Efesios 4:31 - Kashibo-Kakataibo Biblia

³¹ Usa ꞌain camina uinu ꞌicë unibëbi nishanantima ꞌain, uni itsimi camina xuamati nishtima ꞌain, unibë camina ñu canantima ꞌain, uni ñui camina ꞌatimati banatima ꞌain, uisa ñu cara ꞌatima ꞌicë a camina ꞌatima ꞌain.

Nukën 'Ibu Diosan ain unikama 'inan ain bana

³¹ Usa 'ain camina uinu 'icë unibëbi nishanantima 'ain, uni itsimi camina xuamati nishtima 'ain, unibë camina ñu canantima 'ain, uni ñui camina 'atimati banatima 'ain, uisa ñu cara 'atima 'icë a camina 'atima 'ain.

Efesios 4:31 ပူးပေါင်းရင်းမြစ်များ

Génesis 27:41

Usakian ꞌakë ꞌain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, ꞌimainun ka sinánkëxa: “Ënuax basiramashi kana ꞌën papa ñukëbë ꞌitsaira masá nuituti nitë́xëti ꞌain, usai ꞌikin kana ꞌën xukë́n Jacob rëti ꞌain.”

Génesis 37:21

Kia ka aín apan Rubénnën kuakëxa, kuakin ka uisakin kara ië́miti ꞌikë kixun sinánkin aín xukë́nkama kakëxa: —Kananuna rëtima ꞌain.

Génesis 37:4

Aín papan atu ꞌakësamaira okin kuëënia ꞌunani ka aín xukë́n apankamax Josémi xuamati nishi nutsi a istisama tani abëbi banatisama tankëxa.

Génesis 4:8

Achúshi nëtën ka Caínan aín xukë́n Abel kakëxa, ¡nu rabëtax karanuna nitsi kuantima ꞌain! Kabiani abë uri kuankin ka Caínan aín xukë́n Abel ami xuamati nishkë ꞌixun iskëuxunma mëëkin rëakëxa.

2 Samuel 19:27

ꞌAínbi ka usakin ꞌaxumabi, mi paránkin ꞌëx isana ꞌapu ꞌisatani kixun mi kakëxa. Usa ꞌaínbi kamina mix ꞌapu ꞌaish Diosan ángelsa ꞌixun, uisakin kaina ꞌaisa tani usakin ꞌati ꞌain.

2 Samuel 19:43

Kia ka Israel unikaman atu kakëxa: —Nukamax kananuna mapai rabë́ ñakánuax ukë a ꞌain. ꞌAínbi kamina mitsux achúshi ñakáratsushi ꞌain, usa ꞌain kananuna nukamax mitsun aintsi ꞌibubi ꞌain. ¿Usa ꞌaínbi karamina mitsux nukamami nishin? ¿Mitsun kaina nukamanu nun ꞌapu ka nunubi utëkënti ꞌikë kiax kikë a sinaniman? Usakian atun kakëxbi ka Judánu ꞌikë unikama atuxira ꞌatimati banai Israel unikama ꞌikësamairai nishi banai kikankëxa.

Salmos 15:3

ꞌianan ka uix kara bëtsi ñui ꞌatimai bananan; an ꞌunánkë uni ꞌatima oti sinanx banaima ꞌianan; a rapasu ꞌikë uni ꞌakëxumabi a kuami ꞌatima oti sinanx banaima ꞌimainun;

Salmos 37:8

Mix nishkë a ëni kamina nishkësa ꞌitima ꞌain; nishkë an ka nun sinánkëkama ꞌatima oia.

Proverbios 6:19

usakinsa ñu ꞌaxa kiax këmëi banakë uni ꞌimainun an aín xukë́nbëbi mëëananti barikë uni akama ka ax ꞌikën.

Jeremías 6:28

Kamabi a unikamax ka bana kuakëmairabu ꞌikën; usa ꞌaish ka a unikamax nishanani kuamianani ñuiananishi tsotia; usa ꞌaish ka manë panshian ꞌimainun manë tunan irusamaira a unikama ꞌikën.

Hechos 21:30

Usaía quicëbë tsuáquirui abácuatsini uquin ca Jerusalénu ꞌicë unicaman biquin, Pablo anuxun Nucën Papa Dios rabiti xubu ëman nirínbianquin bënë́nquinshi xëcuëcama xëpuacëxa.

Romanos 3:14

Usa ꞌaish ca uni itsi ñui ꞌatimati bananan uni itsimi nishi banaia.

1 Corintios 14:20

ꞌËn xucë́antu, tuáratsunën sináncësa oquin camina sinántima ꞌain. Ñu ꞌatima ꞌati ꞌunáncëma ꞌaísha tuáratsu ꞌicësaribiti camina ꞌiti ꞌain. ꞌIananbi camina bëtsi ñucama sinánquin uni apanën upí oquin sináncësabi oquin sinánti ꞌain.

