Efesios 3:16 - Kashibo-Kakataibo Biblia

¹⁶ Ax upíira ꞌaish cushiira ꞌixúan aín Bëru Ñunshin Upitan mitsun nuitu mëu sinánmiquin, ax cuëëncësabi oquinmi ꞌanun mitsu cushionun, cana a mitsu ñucáxunin.

Nukën 'Ibu Diosan ain unikama 'inan ain bana

¹⁶ Ax upíira 'aish cushiira 'ixúan aín Bëru Ñunshin Upitan mitsun nuitu mëu sinánmiquin, ax cuëëncësabi oquinmi 'anun mitsu cushionun, cana a mitsu ñucáxunin.

Efesios 3:16 ပူးပေါင်းရင်းမြစ်များ

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Jeremías 31:33

Usa ꞌain ka achúshi ñu mëníokin ꞌën Israel unikamabëtan anun ꞌati nëtë aia, usa ka ꞌiti ꞌikën: Anun kana ꞌën bana aín nuitu mëu upíokin sinankian manukima aín maxkátan ꞌunánun ꞌamiti ꞌain. ꞌËx kana atun Dios ꞌiti ꞌain, ꞌimainun ka atux ꞌën unikama ꞌiti ꞌikën. ꞌËx mitsun ꞌIbu ꞌaish kana asérabi ësai kiakën.

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Romanos 2:29

Axa aín nuitu mëu upiti Nucën Papa Diosmi sináncë uni ax ca asérabi judío uni ꞌicën. ꞌUnántioracacë uni ax ca Moisésnën cuënëosabi oquin aín namishi usoquin ꞌacë cupíma aín nuitu mëu Nucën Papa Diosmi sináncë cupí asérabi judío uni ꞌicën. Usa uni ca unían upí isiamabi Nucën Papa Diosan upí isia.

Romanos 7:22

Nun nuitu mëu cananuna asérabi Nucën Papa Dios cuëëncësabi oquin ꞌaisa tanin, axa usaínu ꞌinun quicë bana ca upí ꞌicë quixun ꞌunánquin.

Romanos 9:23

Caínpainquin ca uisaira oquin cara an ꞌatima ñu ꞌacë ꞌicëbi uni nuibaquin aín sinan upí ꞌimiti ꞌicë quixun camabi unin ꞌunánun, ainan ꞌinun caísa ꞌixun nu usaquin ꞌimia.

1 Corintios 16:13

Mina ꞌatima ñu ꞌai quiax bërúancaquin camina uisa ñu cara ꞌicëbëbi manutima Jesucristomi catamëti ꞌain. Ami catamëti camina unimi racuëtima an cushiocë ꞌiti ꞌain. Upí sinánñu unían sináncësa oquin camina sinánti ꞌain.

2 Corintios 12:9

Ñucácëxunbi ca ꞌë caxa: “ꞌËn mi nuibaquin ꞌaquincëxun ꞌunani camina usashi ꞌiti ꞌain. An —cushima cana ꞌai —quixun sináncë uni, a cana ꞌën cushínbi upí oquin ñu ꞌanun ꞌaquinin”. Usoquin ca Nucën ꞌIbu Jesucristonën upiti ami catamëquin ñucë ꞌixunbi ñu ꞌanun ꞌë ꞌaquinia quixun ꞌunani cana ꞌëx ñucë ꞌaíshbi cuëënin.

2 Corintios 4:16

Usa ꞌain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

Efesios 1:18

ꞌImainun cana mitsu ñucáxunin, an ꞌimicëx caramina uisairai ënë nëtënuax Jesucristosaribi ꞌaish upí sinánñu ꞌiti ꞌai quixunmi mitsun ꞌunánun. Ñucánan cana uisairai caramina aín nëtënu abë ꞌaish, axa ami catamëcë unicamabë ꞌiti ꞌai quixunmi ꞌunánun mitsu ñucáxunin.

Efesios 1:7

An ca nun ꞌucha cupínu ainanma ꞌicëbi Cristo bama ꞌain, nun ñu ꞌaisama ꞌacëcama tërë́nquin ainan ꞌinun nu ië́miaxa, an nu nuibaquin.

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

Efesios 3:15

Ax ca menu ꞌicë unicama ꞌimainun naínu ꞌicë ángelcamaribi an unio ꞌaish acaman ꞌIbu ꞌicën.

Efesios 3:8

ꞌËx axa ami catamëcë uni raíribë sënë́nmara ꞌicëbi ca Nucën Papa Diosan nuibaquin, judíosma unicama Cristo ñui quicë bana ꞌunánminun ꞌë ꞌimiaxa, uisaira oquin cara Cristonën aín unicama nuibaquin ꞌaquinia quixuan ënë nëtënuxun aín unicaman ꞌunáinracëma ꞌicëbi.

Efesios 6:10

ꞌËn xucë́antu, ënë banaribi cana mitsu ñuixunin. Ax mibë ꞌixúan mi sinánmicësabi oquin ꞌai camina Nucën ꞌIbu Jesucristomi asérabi catamëti ꞌain. Usaími ꞌia ca aín cushínbi mitsu cushioti ꞌicën.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

Filipenses 4:19

A ꞌën rabicë Nucën Papa Dios, an ca ami cuëëncë ñu mitsu ꞌinánti ꞌicën. Jesucristonëan mitsu ainan ꞌinun ꞌimicë ꞌicë ca Nucën Papa Dios ax camabi ñun ꞌIbu ꞌixun mitsúnmi cuëëncë ñu a ꞌinánan mitsu ꞌaquinti ꞌicën.

Colosenses 1:11

ꞌAnan cananuna ax cushiira ꞌixúan, uisa ñu cara ꞌicëbëbi bënëtima cuëënquin tanshinuan mitsu ꞌaquinun quixun a mitsu ñucáxunin.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 2:2

Mitsúnmi Cristomi cushicë ꞌaish bëtsibë bëtsibë nuibanani achúshisaishi ꞌianan upí oquin a ꞌunáncëma ꞌixunbi bërí Cristo ꞌunánquin, uisaira oquin cara mitsu ꞌaquinti ꞌicë quixun ꞌunánun, cana mitsu Nucën Papa Dios ñucáxunin.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

Hebreos 11:34

Axa Nucën Papa Diosmi catamëcë uni raíriribi ca tsi rëquirucë an nëëntanun quixun anu niabi Nucën Papa Diosan sinanën tsinbi uisabi oma ꞌicën. Raíri uníxribi ca suntárunën ꞌati ꞌaíshbi Nucën Papa Diosan sinanën ië́acëxa. Raírinëxribi ꞌinsíncë ꞌaish cushima ꞌaíshbi ca Nucën Papa Diosan sinanën cushi ꞌiacëxa. Nucën Papa Diosan ꞌimicëxun ca suntárunën cushiira ꞌixun abë ꞌacanancë bëtsi ꞌapun suntárucama abámiacëxa.

1 Pedro 3:4

Usai ꞌima camina mitsux upí sinánñu ꞌaish bëtsibë nishananima upitishi banati ꞌain. Usai ꞌia isquin ca bëtsin sinánti ꞌicën —a xanux ca aín nuitu upí ꞌicë —quixun. Usai upí ꞌiti ax cuni ca uisa ꞌaíshbi cëñutima. Usai ꞌími mitsux upí ꞌicë isi ca Nucën Papa Dios cuëënia.