Eclesiastés 3:20 - Kashibo-Kakataibo Biblia

²⁰ ꞌianan ka uinu kara kamáxbi bamax ꞌiti ꞌikë anu ꞌiti ꞌikën; me putu unio ka kamabi uni ꞌikën, usa ꞌaish ka me ꞌitëkënti ꞌikën.

Eclesiastés 3:20 ပူးပေါင်းရင်းမြစ်များ

Génesis 25:17

Ismael ax ka ciento treinta ꞌimainun siete baritiañu ꞌaish ñuakëxa, ñui ka aín chaitiokëkama ꞌiasaribiti ñuia anu ꞌain chaitiokëkama maían anubi maíankëxa.

Génesis 25:8

ka uni ꞌikësabi kaniakëtankëx ñuakëxa. Ñui ka ꞌain chaitiokëkama ñua ꞌaísh anu bukukë abë ꞌi kuankëxa.

Génesis 3:19

Min nichakin ꞌitsaira ñu mëëtankëxun kamina pinuxun ꞌain, me ꞌakë kamina ꞌain, usa ꞌain kamina anúnmi me ꞌitëkënti ꞌitámainun ñu menuxun ꞌain, me ꞌakë kamina ꞌain, usa ꞌaish kamina me ꞌitëkënuxun ꞌain.

Job 14:10

Usa ꞌaínbi ka unix usai ꞌima ashiti ñuia; usai ꞌi kara ñukiani uni, ¿uinu kuanin?

Job 14:14

Usa ꞌain kara achúshi uni ñukë ax, ¿amiribishi baískitëkëntankëx tsóti ꞌik? Usai ꞌiti ꞌain kana ꞌën uiti nëtë karana anu uni ñukë anu ꞌiti ꞌai a nëtë kamabi sënë́mi anu ꞌiti ꞌain. Usa ꞌain kana anuxun uínsaran kaina ꞌëx tëmërai masá nuitukë a asábi ꞌinun ꞌimi kaínti ꞌain.

Salmos 103:14

usa ꞌixun ka Diosan ꞌunánxa, añu ꞌá karanuna ꞌai kixun: an ka upíokin ꞌunania nux kananuna me putu ꞌakë ꞌai kixun.

Salmos 104:29

ꞌianan ka mixmi ami kasuakëkëbë rakuëtan bamai, ꞌianan minmi anun uinti ꞌinankëmax bamai amiribishi me putu ꞌitëkënia.

Eclesiastés 12:7

Usa ꞌain ka a nëtë ꞌikëbë uni me putu unio ꞌaish mebi ꞌitëkënti ꞌikën, ꞌimainun ka aín bëru ñunshin ax Diosnubi kuantëkënti ꞌikën.

Eclesiastés 3:21

¿Uin kara unin kaña naínu kuanmainun kara ñuinakaman kaña me ꞌukëmëu kuania kixun ꞌunánti ꞌik? uínbi ka ꞌunanima.

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Números 27:13

Usakin a mekama istánkëx kamina min xukë́n Aarón ꞌiásaribiti ñukiani kuantankëx min chaitiokëkaman raraitsibë min raraitsi biranani kuanti ꞌikën,