Efesios 3:14 - Kashibo-Kakataibo Biblia

¹⁴ Usa mitsux ꞌain cana Nucën ꞌIbu Jesucristonën Papa, Nucën Papa Dios, a rantin purúnquin mitsu ñucáxunin.

Nukën 'Ibu Diosan ain unikama 'inan ain bana

¹⁴ Usa mitsux 'ain cana Nucën 'Ibu Jesucristonën Papa, Nucën Papa Dios, a rantin purúnquin mitsu ñucáxunin.

Efesios 3:14 ပူးပေါင်းရင်းမြစ်များ

1 Reyes 19:18

ꞌAínbi kana ꞌën siete mil Israel uni an Baal rabi ami rantinpuruni ꞌikin bëtsukukakëma a uisabi okinma ënti ꞌain.”

1 Reyes 8:54

Ësai abë banakin Dios ñukátankëxun sënën oin ka Salomón aín rabuxunën menu rantinpuruni tsóbuxun anuxun ñuina xarotia ꞌakë bëmánon auxun aín mëkën rabë́ manámi oi mëshpati tsóxun ñukákëxa,

Salmos 95:6

Usa ꞌain kananuna rantinpuruni ꞌikin a rabiti ukanti ꞌain; a rabi kananuna Diosan ismainunbi rantinpuruni ꞌiti ꞌain, an ka nuribi uniokëxa.

Isaías 45:23

ꞌËx kana sinanatëkëntima oi ëbi kiakën, ki kana ꞌën kana ꞌëmi nishkë unikama kanankin ꞌati ꞌai kiakën, kia a banakama sënë́nmikin kana ꞌati ꞌain: usa ꞌain ka a bana sënë́nkëbë kamabi nëtënu ꞌikë unikama ꞌën ismainunbi rantinpuruni tsóbuti ꞌëmi ꞌikin, min kakësa okinbi kananuna sinanatëkëntima okin ꞌati ꞌai kiax atux,

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Lucas 22:41

Usoquin cabiani unin nicë́xa maxax ꞌibúcë ꞌurasa cuanx ca rantin puruni, Jesús Nucën Papa Diosbë banacëxa.

Hechos 20:36

Ësaquin catancëx ca Pablo rantin puruni tsóbuti anu ꞌicë unicamabë Nucën Papa Diosbë banacëxa.

Hechos 21:5

Usaquian cacëbëbi cananuna a nëtëcama inúcëbë cuancën. A ëmanuax cuancëbë ca axa Jesucristomi catamëcë unicamax aín xanu ꞌimainun aín bëchicëbëbi nubë masinu cuancëxa. Cuanx cananuna rantin puruni tsóbuax masinuax Nucën Papa Diosbë banacën.

Hechos 7:60

Catancëx rantin purúnxun ca munuma banaquin Nucën ꞌIbu Jesús catëcëancëxa: —Atúxa ësari ꞌuchaiabi camina ꞌënun rabanan uisabi otima ꞌain. Ësai quíshi ca bamacëxa.

Hechos 9:40

Ismicëxun anu ꞌicë xanucama ëman chiquínun catancëx ca Pedro rantin purúanx tsóbuax Nucën Papa Diosbë banacëxa. Banatancëxun, anua racácë au bësuquin isquin ca cacëxa: —Tabita, ca nirut. Cacëxëshi bëpëquiquin Pedro isi nirui ca tsóracëacëxa.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Efesios 3:15

Ax ca menu ꞌicë unicama ꞌimainun naínu ꞌicë ángelcamaribi an unio ꞌaish acaman ꞌIbu ꞌicën.

Filipenses 2:10

Usa ꞌain ca a ñuicë a bana cuaquin, camabi nëtënu ꞌicë unicama ꞌimainun naínu ꞌicë ángelcama ꞌimainun anua uni bamacë anu ꞌicëcamanribi ami racuë́quin a rabiti ꞌicën.