Eclesiastés 12:2 - Kashibo-Kakataibo Biblia

² Usa ꞌain kamina barin pëkakë ꞌianan ꞌuxë ꞌispa akaman pëkakë ꞌaínshi ꞌanan ꞌuñe ꞌibúkë ꞌaia kuinribi ꞌibúkë ꞌaínshi min ꞌIbu Diosmi sinánti ꞌain.

Eclesiastés 12:2 ပူးပေါင်းရင်းမြစ်များ

Génesis 27:1

Usa ꞌain ka Isaac ax kaniakëti ꞌupiokin ñu istisama ꞌain bëru ꞌiakëxa. Achúshi nëtën aín rëkuë́n bëchikë Esaú kuënxun kakëxa: —¡ꞌËn bakë bëchikë! —Kia ka kamina ꞌë kati ꞌain papan —kixun Esaúnën kakëxa.

Génesis 48:10

Usa ꞌain ka Jacobnën kaniakëkin upíokin isama ꞌikën. Usakian upíokin iskëbëtanma ka Josénën aín bëchikë rabë́ a ꞌurama okëxa, ꞌurama oia ka Jacobnën ꞌikúkin bikin bëtsuku kakin aín kisinu tsónpakëxa.

Salmos 42:7

Usa ꞌain kana ꞌën bërí aín bashinuaxa ꞌumpax kushiira ꞌibúti maparami chakabuti banakë an ka ꞌë bakami kimikësa tamia; xukirui kushiira banaia kuakësa, usaribi kana ꞌëmi tëmëramikëxun tanin.

Salmos 90:10

Anun tsótimi nu ꞌinánkë ax ka setenta baritiashi ꞌikën; usa ꞌaínbi ka uix kara kushipain ꞌikë ax kuni ochenta; baritia ꞌimi tsóti ꞌikën, ꞌaínbi kananuna ꞌitsabaritia tëmërakin ñu mëi atsanin. ¡Usai ka nux ꞌikësaribiti baritia kamax, bënëtishi inutia!

Joel 3:15

A nëtë ꞌikëbëtan ka bari, ꞌuxë ꞌimainun ꞌispa akaman pë́katima ꞌikën.

Mateo 24:29

Usoquin canan ca ësaquinribi Jesusan aín ꞌunánmicë unicama cacëxa: —Usaía tëmërai anun uni bënë́ti nëtëcama ꞌicëbë ca bari bëánquinuxun ꞌaia, ꞌuxë́nribi ca pëcanuxunma ꞌaia. ꞌIsparibi ca rëucunuxun ꞌaia, naícamëꞌëo shaíquicëbë ca anua ꞌicë ñucamaxribi shaíquinuxun ꞌaia.

1 Samuel 3:2

ꞌAínbi ka achúshi imë́ ka Elí bëxuñu ꞌiakëxa, usa ꞌixun ka upíokin isima anua ꞌikë aín xubunubi ꞌiakëxa.

1 Samuel 4:15

anu ka Elí noventa ꞌimainun ocho baritiañu ꞌiakëxa, usa ꞌaish ka kaniakëti bëxuñu ꞌiakëxa.

1 Samuel 4:18

Usakin nu ꞌakin ka suntárukaman bunántisa okin ꞌakë a biaxa kixun ñuia kuatira ka, Elí anun ëmanu atsínti xëkuë rapasu tsótaxbi kaniakëkëira ꞌaish aín ratúkënanbi kaxutan nipakëti tëtsasikiti ñuakëxa. An ka cuarenta baritia Israel unikama atun ꞌapu ꞌixun ꞌakiankëxa.