Efesios 4:21 - Kashibo-Kakataibo Biblia

²¹ Mitsúxmi a rabi timë́cë ꞌain cara Jesús uisai mitsux ꞌiti cuëënia quixun ꞌunánmicë ꞌixun camina ꞌunanin, Jesusax ca mitsúxmi a unicama ꞌicësaribiti ꞌiti cuëënima quixun.

Nukën 'Ibu Diosan ain unikama 'inan ain bana

²¹ Mitsúxmi a rabi timë́cë 'ain cara Jesús uisai mitsux 'iti cuëënia quixun 'unánmicë 'ixun camina 'unanin, Jesusax ca mitsúxmi a unicama 'icësaribiti 'iti cuëënima quixun.

Efesios 4:21 ပူးပေါင်းရင်းမြစ်များ

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Lucas 10:16

Caxun ca a xuti unicama ësaquinribi cacëxa: —An mitsun bana cuacë uni, an ca ꞌën banaribi cuatia. ꞌImainun ca an mitsun bana cuaisama tancë uni, an ꞌën banaribi cuaisama tania. An ꞌën bana cuaisama tancë uni, an ca Nucën Papa Dios, an ënë menu ꞌë xua, aín banaribi cuaisama tania.

Juan 1:17

Uisai cara Nucën Papa Diosan uni ꞌiti ꞌicë quixun ca Moisésnën nucën raracama ꞌunánmiacëxa. Usa ꞌaínbi ca axira uxun Jesucristonën asérabi nuibaquin aín ꞌucha tërë́nquin Nucën Papa Dios cuëëncësabi oía aín uni ꞌinun ꞌimiaxa.

Juan 10:27

Carneronëan an bërúancë unin bana cuacësaribi oquin ca axa ꞌëmi catamëcë unin ꞌën bana cuatia. Cuatia cana acama ꞌën ꞌunanin. Usa ꞌixun ca ꞌën bana cuaquin a bana quicësabi oquin ꞌaia.

Juan 14:17

Ax ca Nucën Papa Diosan Bëru Ñunshin Upí ꞌicën, an Nucën Papa Diosan sináncë ñucama ꞌunáncë, a. A ca an Nucën Papa Diosan bana sináncëma unin ui cara ax ꞌicë quixun ꞌunántima ꞌicën, ca a istima ꞌicën. Usa ꞌaish ca atux Nucën Papa Diosan Bëru Ñunshin Upíñu ꞌitima ꞌicën. Usa ꞌaínbi camina mitsun a ꞌunánti ꞌain, axa mitsunu ꞌianan xënibua ꞌaínbi mitsubë ꞌicë cupí.

Juan 14:6

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Romanos 10:14

¿Usa ꞌaínbi cara an Nucën ꞌIbu Diosan ca a ië́miti ꞌicë quixun sináncëma unin a ñucáti ꞌic? Ca ñucátima ꞌicën. ¿Uisaxun cara uni itsin ñuia cuacëma ꞌixun, Nucën ꞌIbu Diosan ca ꞌë ië́miti ꞌicë quixun sinánti ꞌic? Ca sinántima ꞌicën. ¿Uisaxun cara uni itsin ñuixuncëxunma cuati ꞌic? Ca cuatima ꞌicën.

2 Corintios 1:20

Nucën Papa Dios quicësabi oi ca camabi ñu Cristo Jesús cupí sënë́oncë ꞌiti ꞌicën. Usaquin ꞌunánquin cananuna Jesucristo cupí, aín bana cuaquin —ca usai ꞌiti ꞌicë —quixun Nucën Papa Dios rabin.

2 Corintios 11:10

Cristonan ꞌaish cëmëquinma cana mitsu cain, Acaya menu ꞌicë unicamaxa atúinsa ꞌë ñu ꞌinánxa quitin rabanan cana a ñubi bitima ꞌain.

Efesios 1:13

Mitsúxribi camina —Jesucristo cupí ca uni aín ꞌucha tërë́ncë ꞌaish Nucën Papa Diosnan ꞌiti ꞌicë —quixun ñuicë bana cuati Cristomi catamëacën. Cristomi catamëtia ca Nucën Papa Diosan ax quicësabi oquin aín Bëru Ñunshin Upí mibëa ꞌinun mitsu ꞌináncëxa, mitsúxmi asérabi ainan ꞌicë ꞌunánti oquin.

Efesios 2:17

Ax ënë nëtënu utancëxun ca Cristonën bana ñuixunquin, camabi unix ca ami catamëti Nuncën Papa Diosan iscëx upí ꞌiti ꞌicë quixun cacëxa. Usa ꞌain ca judíosma uni, an Nucën Papa Diosan bana ꞌunáncëma, ꞌimainun judíos uni, an Nucën Papa Diosan bana ꞌunáncë ꞌixun a ñuia quicë bana cuati, Cristomi catamëti Nucën Papa Diosnan ꞌia.

Colosenses 1:5

Nucën Papa Diosan mëníosabi oi aín nëtënu abë ꞌiti sinani camina usai ꞌicanin. Jesucristomi catamëti aín ꞌuchacama tërë́ncë ꞌaish ca uni ainan ꞌaish xënibua ꞌaínbi Nucën Papa Diosbë ꞌiti ꞌicë quixuan aín unin mitsu ñuixuncëxun camina a bana cuaquin upí oquin ꞌunáncan.

Colosenses 1:6

Nucën Papa Diosan ca usaquin nu nuibatia quixun unin ñuia mitsun cuacë a banabi ca bëtsi bëtsi menu cuanquin ꞌitsaira unin ñuia. Usa ꞌain ca unin ñuia cuatishimi mitsux ꞌicësaribiti camabi menu ꞌicë uni a bana cuati —asérabi ca —quixun sinani Jesucristomi catamëtia.

Colosenses 2:7

A upí oquin ꞌunánan uisa cara ax ꞌicë quixun ꞌunani camina aín unían mitsu cacësabi oi, ami upiti catamëcanti ꞌain. Usai ꞌiquin camina camabi nëtën Nucën Papa Dios —asábi ca —quixun cati ꞌain.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.