Eclesiastés 12:7 - Kashibo-Kakataibo Biblia

⁷ Usa ꞌain ka a nëtë ꞌikëbë uni me putu unio ꞌaish mebi ꞌitëkënti ꞌikën, ꞌimainun ka aín bëru ñunshin ax Diosnubi kuantëkënti ꞌikën.

Eclesiastés 12:7 ပူးပေါင်းရင်းမြစ်များ

Génesis 18:27

Usakian kakëxun ka Abrahamnën amiribishi katëkëankëxa: —ꞌËn ësokin mi kakëxun kamina ꞌë uisabi otima ꞌain, mix kamina Nukën ꞌIbu Dios ꞌimainun kana ꞌëx achúshi unishi ꞌain;

Génesis 2:7

Usa ꞌain ka Nukën ꞌIbu Diosan mebi unisa ꞌinun ꞌatankëxun aín rëkinu rëxúnkakëxa, rëxúnkakëxëshi ka uíni uni ꞌiakëxa. Usai ꞌika uni uniakëxa.

Génesis 3:19

Min nichakin ꞌitsaira ñu mëëtankëxun kamina pinuxun ꞌain, me ꞌakë kamina ꞌain, usa ꞌain kamina anúnmi me ꞌitëkënti ꞌitámainun ñu menuxun ꞌain, me ꞌakë kamina ꞌain, usa ꞌaish kamina me ꞌitëkënuxun ꞌain.

Salmos 103:14

usa ꞌixun ka Diosan ꞌunánxa, añu ꞌá karanuna ꞌai kixun: an ka upíokin ꞌunania nux kananuna me putu ꞌakë ꞌai kixun.

Salmos 104:29

ꞌianan ka mixmi ami kasuakëkëbë rakuëtan bamai, ꞌianan minmi anun uinti ꞌinankëmax bamai amiribishi me putu ꞌitëkënia.

Salmos 90:3

Usa ꞌain ka mixmi unix ka me putu ꞌakë ꞌaish me ꞌitëkënun ꞌimin; usai ka unix ñui me ꞌitëkënia:

Jeremías 38:16

ꞌAínbi ka uínbi kuanuma ꞌapu Sedequíasnën unëxun asérabi ësokin an bana ñuikë Jeremías kakëxa: —ꞌËn kana Nukën ꞌIbu an nu tsóti ꞌinánkë an ismainun asérabi mi kain, ꞌën kana mia ꞌanun uni ꞌinánan an mi ꞌaisatankë unikaman mia ꞌanun ꞌamitima ꞌain.

Números 27:16

—Dios ꞌimainun ꞌën ꞌIbu, min kamina kamabi uni tsónun ꞌimin, usa ꞌain kamina min achúshi uni ain ꞌapu ꞌixúan, an min kaískë unikama an bëruánti uni ꞌaíma aín ñuina ꞌarakakë kuaínbëkini nikë usai ꞌitima kupín an bërúanti anëti ꞌain.

Lucas 23:46

Usaía ꞌicëbë ca munuma cuëncënishi Jesús quiacëxa: —Papan, ꞌën cana ꞌën bëru ñunshin minmi binun mi ꞌinanin. Usaquin catancëx ca ashiti bamacëxa.

Hechos 7:59

Maxaxan ꞌacëxun ca Estebanën Nucën ꞌIbu Jesús cacëxa: —ꞌËn ꞌIbu Jesús, mibë ꞌinun ca ꞌë bit.

Hebreos 12:23

Anuribi uicamax cara ainan ꞌicë, aín anë ꞌacë, acamanribi ca a rabia. Anu ca ax ꞌApuira ꞌixuan an camabi unin ꞌacë ñu iscë, Nucën Papa Dios, ax ꞌicën. Anuribi ca Nucën Papa Diosan ainan ꞌicë upí ꞌimicë ꞌaísha bamacë unicama aín bëru ñunshin ꞌicën.

Hebreos 12:9

Nux xu ꞌixun ñu ꞌatima ꞌaia oquin ca amiribishi ꞌatëcënxunma ꞌanun numi nishquinmabi nu ꞌunánmiquin nucën papan nu mëëacëxa. Mëëcëxunbi cananuna ami nishquinma ax cuëëncësabi oquin ꞌacën. ¿Usa ꞌain caranuna uisa cupí Nucën Papa Diosan nux abë upí ꞌinun quixun, uisa oquin cara nu ꞌati ꞌicë usoquin ꞌacëxunbi upí oquin sinántima ꞌain?