Efesios 2:19 - Kashibo-Kakataibo Biblia

¹⁹ Usa ꞌain camina judíosma uni ꞌaíshmi Nucën Papa Dios ꞌunáncëma ꞌaish ꞌiásaribima ꞌain. A ñuiquian Nucën Papa Diosan Abraham cá, Cristo, a camina mitsun bërí ꞌunanin. Usa ꞌain cananuna mitsúxmi judíosma uni ꞌimainun nuxribi judíos uni ꞌaish, ainan cupí aín nëtënu abë ꞌiti ꞌain.

Nukën 'Ibu Diosan ain unikama 'inan ain bana

¹⁹ Usa 'ain camina judíosma uni 'aíshmi Nucën Papa Dios 'unáncëma 'aish 'iásaribima 'ain. A ñuiquian Nucën Papa Diosan Abraham cá, Cristo, a camina mitsun bërí 'unanin. Usa 'ain cananuna mitsúxmi judíosma uni 'imainun nuxribi judíos uni 'aish, ainan cupí aín nëtënu abë 'iti 'ain.

Efesios 2:19 ပူးပေါင်းရင်းမြစ်များ

Mateo 10:25

Mitsux ꞌën ꞌunánmicë unicama ꞌain ca axa ꞌëmi nishcë unicamax mitsumiribi nishti ꞌicën. Atúan ꞌë bëtsi bëtsi ocësaribi oquin ca mitsuribi bëtsi bëtsi oti ꞌicën. Atun ꞌë ñunshin ꞌatimanën cushi, Beelzebú, caquin anëquin ca mitsúxmi ꞌën unicama ꞌicë, mitsuribi usaribi oquin anëti ꞌicën.

Gálatas 6:10

Usa ꞌain cananuna axa nubë Jesucristomi catamëcë unicama ꞌaquinti ꞌain. ꞌAquianan cananuna ꞌaquinsa ꞌicë uni raíriribi camabi ꞌaquinti ꞌain.

Efesios 2:12

Judíos unima ꞌaish camina Cristo ñui quicë bana cuacëma ꞌiacën. Judíos unicaman ꞌunan ꞌaínbi camina mitsun Nucën Papa Diosan bana ꞌunáncëma ꞌianan an Cristo ñuiquin Abraham cá bana a ꞌunáncëma ꞌiacën. Usa ꞌixun camina Nucën Papa Diosan ca nuibaquin uni ꞌaquianan ainan ꞌimiti ꞌicë quixun ꞌunáncëma ꞌaish mitsux cuëëncësa oíshi tsóti sináncën.

Efesios 3:15

Ax ca menu ꞌicë unicama ꞌimainun naínu ꞌicë ángelcamaribi an unio ꞌaish acaman ꞌIbu ꞌicën.

Efesios 3:6

Unin ꞌunánma ꞌaínbi ca a bana ësai quia, judíos unicama ꞌicësaribiti ca judíosma unicama, Cristo Jesús bama cupí ami catamëti Nucën Papa Diosan uni ꞌianan abë aín nëtënu ꞌiti ꞌicën, ax quiásabi oi.

Filipenses 3:20

Atúxa usai ꞌimainunbi cananuna nux Nucën Papa Diosan nëtënu abë ꞌiti ꞌain. Usa ꞌain cananuna a nëtënuaxa Nucën ꞌIbu Jesucristo, an nun ꞌucha tërë́nquin Nucën Papa Diosnan ꞌinun nu ië́micë, axa uti cuëënquin cainin.

Hebreos 11:13

Abraham, Sara, Isaac, Jacob, acamax ca Nucën Papa Diosan ñuiasa oi ꞌicëma pan ꞌain bamacëxa. Usa ꞌaínbi ca aín bamati nëtë sënë́ntamainun masá nuituquinma cuëënquin, Nucën Papa Diosan nu cacësabi oi ca nun rëbúnqui ꞌiti ꞌicë quixun ꞌunáncëxa. Usaquin ꞌunani ca ësai quicësa ꞌiacëxa: nux ënë menu ꞌicë ꞌaishbi cananuna uníxa aín menumabi bëtsi menu cuanúxbi tsócësa ꞌain.

Hebreos 13:14

Ënë nëtënu ca axa cëñutima usabi ꞌicëbënu anu ꞌiti ëma ꞌaíma ꞌicën. Usa ꞌain cananuna axa cëñútima nëtë Nucën Papa Diosbënu anu ꞌiti a cainin.

1 Pedro 2:11

ꞌËn nuibacë xucë́antu, cana mitsu cain, Nucën Papa Dios mitsun ꞌApu ꞌain ca aín nëtëx mitsunanribi ꞌicën. Usa ꞌain camina ënë menu ꞌaish unia aín menumabi ꞌicësaribi ꞌain. Usa ꞌaish camina anbia ꞌatimaquin sináncë cupía ꞌatima ñu ꞌacë uníxa ꞌicësaribiti ꞌitima ꞌain. Usa unix ca Nucën Papa Diosbë upí ꞌima.

1 Juan 3:1

Nux cananuna Nucën Papa Diosan bëchicë ꞌain, an cacësabi oi. An aín bëchicë ca quixun nu cacë cupí cananuna ꞌunánti ꞌain, uisaira oquin cara an nu nuibatia quixun. Usa ꞌaínbi ca an ënë menu ꞌicë ñuishi sináncë unicaman ainanma ꞌixun Nucën Papa Dios ꞌunáncëma cupí, nux cananuna aín bëchicë ꞌai quixun ꞌunanima.