1 Corintios 5:8

Usa ꞌixun cananuna nun ꞌása oquin ꞌatimaquin sinánquinma upí oquinshi sinánan cëmë ꞌixun uni paránquinma, —nun ꞌucha tërë́ncë ꞌaíshnu Nucën Papa Diosnan ꞌinun ca Cristo bamacëxa —quixun sinánti ꞌain. Usa ꞌixun cananuna ñu ꞌaisama ꞌati sinanima asérabi Cristomishi sinani ax cuëëncësabi oíshi ꞌiti ꞌain.

2 Corintios 12:20

ꞌËn mitsu isi cuanxun iscëxbi sapi camina ꞌën sináncësama ꞌicanti ꞌai quixun cana sinanin, ꞌëxribi mitsun sináncësama ꞌimainun. Usa ꞌixun cana sinanin, mitsux sapi camina nutsi cuamianani cuëbicananan, bëtsibë bëtsibë nishánancë ꞌianan, bëtsimi manáncë ꞌianan, minainshi ñu ꞌati sinánan bëtsi unibë ñuianancë ꞌianan, rabiacaquin upí oquin sináncëma uni ꞌain.

Gálatas 5:20

ꞌAnan ca ꞌaia, Nucën Papa Diosmi sinánquinma unin ꞌacë ñu rabiti, ñubë́ ꞌiti, bëtsibë nishánanti, cuamianani nishánanti, ñuñanánti, unimi pishui nishti, bënëtishi unimi nishti, anbi ñu ꞌacatsi quixun sináncë ꞌiti, ꞌimainun uni raíri, raíri unibë nishananquin amanu amanu sinánun sinánmiti, acamaribi.

Efesios 4:22

Usaribiti ꞌiquin camina bëráma mitsux cuëëncësabi oquin ñunshínquin ñu ꞌatima ꞌacën. Usaquin ꞌaquin camina mitsun sinan upíma ꞌixun ñu ꞌatima ꞌaquinbi, ax ca ꞌaisama ꞌicë quixun sinani rabíanma ꞌain. Usai ꞌiá ꞌixunbi camina ñu ꞌatimami ꞌá, acama ënti ꞌain.

Efesios 4:25

Usai ꞌiquin camina cëmëquin uni parántima ꞌain. Camáxbi cananuna Cristonan ꞌain. Usa ꞌain camina abë banaquin min aintsicama asérabi banáinshi caquin parántima ꞌain.

Efesios 4:26

Unibë nishanantancëxbi camina ꞌuchati rabanan xënibutíma a nëtë́nbi bënëtishi manúti ꞌain.

Colosenses 3:19

ꞌImainun camina xanuñu unicama, mitsúnribi mitsun xanu nuibanan, masá sinánquin timatima ꞌain.

Colosenses 3:8

Usa ꞌain camina bëráma ꞌá ꞌixunbi ënë ñucamaribi ënti ꞌain: Bëtsi unibë nishánanti, ꞌimainun bënëtishi nishti, ꞌimainun bëtsi unibë ꞌatimonanti, ꞌimainun bëtsi unimi ꞌatimati banati.

1 Timoteo 3:11

An axa Jesucristomi catamëcë unicama ꞌaquincë unin xanux ca —upí xanu ca —quixuan camabi unin ꞌunáncë ꞌiti ꞌicën, ca cëmëi bëtsimi manáncëma ꞌiti ꞌicën, paë́ncëma ꞌianan ca aín ñu ꞌati upí oquin ꞌacë ꞌiti ꞌicën.

1 Timoteo 3:3

Paë́ncëma ꞌianan ca unibë mëëananti sinánñuma ꞌiti ꞌicën. Usa ꞌaish ca bënëtima cuëmëninishi unibë bananan curíquiñu ꞌiisa tani bënë́tima ꞌicën.

1 Timoteo 5:13

ꞌIanan ca usa xanux ñu mëëtisama tani chiquishi, bëtsi bëtsi xubunu atsínbëquinquin bana ñuibëquini niti ꞌicën. Nianan ca a ñuitima ñuribi ñuiti ꞌicën.

2 Timoteo 2:23

Sinánñuma unían ꞌacësa oquin camina unia cuëbicanáncë bana a cuatima ꞌain. Usai cuëbicánani ca unicama bëtsibë nishánani upitax ꞌima.

