Efesios 3:7 - Kashibo-Kakataibo Biblia

⁷ ꞌËxbi usai ꞌitima ꞌicëbi ca ax asérabi cushi ꞌixun Nucën Papa Diosan Cristo Jesús ñui quicë bana unicama ñuixunun ꞌë ꞌimiacëxa.

Nukën 'Ibu Diosan ain unikama 'inan ain bana

⁷ 'Ëxbi usai 'itima 'icëbi ca ax asérabi cushi 'ixun Nucën Papa Diosan Cristo Jesús ñui quicë bana unicama ñuixunun 'ë 'imiacëxa.

Efesios 3:7 ပူးပေါင်းရင်းမြစ်များ

Isaías 43:13

Bërámabi ꞌiá ꞌaish kana ꞌëx Dios a ꞌain. Uínbi ka ꞌën kushinua uni chikintima ꞌikën. Uínbi ka ꞌën ꞌakë ñu ꞌaisama ꞌinun kamina ꞌai kixun ꞌë katima ꞌikën.

Hechos 9:15

Cacëxunbi ca Nucën ꞌIbu Jesusan Ananías cacëxa: —Racuë́axma ca cuantan. ꞌËn caíscë ꞌixun ca a unin judíos unicamaishima, bëtsi mecamanu ꞌicë unicamaribi aín ꞌapucamacëñunbi ñuixunquin ꞌë ñuiquin bana ñuixunti ꞌicën.

Romanos 1:5

Jesucristo cupí ca Nucën Papa Diosan nuibaquin nun nu uni aín bana ñuixunun mëníocëxa, camabi menua an Nucën ꞌIbu Jesucristomi catamëquin an cacësabi oquin ꞌacë unicama ꞌinun.

Romanos 12:3

Cristo ñuiquin aín bana unicama ñuixunun Nucën Papa Diosan caíscë ꞌixun cana mitsu cain, camabi unia Cristomi cushicë ꞌinun ꞌaquinun mitsu caíscë ꞌixun camina ui unínbi —ꞌëx cana bëtsi unibëtan sënë́nmaira ꞌiti ꞌai —quixun sinántima ꞌain. Uisa cara Nucën Papa Diosan mi ꞌimia, usa ꞌixun camina —usaishi cana ꞌiti ꞌai —quixun sinánti ꞌain. Sinánñu ꞌixun camina rabíquinma —Nucën Papa Diosan a ꞌanun ꞌë ꞌináncëxuinshi cana ñu ꞌai —quixun sinánti ꞌain.

Romanos 15:16

aín bana judíosma unibu ñuixunun quixun ꞌë cacëxa. Nucën Papa Diosan ca axa Jesucristomi catamëcë unicama ainan ꞌinun ië́mia quixun judíosma uniburibi ꞌunánminun ca an ꞌë ꞌimiacëxa. Nucën Papa Diosan ꞌë usaquin ꞌanun casabi oquin cana judíosma unicama, mitsuribi a bana ñuixunin, aín Bëru Ñunshin Upitan sinánmicëxunmi upiti ami catamëquin a rabinun.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

1 Corintios 3:5

¿ꞌËx Pablo ꞌaish carana min sináncëx uisa uni ꞌain? ¿Mitsun sináncëx cara Apolo uisa uni ꞌic? Nucën Papa Diosan nu sinánmicësabi oquin mitsu bana ñuixuncëishi cananuna nux ꞌain. Nun aín bana ñuixunia cuati camina Nucën ꞌIbu Jesucristomi catamëacën.

2 Corintios 3:6

Moisésnën usaía judíos unicama ꞌiti ñuiquin cuënëo bana ca quia, a bana quicësabi oi ꞌicëma ꞌaish ca uni Nucën Papa Diosbë ꞌitimoi bamati ꞌicën. Usa ꞌaínbi ca a banama bana ió, a ñuixunun Nucën Papa Diosan nu ꞌimiaxa. A banax ca quia, aín Bëru Ñunshin Upitan ꞌimicëx ca uni ainan ꞌaish xënibua ꞌaínbi Nucën Papa Diosbë upí ꞌiti ꞌicën.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

Gálatas 2:8

An judíos unicama Jesucristo ñuiquin bana ñuixunun Pedro ꞌimia ꞌixun ca ꞌëribi judíosma unicama bana ñuixunun ꞌimiacëxa.

Efesios 1:19

Usaribi oquin cana mitsu ñucáxunin, uisaira cara aín cushi anúan axa ami catamëcë unicama ꞌaquinti a ꞌicë quixunmi mitsun ꞌunánun. A cushínbi ca bamacëbi baísquimixun Cristo aín nëtënu aín mëqueu ꞌaish abë ꞌApu ꞌinun ꞌimiacëxa. A cushíinra ca Nucën Papa Diosan nu ꞌaquinia.

Efesios 3:2

Mitsúnbi camina ꞌëa ñuicania cuaquin ꞌunánti ꞌain, mitsu nuibaquin ca Nucën Papa Diosan Cristo ñuiquin aín bana mitsu ñuixunun ꞌë cacëxa quixun.

Efesios 3:20

Ax cushiira ꞌaish nubë ꞌixun ca Nucën Papa Diosan nun ñucácësamaira oquin nu ꞌaxúanan nun sináncësamaira oquinribi sinánxunquin nu ꞌaquinti ꞌicën.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Efesios 4:16

Nun namicama amanu amanu ꞌaish nun mëcën, nun taë, nun pëñan, nun bëru, acama upiti tacáshquiama ꞌaish cananuna unima ꞌitsían. Usa ꞌaíshbi ca uni camabi aín namia upiti unia ꞌain, asábi ꞌicën. Usaribiti ca axa Jesucristomi catamëcë unicamax amanu amanu sinánquinma Cristonën ꞌaquincëx camaxunbi bëtsin sináncësa oquin sináncë ꞌiti ꞌicën. Usai ꞌi ca Cristonëx cuëëncësabi oi bëtsibë bëtsibë nuibanani, an sináncësaribi oquin sinani Cristosaribi ꞌia.

Colosenses 1:29

Usaía aín unicama ꞌinun quixun cana Cristonën ꞌë cushiocëxun ënquinma aín bana ñuixunin.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

Hebreos 13:21

anbia an iscë́xmi upí ꞌinun ꞌimianan ax cuëëncësabi oquinmi upí ñuishi ꞌanun mitsu ꞌimiti cana cuëënin. ꞌIanan cana an, Jesucristo cupí, ax cuëëncësabi oquin nu ꞌimiti cuëënin. A ca aín unicaman xënibua ꞌaínbi ënquinma rabiti ꞌicën. Usaquin ca ꞌati ꞌicën.