Efesios 1:21 - Kashibo-Kakataibo Biblia

²¹ Usai ꞌinúan ꞌimicëx ca Cristo ax, a unin iscë ꞌapu ꞌimainun a unin iscëma ꞌapuribi ꞌimainun uisa cushi cara, ꞌimainun uisa ꞌapu cara, uisaquin caquin anëcë cara, acamabë sënë́nmaira ꞌicën. Usa bërí ꞌaish ca ënë nëtë cëñúcëbëribi usai ꞌiti ꞌicën.

Nukën 'Ibu Diosan ain unikama 'inan ain bana

²¹ Usai 'inúan 'imicëx ca Cristo ax, a unin iscë 'apu 'imainun a unin iscëma 'apuribi 'imainun uisa cushi cara, 'imainun uisa 'apu cara, uisaquin caquin anëcë cara, acamabë sënë́nmaira 'icën. Usa bërí 'aish ca ënë nëtë cëñúcëbëribi usai 'iti 'icën.

Efesios 1:21 ပူးပေါင်းရင်းမြစ်များ

Daniel 7:27

Usa ꞌain ka Dios manámi ꞌikë an a rabikë unikama atux kushiira ꞌixúan, xënibua ꞌaínbi bëtsi bëtsi menu ꞌikë ꞌapukama ꞌakinun ꞌimiti ꞌikën. Usokin ꞌakinkëxun ka kamabi menu ꞌikë unikaman ain bana tankin ax kikësabiokin ꞌakánti ꞌikën.

Mateo 12:32

Axa uni ꞌinux anuax uá ꞌë ñui ꞌatimati banacë uni a ca Nucën Papa Diosan aín ꞌucha tërë́nti ꞌicën. Usa ꞌaínbi ca axa aín Bëru Ñunshin Upí ñui ꞌatimati banacë uni aín ꞌucha Nucën Papa Diosan tërënima, bamatancëxribi ca xënibua ꞌaínbi aín ꞌucha tërë́ncë ꞌitima ꞌicën.

Hechos 4:12

Nucën Papa Diosan ca nuxnu nun ꞌuchacama tërë́ncë ꞌaish abë ꞌinúan an nu ië́minun Jesúsëshi ꞌimiaxa. Usa ꞌain ca an Nucën Papa Diosnan ꞌinun nu ië́miti bëtsi uni ꞌaíma ꞌicën.

Efesios 2:2

Ënë nëtënu ꞌicë ñuishia an sináncë unicaman sináncësa oquinshi sinánquin camina ñu ꞌaisama ꞌacën, ñunshin ꞌatimanën ꞌapu cuëëncësabi oquin. An ca an Nucën Papa Diosan bana cuaisama tancë unicama ax cuëëncësabi oquin ꞌanun sinánmia. Usaribiti camina mitsux an sinánmicë ꞌiacën.

Efesios 3:10

Axa ami catamëcë unicamaxa an ꞌimicëx upí isquian naínu ꞌicë ángelcama, aín cushicamanribi uisaira cushiñu ꞌianan uisaira sinánñu cara ax ꞌicë upí oquin ꞌunánun ca Nucën Papa Diosan aín unicama usai ꞌinun mëníocëxa.

Efesios 6:12

Nux cananuna suntárunëxa ꞌacanancësaribiti ꞌin. Usai ꞌibi cananuna unibë ꞌacananiman. Nun nuitu mëúishi cananuna ꞌacanáncësa ꞌain, ñunshin ꞌatimanën nu ꞌibuati rabanan. Aín ꞌapubë cushiquin ca ñunshin ꞌatimacaman nu ñu ꞌatima ꞌanun nu ꞌamitisa tania. Atun an ënë menuxun ñu atima ꞌacë unicama ꞌibuacë ꞌixun ca nuribi ñu ꞌatima ꞌamitisa tania.

Colosenses 2:10

Ax cushiira ꞌixuan an ꞌimicëxma ca ángelcama ꞌimainun ñunshíncamaribi ꞌimainun uisa ñun cushi cara, acamaxbi ñancáishi ꞌiti ꞌicën. Usa ꞌain ca Cristobëmi achúshisa ꞌain, aín cushi anúnmi Nucën Papa Dios cuëëncësabi oquin ꞌati ax mitsubë ꞌicën.

Colosenses 2:15

Usonan ca Cristonën i curúsocënu bamaquin uisa ñunshinax cara uisaira cushiñu ꞌicë, abi camabi unían ꞌunánun ñusmoquin cushiñuma ꞌimiacëxa.

Hebreos 1:4

Nucën Papa Diosan Bëchicë ax ca aín Papa cuëëncësabi oi ꞌicë cupí, aín ángelcamasamai upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cra ꞌaish aín Papabë ꞌApu ꞌicën. Usa ꞌaísha ax aín Papabë ꞌApu ꞌain ca ángelcama abë sënë́nma ꞌicën.

Hebreos 2:5

Aín unicama cara uisai ꞌiti ꞌicë quixun ñuiquin cana mitsu cain, Nucën Papa Diosan ca ángelcama —mitsux camina ꞌën unicaman ꞌapu ꞌiti ꞌai —quixun cáma ꞌicën.

Hebreos 4:14

Jesús ax ca Nucën Papa Diosan Bëchicë ꞌianan, an nu Nucën Papa Dios ñucáxuncë ꞌaish aín Papa Diosan nëtënu abëbi ꞌicën. Usa ꞌicë cananuna ami catamëquin aín bana cuati ëntima ꞌain.

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.