Efesios 4:15 - Kashibo-Kakataibo Biblia

¹⁵ Nuxnu ainan ꞌaían aín unicaman ꞌIbu, Cristo, ax nubë ꞌain cananuna nëtë camabi an nu ꞌunánmicësabi oquin ꞌai, aín sinánsaribi ꞌiti ꞌain. Usa ꞌaish cananuna bëtsibë bëtsibë nuibananquin, cëmëquin uni itsi paranima, Cristo cuëëncësabi oíshi ꞌiti ꞌain.

Nukën 'Ibu Diosan ain unikama 'inan ain bana

¹⁵ Nuxnu ainan 'aían aín unicaman 'Ibu, Cristo, ax nubë 'ain cananuna nëtë camabi an nu 'unánmicësabi oquin 'ai, aín sinánsaribi 'iti 'ain. Usa 'aish cananuna bëtsibë bëtsibë nuibananquin, cëmëquin uni itsi paranima, Cristo cuëëncësabi oíshi 'iti 'ain.

Efesios 4:15 ပူးပေါင်းရင်းမြစ်များ

Salmos 32:2

Chuámarua ka uni ꞌatima ñu ꞌati sinánkëma ax ꞌikën, usa ꞌikë ka Nukën ꞌIbun a ꞌatimokin isima.

Malaquías 4:2

ꞌAínbi ka an ꞌëx kikësabiokin ꞌakë unikama mitsunan, ꞌën ꞌakë ñu upíkama ax. Barin urukin pë́kabëtsinkësa usaribi ꞌiti ꞌikën, an ka mitsu ië́miti ꞌikën. Usakin ꞌakëx kamina kuëëni vaca bakëkama anuxun pimikë xubunuax chikiti chirinkë usairibi ꞌikanti ꞌain.

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

Romanos 12:9

Mitsux asérabi Jesucristomi catamëcë uni ꞌaish camina paránanima asérabi bëtsibë nuibananti ꞌain. Ñu ꞌatima ꞌati cuëënquinma usa ñu timai camina Nucën Papa Dios cuëëncësabi oíshi ꞌiti ꞌain.

1 Corintios 11:3

Ënë banaribi cana mitsúnmi ꞌunánun ësaquin mitsu cain, Cristonën aín Papan bana cuacësaribi oquin ca camabi unin Cristonën bana cuati ꞌicën. Usaribi oquin ca camabi xanun aín bënën bana cuati ꞌicën.

2 Corintios 4:2

Uni itsimi unë́xunu ꞌacë ñucama ënquin cananuna a ꞌaínu rabínti ñu ꞌatimaribi ꞌaiman. Uni paránti sinánquinma cananuna Nucën Papa Diosan banaribi bëtsi oquinma ax asérabi quicë banaishi uni ñuixunin. Usaquin ñuixunia cuaquin ca camabi unin ꞌunánti ꞌicën, Nucën Papa Diosan iscëxun cananuna ax quicësabi oquin aín bana ñuixuni quixun.

2 Corintios 8:8

Usoquin ꞌati cuëënquinmabimi ꞌanun quixun cana mitsu caiman. Macedonianu ꞌicë unicaman ca cuëënquin axa Jerusalénuax Jesucristomi catamëcë unicama curíqui ꞌinania quixunmi ꞌunánun quixuinshi cana mitsu can. Usoquin ꞌunánquin camina ꞌunánti ꞌain, caramina asérabi Jerusalénu ꞌicë unicama nuibati ꞌai quixun.

Efesios 1:22

Nucën Papa Diosan ca camabi ñu, uni, ángel, acaman ꞌibu ꞌinun Cristo ꞌimiacëxa. ꞌImianan ca axa ami catamëcë unicaman ꞌiburibi ꞌinun ꞌimiacëxa.

Efesios 1:4

Mecama uniocëma ꞌixunbi ca Nucën Papa Diosan Cristo cupínu an iscëx ꞌuchañuma ꞌianan ainanshi ꞌinun nu caísacëxa.

Efesios 2:21

Amia catamëtia ca Nucën ꞌIbu Jesucristonën aín unicama ax cuëëncësabi oía ꞌinun ꞌimia. Usaquin ꞌimicë́xa, asérabi ami catamëcë aín unicama abë ca Nucën Papa Dios ꞌia.

Efesios 4:25

Usai ꞌiquin camina cëmëquin uni parántima ꞌain. Camáxbi cananuna Cristonan ꞌain. Usa ꞌain camina abë banaquin min aintsicama asérabi banáinshi caquin parántima ꞌain.

Efesios 5:23

Cristo ax ca an aín unicama aín ꞌucha tërë́nquin Nucën Papa Diosnan ꞌinun ië́micë a ꞌicën. An ië́micë ꞌixun ca aín unicaman aín bana cuatia.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Pedro 2:2

Bërí bacë́ncë tuacën ca anun caninuxun aín titan xuma ꞌati cuëënia. Usaribi oquin camina Nucën Papa Diosan bana upí oquin ꞌunánti cuëënti ꞌain, ainan ꞌaish aín cuëëcësabi oquin ꞌai ami cushicë ꞌinuxun.

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.

1 Juan 3:18

ꞌËn bëchicësa ꞌicë, cana mitsu cain, nun cuëbitanshi uni —ꞌën cana mi nuibati —quixun caquinma cananuna asérabi nuibaquin ꞌaquinsa ꞌicë a ꞌaquinti ꞌain.

Jueces 16:15

Usakin ꞌaia iskin ka aín xanu Dalilanën kakëxa: —¡Këmëntapun! ¿Uisati karamina ꞌë ismina kuëëni kikínbi ꞌë paránin? Bërí ka rabë́ ꞌimainun achúshi okinmi ꞌëmi kuaikin usokin ꞌë ꞌakë ꞌikën, ꞌaínbi kamina bëríbi uisa kushiñuira ꞌaish kaina usai ꞌi ꞌë kakëma ꞌain.