Eclesiastés 12:5 - Kashibo-Kakataibo Biblia

⁵ ꞌianan ka matá mapërakëti rakuë́ti ꞌianan, bairibi anun nisama ꞌiti ꞌikën. ꞌImainun ka amukutanën uábukin taëoti ꞌikën, ꞌimainun ka champu ꞌimainun muxañu i ax ñu achúshi tsamankësa ꞌiti ꞌikën. Usa ꞌain ka unikaman ñuia uanxun anu bamaia maínti anu xënibua ꞌaínbi anu ꞌinun uni maínti ꞌikën, usa ꞌain ka ñukë uni a bënini inia anun ëmanu niti bainuxunbi kuakë ꞌiti ꞌikën.

Eclesiastés 12:5 ပူးပေါင်းရင်းမြစ်များ

Génesis 42:38

Usai kiabi ka Jacobnën aín bëchikë kakëxa: —ꞌËn bëchikë aín ꞌanáka ënë ꞌikëbi kana mitsukëñun xutima. Aín xukë́n José ka ñuakëxa usa ꞌain ka aratsushi tikiaxa. Mitsubë kuania ñu ꞌaisama inuti ñuanan ꞌikëbë kaina uisai ꞌiti ꞌain, mitsux kamina ꞌuchakë ꞌiti ꞌain ꞌëx kaniakëkë ꞌaish ꞌitsaira masá nuituti ñukëbë.

Génesis 44:29

Usa ꞌain ka bërími ubankëxa aín xukë́n ꞌiásaribiti ñu ꞌaisama inuti nëtë́këbë kamina mi kamáxbi ꞌuchokë ꞌiti ꞌain, ꞌën sinanëinshi ꞌaisamaira masá sinani bamakëbë.

Génesis 44:31

nun papa a istëkënima masá nuituti bëunan mëskukënënbi bamati ꞌikën. Usa ꞌain kananuna nukamax nun papa kaniakëkë ꞌaish aín nitë́xëkëinshi bamakëbë ꞌuchokë ꞌiti ꞌain.

Eclesiastés 9:10

Usa ꞌain kamina añu kara ꞌaisa ꞌikë a min asérabi ꞌaisatankin kuëënkin ꞌati ꞌain; anua nu bamaia maínkë anuxun kananuna añu ñubi ꞌanan sinanimabi ꞌianan, añu karana ꞌunánti ꞌai kixunbi sinántima ꞌain.

Isaías 46:4

usa ꞌain kana ꞌëx mitsúxmi kaniakëkëbëbi usabi ꞌiti ꞌain, ꞌianan kana uínsaran kaina mitsun bu ꞌuxua ꞌirukani usai ꞌiabi bërúankin mitsu ꞌakinti ꞌain. ꞌËn kana mitsu usakin ꞌakën, usa ꞌixun kana usakinbi bërúankin, ꞌën mitsu ië́miti ꞌain;

Jeremías 1:11

Diosan ka ësokin ꞌë kaxa: Jeremías, ¿añu kara min iskë ënëx ꞌik? Kixun ñukákëxun kana kan, achúshi ꞌamukutan pëñan bënëtishi uabutia kana isin, —kixun kana kan.

Jeremías 9:16

Usakin ꞌanan kana ꞌën mekamanu ꞌikë atun papanbi ꞌunánma ëmakamanu kuani abístanun ꞌiminuxun ꞌain; usakin ꞌanan kana axa ami nishkë unikaman ꞌain manë xëtokë tuínxun anun ꞌanan achirabi nitánuma kamabi binun bimiti ꞌain.

Levítico 19:32

Uni apankama mi rapasu ukëbë kamina ax kuaintamainun niruti ꞌain. Usai ꞌi kamina ꞌëx kikësabi oi ꞌiti ꞌain. ꞌËx kana mitsun ꞌIbu a ꞌain.

Hebreos 9:27

Ënë nëtënu ꞌicë camabi unix ca achúshitishi bamati ꞌicën. Usa ꞌicë ca aín ñu ꞌacëcama ꞌunánquin Nucën Papa Diosan uicamax cara aín nëtënu abë ꞌiti ꞌicë quixun canan uicamax cara anu abë ꞌitima ꞌicë quixun cati ꞌicën.