Eclesiastés 3:17 - Kashibo-Kakataibo Biblia

¹⁷ Ënë nëtënu ka anun kamabi ñu ꞌiti nëtë ꞌikën, usa ꞌain ka Diosan ka kamabi unikama an ñu upí ꞌakë ꞌimainun an ñu ꞌatima ꞌakëkama isti ꞌikën, anu ka anúan kamabi ñu ꞌiti nëtë ꞌimainun kamabi ñu upí ꞌakëkama isti nëtëribi ꞌikën.

Eclesiastés 3:17 ပူးပေါင်းရင်းမြစ်များ

Génesis 18:25

¡Min usokin uni ꞌuchañuma këñun uni ꞌuchañukama, ꞌakin kamina a rabëtaxbi ꞌuchakësa ꞌikë ꞌati ꞌain! ¡Usakin ꞌaxuma ka at! Mix kamina ꞌapu ꞌaish kamabi kushiñu ꞌain kamabi menu, ¿usa ꞌixunmi usakin ñu ꞌakë ax kara minan asabi ꞌiti ꞌit?

Salmos 96:13

usai ꞌika Diosan ꞌismainun kantati ꞌikën! ¡Ax ukin ka ënë menu ꞌikë ꞌapu ꞌixun ꞌakinti ꞌikën, ꞌakianan ka kamabi menu ꞌikë ëmakamanu ꞌikë unikamaribi ꞌakinkin asérabi an ñu upíokin ꞌati ꞌikën!

Eclesiastés 3:1

Ënë menu ka anun kamabi ñu ꞌiti nëtë ꞌikën; usa ꞌain ka uínsaran kara ꞌia a nëtë ꞌikëbë anun ñukamax ꞌia:

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Juan 5:22

ꞌËn Papax ca uicamax cara aín ꞌucha tërë́ncë ꞌicë quianan uicamaxribi cara ꞌuchañu ꞌicë quiax quima. Usa ꞌixun ca ꞌëx aín Bëchicë ꞌicë usoquin ꞌanun ꞌë cuni ꞌimiaxa,

Hechos 1:7

Cacëxunbi ca Jesusan atu cacëxa: —ꞌËn Papa Diosan ca an sináncësabi oquin uinsaran cara usai ꞌiti ꞌicë quixun mëníocëxa. Uinsaran cara usai ꞌiti ꞌicë quixun camina mitsun ꞌunaniman.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

1 Corintios 4:5

Usa ꞌain camina Jesucristo utëcëncëma pain ꞌain, uisa uni cara uni itsi ꞌicë quixun sinántima ꞌain. Utëcënxun ca Nucën ꞌIbu Jesucristonën, camabi uni an unë́xun ñu ꞌacëcama ꞌimainun aín nuitu mëúa sináncë ñucamaribi, an upí oquin ꞌunánun ꞌunánmiti ꞌicën. ꞌUnánmicëbëtan ca Nucën Papa Diosan ui unicaman cara aín ꞌucha tërë́ncë ꞌixun ñu upí ꞌaxa, a usaribi oquin —upí oquin camina ꞌa —quixun caquin cuëënmiti ꞌicën.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

1 Tesalonicenses 5:1

Nucën xucë́antu, uisa nëtën ꞌianan cara uínsaran Nucën ꞌIbu Jesucristo utëcënti ꞌicë quixun cananuna mitsu cuënëoxuniman.

Apocalipsis 11:18

Axa mimi sináncëma unicamax ca mimi xuamati nishaxa. Nishcë ꞌaínbi ca anun min uisoquin caramina atu ꞌati ꞌai, usoquin ꞌati nëtë uaxa. Anun min camabi uni bama ꞌaíshbia baísquicë isti nëtë ca uaxa. An mix quicë bana uni ñuixuncë unicama, ꞌimainun axa min aín ꞌuchacama tërë́nun mimi catamëcë ꞌixun min bana cuacë unicama, aín cushi unicama ꞌimainun cushima unicamaribi, camabi isquinmi anun mibëa ꞌinun biti nëtë ca uaxa. ꞌImainun ca anúan ꞌuchañu unicama anua atun ñu ꞌatima ꞌacë cupí camabi ꞌuchañu uni ꞌiti anu cuanti nëtëribi uaxa.

Apocalipsis 20:2

Ubútancëxun ca a ángelnën capë́sa ꞌaíshbi pianancë ñuinacanꞌëo chaira, an bëráma runusa ꞌixun Nucën Papa Diosan uniotabatia uni paran ꞌixun camabi menu ꞌicë uni paráncë, ñunshin ꞌatimanën ꞌapu Satanás, a biquin mil baritia niaxma ꞌinun manë risin nëaxa.