2 Timoteo 3:3

Usa ꞌaish ca bëtsibë nuibanainsama tanan aín ami nishcë uniribi abë mëníonantëcëinsama tanti ꞌicën. Usai ꞌiquin ca cëmëi bëtsimi manánan ñunshinacëquin aín sináncë ñuishi ꞌati ꞌicën. ꞌAnan ca sinánñuma ꞌixun raíri uni tëmëramiti ꞌicën. Usai ꞌiquin ca uisa ñux cara upí ꞌicë a ꞌaisama tanti ꞌicën.

Tito 1:7

Usa ꞌicëmi mitsun caíscë unicaman ca atun cushi ꞌixun aín unicama Nucën Papa Dios cuëëncësabi oquin bërúanti ꞌicën. Usa ꞌaish ca upí ñuishi ꞌai —ñu ꞌaisama ca ꞌaia —quixuan unin ñuicëma ꞌiti ꞌicën. ꞌIanan ca bëtsi uni ñuuma ca quixun sinánquin ashi ñu ꞌaxunun cacë ꞌitima ꞌicën. ꞌIanan ca bënëtishi masáquin sinani nishtima ꞌicën. ꞌIanan ca paë́ntima ꞌicën. ꞌIanan ca unibë mëëananti sinánñu ꞌitima ꞌicën. ꞌIanan ca curíquiñu ꞌinuxun uni paránti sinántima ꞌicën.

Tito 2:3

Xanu apáncama camina usaribi oquin cati ꞌain, ami sinani ca Nucën Papa Dios cuëëncësabi oi upí nuituñu ꞌiti ꞌicë quixun. Bëbu ꞌimainun xanunbi ca cëmë bana ñuitima ꞌicën. Ca paë́ntima ꞌicën. Atúan aín sinan upí ꞌixun ñu upí ꞌaia isquin ca atun xanu tuácama ꞌimainun atun ñe xutacamanribi usaribi oquin ꞌati ꞌicën.

Santiago 1:19

ꞌËn nuibacë xucë́antu, usa ꞌain camina Nucën Papa Diosnan ꞌixun mitsun unían bana ñuia upí oquin pain cuati ꞌain. Cuati camina mitsux munu pain sinántancëx bananan bënëtishi nishtima ꞌain.

Santiago 3:14

Usa ꞌaínbi camina mitsux unimi nishcë ꞌianan uni itsimi sinánanima nutsi mixëshi ñuñu ꞌiti cuëëncë ꞌixun, rabiacáquin —ꞌëx cana ñu ꞌunáncë ꞌai —quixun sinántima ꞌain. Usaquin sináncë ꞌaish ca min bana cëmëcë ꞌicën.

Santiago 4:11

ꞌËn xucë́antu, cana mitsu cain, Jesucristomi sináncë ꞌaish camina axribia ami sináncë unicamabë ñuianantima ꞌain. Axa abëa Jesucristomi sináncë uni ñui —ax ca ꞌaisama ꞌicë —quicë uni ax ca —Nucën Papa Diosan banax ca ꞌaisama ꞌicë —quicësa ꞌicën. Usai qui camina mitsux Nucën Papa Diosan bana quicësabi oquin ꞌaíma a banax ca cuatima ꞌicë quicësa ꞌain.

1 Pedro 2:1

Usa ꞌain camina Nucën Papa Diosnan ꞌixun ñu ꞌatimacama, cëmëti, uni paránti, nutsiti, unibë ñuiananti, acama ënti ꞌain.

1 Juan 3:12

Ñunshin ꞌatimanën ꞌapunan ꞌixun ca Cainan aín xucë́nbi ꞌacëxa. Usaribi cananuna ꞌitima ꞌain. ¿Uisa cupí cara Cainan aín xucën ꞌacëx? Aín xucënan ꞌacë ñu upí ꞌimainuan an ꞌacë ñu upíma ꞌain ca Cainan aín xucën ꞌacëxa.

1 Juan 3:15

An ami nishquin uni raíri nuibacëma uni ax ca an uni ꞌacë unisa ꞌaish ꞌaisama ꞌicën. Camina ꞌunanin, an uni ꞌacë unix ca Nucën Papa Diosnanma ꞌaish xënibua ꞌaínbi abë ꞌitima ꞌicë quixun.

Apocalipsis 12:10

Usaía ꞌicëbëtan cana Nucën Papa Diosan nëtënuaxa ësai munuma banaia cuan: —An ami catamëcë unicama, nucën xucë́antu, ꞌatimaquin ñuiquin nëtë́quinma nëtë́nbi ꞌimë́bi Nucën Papa Dios manóncë, ax ca ënua chiquíncë ꞌicën. Usa ꞌain ca bërí an aín cushínbi ainan ꞌinun uni ië́micë, Nucën Papa Dios, ainshi asérabi aín ꞌApu ꞌixun, aín unicama bërúanan Cristo atun ꞌIbu ꞌinun ꞌimiaxa.