamaira masá nuituti rabanan.

2 Corintios 6:6

Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

Efesios 5:1

Mitsux aín bëchicë ꞌicë an nuibacë ꞌaish camina usai ꞌiti sinani Nucën Papa Dios ꞌicësaribiti ꞌiti ꞌain.

Santiago 5:11

Uicaman cara tëmëraquinbi bënë́quinma tanshitia ax ca upí oquinshi sinani cuëënia quixun cananuna ꞌunanin. Mitsun camina Jobnëxa ꞌaisamaira tëmëraibi Nucën ꞌIbu Diosmi catamëa a bana ñuia cuan. Cuacë ꞌixun camina ꞌunáncanin, uisaira oquin cara Nucën ꞌIbu Dios an nuibaquin uni ꞌaquincë ꞌixun a uni ꞌaquiancëxa quixun.

2 Pedro 1:7

Usaquin sináncë ꞌaish camina bëtsibë nuibananti ꞌain. Usai ꞌiquin camina camabi uni nuibati ꞌain.

1 Juan 1:9

Usa ꞌaínbi cananuna ꞌunánti ꞌain, nun nu nun ꞌuchacama chiquinaxuncëxun ca Nucën Papa Diosan, ax upí ꞌixun ax quicësabi oquin ꞌaquin, nun ꞌuchacama nu tërë́nxunquin upí ꞌinun nu ꞌimiti ꞌicën.

1 Juan 2:12

ꞌËn bëchicësa ꞌicë, cana Jesucristo cupía Nucën Papa Diosan mitsun ꞌuchacama tërë́ncë cupí mitsu quirica cuënëoxunin.

Rut 2:20

Ñuixunkëxun ka aín ñe Noemínën kakëxa: —¡Nukën ꞌIbun ka a uni upíokin ꞌakinti ꞌikën! An ka nu nuibakin bërí upíokin ꞌakianxa, bërámibi ka nun aintsi bamakëkama abë nuibanankë uni ꞌiakëxa. A unix ka nun aintsi ꞌibu ꞌikën, usa ꞌaish ka ax achúshi uni an nu ꞌakinti asábi ꞌikën.