Eclesiastés 3:6 - Kashibo-Kakataibo Biblia

⁶ Anu ka anun ñu ꞌaisa kara kixun tanti nëtë ꞌikën, ꞌimainun ka anun ñu ꞌakatsikixun ꞌaxunbi sinanatëkënkin ënti nëtëribi anu ꞌikën. Anu ka anun ñu bukunrukin nanti nëtë ꞌikën, ꞌimainun ka anun ñu puti nëtëribi anu ꞌikën.

Eclesiastés 3:6 ပူးပေါင်းရင်းမြစ်များ

2 Reyes 5:26

Kakëxunbi ka Eliseonën munuma banakin kakëxa: —Min kamina ꞌë paránima ꞌën kana Naamán axa mi kuania bitsi aín caballonën nirinkënuax ꞌibútia isan, ꞌën sinanëinshi kana anu mibë ꞌian. Usa ꞌaínbi ka bërí anun kuríki bianan a pañuti chupa bianan anun ñu ꞌapákë naë maruanan, anu uvas ꞌapákë naë bianan oveja, ꞌimainun vaca aín bënëkama bianan an ñu mëëxunti uni bianan xanuribi an ñu ꞌaxúnti biti nëtëma ꞌikën kixun ka kakëxa.

2 Reyes 7:15

Usakin kakëx rikiani kuankin ka anua sirio suntárukama abati kuankë anunbi kuantankëx Jordán kakë baka anubi bëbakin nuiakëxa, nuibiani kuankinbi ka anúan kuankankë anua ꞌaisamaira atun chupa puanan ñuribi sirio unikaman bënëti abákin pubiankë isakëxa. Usai isiani anu kuantëkënxun ka an istia xukë suntárukaman ꞌapu atun isiankë ñukama ñuixuankëxa.

Eclesiastés 11:1

Mix bakan nikin nuntin ñu marui tëmërai nikë ꞌixun kamina mix; usai ꞌi tëkë anun karamina ñuñu ꞌi kixun ꞌunánti ꞌain.

Eclesiastés 3:5

Anu ka anun maxax abístanun puti nëtë ꞌikën, ꞌimainun ka anun timëkin biti nëtëribi anu ꞌikën. Anu ka anun ꞌikúkananti nëtë ꞌikën, ꞌimainun ka anun ꞌikúkanantima nëtëribi anu ꞌikën.

Eclesiastés 3:7

Anu ka anun ñu tukapati nëtë ꞌikën, ꞌimainun ka anun këxëti nëtëribi anu ꞌikën. Anu ka anun banaima tsóti nëtë ꞌikën, ꞌimainun ka anun banati nëtëribi anu ꞌikën.

Jonás 1:5

Usai ꞌikëbë ka an manë nunti nikinkë unikamax ꞌitsaira rakuë́akëxa, rakuëkin ka atun dios achúshi achúshixun atuisa ꞌakinun kixun ñukákankëxa. ꞌAínbi ka atun diosan ꞌakianma ꞌikën, usai ꞌurainra ꞌikëbëtan ka manë nuntisa bëspúrui urutanun kixun anua ꞌikë ñukama parúmpapanu puakëxa. Usakin ꞌakamainun ka Jonás manë nunti kataitsi ꞌukëmëu anu ñu puruti ꞌakë anu kuabúax ꞌaímai napëkëti ꞌuxkë ꞌiakëxa.

Mateo 19:29

Ësaquinribi cana mitsu cain, uinu ꞌicë unin cara ꞌëx cuëëncësabi oquin ꞌanuxun aín xucën, aín chirabacë, aín papa, aín tita, aín bëchicë, aín naë, añu ñu cara, abi ëanxa, a unix ca ëncë ñuñu ꞌicësamaira oi ñuñu ꞌiti ꞌicën. ꞌIanan ca Nucën Papa Dios quicësabi oi aín nëtënu abë nëtë́timoi ꞌiti ꞌicën.

Hechos 27:19

Usaquin ꞌón cananuna nunribi nuntinua ꞌicë ñucama parúnpapa nëbë́tsi puacën.

Hechos 27:38

Acaman ca uiti cara piisa tania pitancëxun, manë nuntia xanúntanun trigo sacocama parúnpapanu puacëxa.