Efesios 1:22 - Kashibo-Kakataibo Biblia

²² Nucën Papa Diosan ca camabi ñu, uni, ángel, acaman ꞌibu ꞌinun Cristo ꞌimiacëxa. ꞌImianan ca axa ami catamëcë unicaman ꞌiburibi ꞌinun ꞌimiacëxa.

Nukën 'Ibu Diosan ain unikama 'inan ain bana

²² Nucën Papa Diosan ca camabi ñu, uni, ángel, acaman 'ibu 'inun Cristo 'imiacëxa. 'Imianan ca axa ami catamëcë unicaman 'iburibi 'inun 'imiacëxa.

Efesios 1:22 ပူးပေါင်းရင်းမြစ်များ

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Salmos 110:1

Nukën ꞌIbu Diosan ka ꞌën ꞌIbu kaxa: ꞌËn axa mimi nishkë unikama minan ꞌimimainun kamina ꞌë mëkeu tsóti ꞌain.

Salmos 91:13

ꞌIanan kamina paru ꞌinúan ꞌimainun, ñuinakan ꞌëobu runu akama nëbëtsi nikëbi ka mi uisabi otima ꞌikën.

Mateo 16:18

Caxun ca mapara, griego banan “petra” cacë, a sinánquin Jesusan Simón cacëxa: —ꞌËn cana mi cain, mix camina Pedro caquin anëcë ꞌiti ꞌain. Minmi ꞌëmi bërí cacë bana sináncë usaribi oquin sináncë ca axa ꞌëmi catamëcë unicamax ꞌiti ꞌicën. Bamatancëxbi cëñútimoi ca a unicamax ꞌënan ꞌiti ꞌicën.

Hechos 20:28

Usa ꞌain camina mitsun mina ñu ꞌaisama ꞌai bërúancati ꞌain. Bërúancanan camina axa Jesucristomi catamëcë unicamaribia upí ꞌinun bërúanti ꞌain. Nucën Papa Diosan Bëru Ñunshin Upitan ca usoquinmi axa Jesucristomi catamëcë unicama bërúanun mitsu ꞌimiaxa. A unicamax ca axa bama cupí Nucën ꞌIbu Jesucristomi catamëcë ꞌaish aín uni ꞌicën.

1 Corintios 11:3

Ënë banaribi cana mitsúnmi ꞌunánun ësaquin mitsu cain, Cristonën aín Papan bana cuacësaribi oquin ca camabi unin Cristonën bana cuati ꞌicën. Usaribi oquin ca camabi xanun aín bënën bana cuati ꞌicën.

Efesios 3:21

Usa ꞌicë ca Cristo Jesús cupí aín unicaman xënibua ꞌaínbi a rabiti ꞌicën. Usaquin ca ꞌati ꞌicën.

Efesios 5:23

Cristo ax ca an aín unicama aín ꞌucha tërë́nquin Nucën Papa Diosnan ꞌinun ië́micë a ꞌicën. An ië́micë ꞌixun ca aín unicaman aín bana cuatia.

Colosenses 1:18

Cristo axira ca axa ami catamëcë unicaman cushi ꞌaish amiira aín unicama catamëcë ꞌicën. Ësa ca Cristobë aín unicama ꞌicën. Mëcë́nñu, taëñu, xoñu, nuituñuribi ꞌaíshbi ca uni achúshi ꞌicën. Usaribiti cananuna Jesucristonan ꞌaish ꞌaisamaira ꞌaíshbi abë achúshisa ꞌain. Aín unicamaxa usaribiti ꞌiti oi axira pain bamatancëx baísquia ꞌaish ca an unio ñucamabë sënë́nmaira ꞌicën.

Colosenses 1:8

An ca Cristonan ꞌaish camina mitsux bëtsibë bëtsibë nuibanani upitax bucui quixun nu caxa.

Colosenses 2:10

Ax cushiira ꞌixuan an ꞌimicëxma ca ángelcama ꞌimainun ñunshíncamaribi ꞌimainun uisa ñun cushi cara, acamaxbi ñancáishi ꞌiti ꞌicën. Usa ꞌain ca Cristobëmi achúshisa ꞌain, aín cushi anúnmi Nucën Papa Dios cuëëncësabi oquin ꞌati ax mitsubë ꞌicën.

Colosenses 2:19

A unicaman ca ami sináncëma ꞌixun Cristonëan ësaquin aín unicama ꞌimiti a sinanima. An ca aín unicama asaribi upí ꞌinun Nucën Papa Dios cuëëncësabi oquin ꞌimia. Aín mëcën, aín xo, aín imi acamañu ꞌaíshbia uni achúshi ꞌicësaribi oquin ca Cristonën aín unicamaxa ꞌitsa ꞌaíshbi bëtsin sináncësabi oquin sináncë ꞌaish achúshisa ꞌinun ꞌimia.

Hebreos 2:8

Usonan camina unicama camabi ñu aín ꞌibu ꞌinun ꞌimiacën. Usa ꞌain ca camabi ñun ꞌibu ꞌinun ꞌimiquin Nucën Papa Diosan añu ñubi an ꞌibuacëma ꞌitimoquin unicama uniocëxa. Usa ꞌaínbi cananuna ꞌunanin, camabi ñuira ca unin ꞌibuacëma pain ꞌicën.