Eclesiastés 3:7 - Kashibo-Kakataibo Biblia

⁷ Anu ka anun ñu tukapati nëtë ꞌikën, ꞌimainun ka anun këxëti nëtëribi anu ꞌikën. Anu ka anun banaima tsóti nëtë ꞌikën, ꞌimainun ka anun banati nëtëribi anu ꞌikën.

Eclesiastés 3:7 ပူးပေါင်းရင်းမြစ်များ

Génesis 37:29

Usa ꞌain ka Rubén ax aín xukë́n José chikínti sinanx ꞌuxunbi kini ꞌukëmëuküa ꞌaíma okëxa, ꞌaíma oika ratuti sinánkasmai nitë́xëti bëríkarana uisai ꞌiti ꞌai kixun sinani aín chupa tukai masá nuituakëxa.

Génesis 37:34

Usakin atu kai ka Jacob aín chupa tukai nitë́xëti ꞌitsaira iankëxa, aín bëchikë bamakësa sinani.

Génesis 44:18

Usa ꞌain ka Judánën José ꞌurama okin kakëxa: —ꞌËn kana mi ësokin kaisatanin, usa ꞌain kana ꞌën uínbi kuanuma mi kain. Kamina ꞌën kakëx ꞌëmi nishtima ꞌain, mix kamina ꞌapu faraón asaribi ꞌikë kana mi kain.

Génesis 44:34

Uisa kupí, ¿uisax karana ꞌën papanu ënë tuá ꞌëbë kuankëbëma ꞌëx kuantëkënti ꞌain? ꞌËn karana ꞌën papa masá nuituti tëmëraia isti ꞌain.

2 Samuel 1:11

Usokin kakëxun kuati ka David ꞌimainun abë ꞌikë unikama atun chupa anun paëkin tukai,

1 Reyes 21:27

Ësokia Dios kikë bana Elíasnën ñuixunkëxun a banakama kuakin ka Ahabnën aín chupa abi tukai ꞌikiani aín xubunu kuanxun chupa xënira pañutankëx añubi pima a pañukë chupa xënira añabi ꞌuxanan, masá nuitukëishi ꞌaish niakëxa.

2 Reyes 18:36

Ësokian kakëx ka anun ëma kënëarakënua ꞌikë unikamax uisa bana banakama ꞌikën, ꞌapu Ezequíasnën banaiabi atu uisakinbi kaxuma ꞌanun kixun kakë ꞌaish.

2 Reyes 5:7

Ësokin ꞌaxuan ꞌinánkëx Samarianu bëbax ka anua ꞌapu ꞌikë aín xubunu kuanxun ꞌIsraelnën ꞌapu kirika kuënëokë buánkë a ꞌinánkëxa, ꞌinánkëxun istánkëx ka Israel unikaman ꞌapu aín chupa tukai nishi kiakëxa: —¿ꞌËx karana an uni tsónun ꞌimianan bamanun ꞌimikë a ꞌain, ꞌapu ꞌitsían uni achúshi an nami chëkimikë ꞌinsin ꞌën pëxkunun ꞌënu xunun karana ꞌëx Dios ꞌain? ¡ꞌËn sinánkëxun sapi ka nubë ꞌakánanti barikin ësokin ꞌaia usa ꞌain kananuna upiti bërúankati ꞌain!

2 Reyes 6:30

Ësokian a xanun kakëxun kuati ꞌitsaira nishkin ka, ꞌapun aín chupa tukakëxa. Tukakian anun ëma bëararakin kënëkë manámixun, bëtsi chupa pañuia ka anu ꞌikë unin iskankëxa.

Job 2:13

Usai ꞌitankëx ka atúxribi menu tsóti mapai achúshi ꞌimainun rabë́ nëtë ꞌianan mapai achúshi ꞌimainun rabë́ imë́ribi uisa banabi abë kananima a ꞌurama abë ꞌiakëxa, usai ꞌia ꞌaisamaira paë tani tëmëraiabi ka atun Job uisa banabi káma ꞌikën.

Eclesiastés 3:6

Anu ka anun ñu ꞌaisa kara kixun tanti nëtë ꞌikën, ꞌimainun ka anun ñu ꞌakatsikixun ꞌaxunbi sinanatëkënkin ënti nëtëribi anu ꞌikën. Anu ka anun ñu bukunrukin nanti nëtë ꞌikën, ꞌimainun ka anun ñu puti nëtëribi anu ꞌikën.

Jeremías 36:24

Usokin kamabi kirika iskin ꞌaia kuatíbi ka ꞌapu ꞌimainun aín unikamax rakuëanan masánuituti anun paëama ꞌikën.

Joel 2:13

¡Amiribishi kamina mitsun ꞌIbu Diosmi sinanatëkënti ꞌain, usai ꞌikin kamina mitsun nuitu mëníokati ꞌain, chupa mëníokë usamaira ꞌikën! Usa ꞌaish ka Nukën ꞌIbu ax munu ñu ꞌai bënëtishi nishkëma ꞌianan nuibanankë ꞌikën, usa ꞌain ka ꞌitsaira ax nuibanania, usa ꞌixun ka ꞌatima oisa tankinbi tënëkin uni nuibatia.

Amós 5:13

Usa ꞌain ka uix kara sinánñuira ꞌikë ax banaima nëtë́kë ꞌiti ꞌikën, ënë nëtë ka ꞌaisama ꞌikë usa ꞌain.

Amós 8:3

Usa ꞌain ka a nëtë ꞌikëbë ꞌapun xubunuaxa kantakë a nëtë́ti ꞌitsaira uni bamakë ain inkë ꞌiti ꞌikën. Usa ꞌain ka ꞌitsaira uni bamakëbë bana nëtë́këbëtan bamakë unikama an maínti aíma ꞌain ëman pukë ꞌiti ꞌikën. Usai ka Dios kiaxa.

Hechos 4:20

An ñu ꞌaia isananu nun cuacë Jesusan bana ënë cananuna unicama ñuixuntëcënti ëntima ꞌain.

Hechos 9:39

Xucëx cuanxuan cacëxëshi ca Pedro uni rabë́ abëbi Jopenu cuancëxa. Cuanx bëbaxa anu Dorcas racáncënu buáncancëx atsinia ca xanu casunamëcëcaman nëbë́tsioracëxa. Nëbë́tsiorati inquin ca ñutisama pan ꞌixúan Dorcasnën ꞌacë cutúncëñun chupacama Pedro ismiacëxa.

1 Samuel 10:16

Kixun kakëxun ka Saúlnën aín kuku kakëxa: —Nun kuamainubi ka ësokin nu kaxa burro aín xanu akama ka mërakanxa kixun ka nu kaxa. ꞌAínbi ka Saúlnën abë banakian Samuelnën Diosan Bëru ñunshin upitan ka mi ꞌapu ꞌimiti ꞌikë kakë ashi ñuixuanma ꞌikën.