Eclesiastés 3:22 - Kashibo-Kakataibo Biblia

²² ꞌËnbi kana iskin sinan, unían ꞌakë ñukamax ka upí ꞌikën, usa ꞌaínbi ka aín ñu mëëti ꞌai tsókë axira bëtsi ñukamasamaira upíira ꞌikën, usai ꞌitiokin ka uni ꞌakëxa, usa ꞌain ka uni bamakë ꞌikë, uisa ñukama kara ꞌia kixun istëkënun an bëtëkënti ꞌaíma ꞌikën.

Eclesiastés 3:22 ပူးပေါင်းရင်းမြစ်များ

Job 14:21

Usa ꞌixun ka uni ñukë an uisa kara unin aín bakë bëchikëkama oia kixunbi kuatima ꞌianan; uisa ñu kara ꞌinutia kixunbi ꞌunannima;

Eclesiastés 9:12

Usa ꞌain ka uínbi ꞌunanima, uisai kara ꞌiti ꞌikën, anúan usai ꞌiti nëtë ꞌikëbë ꞌiti ꞌikë kixun: usa ꞌaish ka tsatsakama anua këñurutia rika nankë anu këñurukësai ꞌianan ñuina pëchiñu anu nipakëti nankënu nipakëkësa, usaribiti ꞌikin ka unin, uisai karana ñu ꞌatima ꞌinuti ꞌaisama ñunu nipakëti ꞌikë kixun ꞌunanima.

Mateo 6:34

Usa ꞌain camina —imë́ishi carana uisai ꞌiti ꞌain, bëtsi nëtë́nribi carana uisai ꞌiti ꞌai —quixun sinani masá nuitutima ꞌain. A nëtë ucëbëtainshi camina isti ꞌain.

Deuteronomio 12:18

ꞌImainun kamina Nukën ꞌIbu Diosan isnun ꞌakin mitsun uinu kara an kaisia, anuxun Diosan ismainun ꞌakin mitsun bakë bëchikëkama ꞌimainun an ñu mitsu mëëxunkë ꞌimainun mitsun aintsi levita unikama atubëbi timë́xun mitsun ñu ꞌapákë ꞌain bimi bixun pi kuëënti ꞌain.

Deuteronomio 12:7

ꞌInánkin kamina xubusa okin chupa ꞌakë anuxun mitsun aintsikamabëtanbi xara okëxa tëxëkëkama kuëënkin piiti ꞌain, ax ka ñu mëia Diosan mitsun ñu ꞌapákë ain bimi ꞌimainun mitsun ñuinakamaribi ꞌaisamaira ꞌinun ꞌimikë ꞌikën.