Eclesiastés 9:9 - Kashibo-Kakataibo Biblia

⁹ ꞌIanan kamina ami nuibakin kuëënkë min xanubë kamabi nëtën kuëëni tsóti ꞌain, usaími mix ënë nëtënu tsóti abë ꞌiti ka Diosan mi ꞌinánkëxa; ꞌaínbi ka nun tsóti ax xënibua ꞌaish nun xanubë ꞌupitax tsókë ax asábi ꞌikën.

Eclesiastés 9:9 ပူးပေါင်းရင်းမြစ်များ

Génesis 26:8

Ësokin anu ꞌikë unikama katankëx ka anu basipain tsóti bërúakëxa. ꞌAínbi ka achúshi nëtën Abimélecnën aín xubu xëkuë chukúmanën iskëxunbi Isaacnën aín xanu Rebeca kuëënkin ꞌikútia isakëxa.

Eclesiastés 3:13

usa ꞌain ka nun pianan ñu xëanan kakë ax ñu ꞌapátankëxun tuaia aín bimi bikë ax, Diosan nu ꞌinánkë ꞌaish asábi ꞌikën.

Eclesiastés 3:22

ꞌËnbi kana iskin sinan, unían ꞌakë ñukamax ka upí ꞌikën, usa ꞌaínbi ka aín ñu mëëti ꞌai tsókë axira bëtsi ñukamasamaira upíira ꞌikën, usai ꞌitiokin ka uni ꞌakëxa, usa ꞌain ka uni bamakë ꞌikë, uisa ñukama kara ꞌia kixun istëkënun an bëtëkënti ꞌaíma ꞌikën.

Malaquías 2:15

¿Ax kara Dios achúshi abia uni uniokin aín nami ꞌanan aín bëru ñunshinribi ꞌama ꞌik? ¿Asérabi kara Diosan mitsun rëbúnkikama ainan ꞌia upí ꞌikani kuëëntëkënti ꞌimiti ꞌik? ¡Usa ꞌain kamina mitsun nami bërúankin, bëná ꞌixun bikin min xanu ká bana a manukin ꞌatima otima ꞌain!