Efesios 4:26 - Kashibo-Kakataibo Biblia

²⁶ Unibë nishanantancëxbi camina ꞌuchati rabanan xënibutíma a nëtë́nbi bënëtishi manúti ꞌain.

Nukën 'Ibu Diosan ain unikama 'inan ain bana

²⁶ Unibë nishanantancëxbi camina 'uchati rabanan xënibutíma a nëtë́nbi bënëtishi manúti 'ain.

Efesios 4:26 ပူးပေါင်းရင်းမြစ်များ

Salmos 37:8

Mix nishkë a ëni kamina nishkësa ꞌitima ꞌain; nishkë an ka nun sinánkëkama ꞌatima oia.

Éxodo 11:8

Usai ꞌikëbë ka an mi ñu ꞌaxunkë min unikama ënu uti ꞌikën, usa aín ka rantinpuruni tsóbukin aín ꞌapu ꞌakësokin ꞌë ñukákanti ꞌikën: Ënuax kuankin, kamina min unikama buánti ꞌain. ꞌUsakin ꞌë ꞌakëma ꞌaish kana kuantima pan ꞌain. Usakin katankëx ka Moisés faraónën xubunuax nishkë ꞌaish chikíakëxa.

Números 20:24

Aarón ka ñuti ꞌurama ꞌikën, usa ꞌaish ka ꞌën israel unikama ꞌinánti me anu bëbatima ꞌikën, anua ꞌumpax Meribá kakë anuxun kamina ꞌën kakësokin mitsun ꞌakëma ꞌain.

Mateo 5:22

Usaía quiá ꞌaínbi cana ꞌën mitsu cain, axa uni itsi, aín xucë́nsa ꞌicëbi ami nishcë uni ax ca ꞌuchocë ꞌaish castꞌicancë ꞌiti ꞌicën. Axa uni itsi ñu cai ꞌatimati banacë uni a ca mitsun cushibunën ꞌapucaman ꞌuchoti ꞌicën. ꞌImainun ca an ami nishquin uni itsi —ñunshin bacë camina ꞌai —quixun cacë uni ax, axa manë tsinu ꞌiti uníxa ꞌuchacësaribi ꞌicën.

Marcos 10:14

Usaquian caia isi nishquin ca Jesusan cacëxa: —Cuantánun caxunma ca tuá xuracama ꞌënua unun ën. ꞌËmi catamëtia Nucën Papa Diosan ainan ꞌimicë unicamax ca ënë tuá xuracamasaribi ꞌicën.

Marcos 3:5

Quiáma atu ñachai nishi masá nuituquin ca Jesusan —uisa cupí cara ënë unicama axa ꞌinsíncë uni ënëmi sinanima —quixun sinánquin aín mëcën ñucë uni cacëxa: —Ca mëshpat. Cacëx mëshpatishi ca mëpëxcüacëxa.

Deuteronomio 24:15

Usokin ꞌakinma kamina ñu mëbaitiaishi a nëtënbi kupíoti ꞌain, an ka ñuñuma ꞌixun anun aín piti maruti a kuríki kuëënia. Usokin bënë́kin kupíokëxuma ami tëmikë ñuñuma uni an ñukákëxun ka Nukën ꞌIbun mitsúxmi ꞌuchakë ꞌikë isti ꞌikën.

Santiago 1:19

ꞌËn nuibacë xucë́antu, usa ꞌain camina Nucën Papa Diosnan ꞌixun mitsun unían bana ñuia upí oquin pain cuati ꞌain. Cuati camina mitsux munu pain sinántancëx bananan bënëtishi nishtima ꞌain.

Santiago 1:20

Axa nishcë unix ca Nucën Papa Dios cuëëncësabi oi ꞌima.

1 Samuel 20:34

Usokin kakëx axribi ꞌitsaira nishi ka Jonatán mesanuax niruakëxa, usai ꞌikin ka masá nuitukin a pëkarakëbëtan fiesta ꞌakin piti a piama ꞌikën, piima ka anuax nirukiani kuanx usakian aín papan David ñuikin ká a sinani ꞌitsaira masá nuituti nitë́xëakëxa.