Eclesiastés 3:8 - Kashibo-Kakataibo Biblia

⁸ Anu ka anun nuibananti nëtë ꞌikën, ꞌimainun ka bëtsimi nishti nëtëribi anuꞌikën. Anu ka anun ꞌakánanti nëtë ꞌikën, ꞌimainun ka anun ꞌakananima nuibanani tsóti nëtëribi anu ꞌikën.

Eclesiastés 3:8 ပူးပေါင်းရင်းမြစ်များ

1 Reyes 5:4

Usai ꞌikin ꞌaiama okin ka bërí nun Diosan nukamaxnu ꞌakananima axa nu ꞌurama tsókë unikamabë upitaxëshi bukunun ꞌimiaxa, usa ꞌain kananuna ax numi nishkin nu ꞌakatsikixun ubioti ꞌaíma ꞌain upitax bërí bukuin.

Salmos 105:25

Usa ꞌaínbi ka egipcio unikaman Diosanbi atumi nishkian ain unikama ꞌatima onun kixun sinánmiakëxa, usokëxun ka Diosan kaískë unikama a atumi nishkin bëtsi bëtsi okëxa.

Salmos 139:21

ꞌËn ꞌIbu, ¿ꞌëx kara ax mimi nishkë unikama ami nishin, ꞌianan karana axa mi ñui ꞌatimati banakë amiribi nishima ꞌiti ꞌain?

Proverbios 13:5

Uni upí sinánñu an ka këmëi banakë a kuëënima; uni ñu ꞌatima ꞌakë ax ka ñu ꞌatima ꞌaibi anunbi rabinti ꞌunánma ꞌikën.

Lucas 14:26

—Uix cara ꞌën uni ꞌiisa tania an ca aín papa, aín tita, aín xanu, aín bëchicë, aín xucën, aín chirabacë, acama nuibacësamaira oi ꞌëmi sinánti ꞌicën. Usai ꞌianan ca ax upiti tsótishi sinanima ꞌëmi sinani ꞌëx cuëëncësabi oishi ꞌiti ꞌicën. Ui unix cara usai ꞌiisama tania ax ca ꞌën uni ꞌitima ꞌicën.

Efesios 3:19

Nun nu camaira ꞌunántisama ꞌicëbimi mitsun, uisaira oquin cara Cristonën mitsu nuibatia quixun, aín cushi an mitsun nuitu upí ꞌimiti axa asérabi mitsubë ꞌain ꞌunánun cana Nucën Papa Dios mitsu ñucáxunin.

Efesios 5:25

Ainan ꞌinun unicama nuibati ca Cristo bamatsianxmabi bamacëxa. Usoquin ca an aín unicama nuibatia. Usaribi oquin ca bëbuxun xanuñu ꞌixun aín xanu nuibati ꞌicën.

Tito 2:4

Xanu apáncaman ca ësai ꞌiquin aín tuá ꞌimainun aín ñe xutacamaribi ësaía ꞌinun ꞌunánmiti ꞌicën: atun bënë nuibanan ca atun tuáribi nuibaquin bërúanti ꞌicën.

Apocalipsis 2:2

Mitsúnmi ñu ꞌacëcama cana ꞌunanin, chiquíshquinma camina ñu upí ꞌain. Uisa ñu cara ꞌicëbëtanbi camina ꞌëmi sinánti ëncëma ꞌain. An ñu ꞌaisama ꞌacë unicama timaquin camina an ꞌacësaribi oquin ꞌaiman. Usai ꞌiquin camina uni raíri axa —ꞌë ca Nucën Papa Diosan aín bana unicama ñuixunun ꞌimia —quicë, ax cara asérabia Nucën Papa Diosan usoquin ꞌimicë ꞌicë quixun ꞌunánuxun isquinbi camina atúxbia cëmëi quia isan.