Eclesiastés 12:1 - Kashibo-Kakataibo Biblia

¹ An kamabi ñu unio min ꞌIbu Dios a kamina mix bëná ꞌixuinshi sinánti ꞌain, anun tëmërati nëtë ka ꞌinuxun ꞌaia usa ꞌain; ꞌianan ka anunmi ësai ki banati baritiaribi ꞌiti ꞌikën: “ꞌËn ënë nëtënu tsókin ꞌakë ñukama anbi ka ꞌë kuëënmitima ꞌikën.”

Eclesiastés 12:1 ပူးပေါင်းရင်းမြစ်များ

Génesis 39:2

Usai an ñu mëëmikë uni egipcio uni, aín xubunu ꞌia ka Nukën ꞌIbun José ꞌitsaira bërúankin ꞌakiankëxa.

Génesis 39:23

usakin ꞌamainun an sipu bërúankë aín kushi an Josénën ꞌakë ñukama isama ꞌikën, usakin ka Nukën ꞌIbun ꞌakinkëxun aín ñu mëëtikama upíokin ꞌakëxa.

2 Samuel 19:35

ꞌëx kana bërí ochenta baritiañu ꞌain; usa ꞌixun kana pianan xëakin uisa kara ꞌain nëish ꞌikë tanan, kana ax ka nëish ꞌikë kianan ax ka nëishma ꞌikë kisamabi ꞌain; ꞌimainun kana axa kantakë unikama ꞌimainun axa kantakë xanukama kantaia kuaisamabi ꞌain, usa ꞌain kana ꞌë bëruain mix atsantima kupí mibë kuantima ꞌain.

2 Samuel 19:36

Usa ꞌain kana Jordán baka shítatishi mibë kuanti ꞌain, ¿usa ꞌaínbi kaina mix ꞌapu ꞌixun min ñu ꞌinainshikatsi kixun ꞌë kain?

1 Reyes 18:12

Usa ꞌaínbi ka bërí ꞌëx mi ëbiani kuankëbëtan Diosan bëru ñunshinan anua ꞌën mi ꞌunántima menu buánti ꞌikën. Usa ꞌain ka mi ñuikin kakëx ukinbi mi mërakinma Ahabnën ꞌë rëtëti ꞌikën. An mi ñu mëëxunti uni ënën ka bëná ꞌixunbi Dios kuëënkësa okinshi ñu ꞌakëxa.

Nehemías 4:14

Usai anun ꞌakánanti biaxi rakuë́tia kana nirukin, aín sinan mëninshi unikama ꞌianan an ëmanuxun bana mëníokë unikama ꞌimainun raíri unikama ësokin kakën: “Nux kananuna atumi rakuë́tima ꞌain. Rakuë́kinma kamina mitsun sinánti ꞌain Dios ax kushiira ꞌianan chaiira ꞌixun ka atu rakuëmiti ꞌikën, ꞌimainun ka an mitsun bakë bëchikë bëbukama ꞌianan ꞌini bëchikë xanukama ꞌimainun mitsun xanukama këñunbi mitsun ëma upí ꞌinun bërúanti ꞌikën.”

Salmos 34:11

ꞌËn nuibakë ꞌën xukë́antu ësokin mitsu kamainun kamina kuati ꞌain: ꞌën kana uisakin kara Nukën ꞌIbu rabiti ꞌikë a mitsu ꞌunánmiti ꞌain.

Salmos 63:6

Ñantan ꞌuxi rakábukë anuxunbi kana mimi sinanin;

Salmos 90:10

Anun tsótimi nu ꞌinánkë ax ka setenta baritiashi ꞌikën; usa ꞌaínbi ka uix kara kushipain ꞌikë ax kuni ochenta; baritia ꞌimi tsóti ꞌikën, ꞌaínbi kananuna ꞌitsabaritia tëmërakin ñu mëi atsanin. ¡Usai ka nux ꞌikësaribiti baritia kamax, bënëtishi inutia!

Proverbios 22:6

Min bakë bëchikë kamina xuratsu ꞌikëishi uisai kara tsóti ꞌikë kixun ꞌunánmiti ꞌain, usokin ꞌunánmikëxun ka kaniakëkinbi sinánkin min ꞌunánmia bana a manutima ꞌikën.

Proverbios 8:17

ꞌËn kana uikaman kara ꞌë nuibatia a kamaribi nuibatin, ꞌimainun ka uikaman kara ꞌë baria a kamanribi ꞌë mëraia.

Eclesiastés 11:2

Mix kuríkiñu ꞌianan ñuñu ꞌixun kamina min ishi nankinma bëtsinu bëtsinu nanti ꞌain, usokëx ka min nankë ax këñúkëbëbi amanumi nankë ax mix ꞌatima ñu inúkëbëbi min nankë ñukama ax bëtsinu ꞌiti ꞌikën.

Daniel 1:17

A bëná unikama rabë́ ꞌimainun rabë́ a ka Diosan sinánñuira ꞌixun bëtsi bëtsi kirika ꞌunánun ꞌunámianan uisa kara ñu ꞌiti ꞌikë abi ꞌunánun ꞌunánmiakëxa. Usa ꞌain ka Danielnën namákësa okin iskë a ꞌimainun, namákin iskë akamabi uisai ñu ꞌiti namákë kara ax ꞌikë abi ꞌunánkë ꞌiakëxa.

Lucas 1:15

Ax ca Nucën Papa Diosan iscëx uni itsisama ꞌiti ꞌicën. ꞌIanan ca an vino ꞌimainun ñu cachacë xëatima ꞌicën. Aín titaxa bacë́ncëma pain ꞌaíshbi ca Nucën Papa Diosan Bëru Ñunshin Upíñu ꞌiti ꞌicën, usabi ꞌinux.

Lucas 18:16

Caiabi ca Jesusan cacëxa: —Cuantánun caxunma ca tuá xuracama ꞌënua unun ën. ꞌËmi catamëtia Nucën Papa Diosan ainan ꞌimicë unicamax ca ënë tuá xuracamasaribi ꞌicën.

Efesios 6:4

Bëchicëñu unicama, mitsuribi cana cain, min bëchicë camina nishmitima ꞌain. Min bana parë́quinma min cacësabi oquin ꞌanun camina canioti ꞌain. Usoquin canioquin camina a ñuixunquin Nucën ꞌIbu Jesucristo cuëëncësabi oquian ꞌanun ꞌunánmiti ꞌain.

Deuteronomio 8:18

Usa ꞌain kamina mitsun Diosmishi sinánti ꞌain, an ka kushi okin mitsux mi kamabi ñu binux kushinun mitsu ꞌimiaxa, ꞌimikin ka ax kikësabiokin achúshiñu nukën chaitiokë kamabëtan ꞌasaribiokin ꞌaxa.

2 Timoteo 3:15

Chamará ꞌixunbi ꞌá ꞌixun camina Nucën Papa Diosan bana ꞌunanin. A banacama ꞌunánquin camina uisai caramina ꞌiti ꞌai quixun ꞌunánan, uisari caramina Jesucristomi catamëti Nucën Papa Diosnan ꞌinux ië́ti ꞌai quixun ꞌunánti ꞌain.

1 Samuel 1:28

Usa ꞌixun kana ꞌën Nukën ꞌIbu Diosan ñu mëëti ꞌanun ꞌimian, usa ꞌain ka ainan ꞌiti ꞌikën. Ësakin kakëx ka Elí ꞌain bëmánanën me tikai tsóbukin Dios rabiakëxa.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”

1 Samuel 2:18

Usokia atun ꞌamainun ka, bëná ꞌixun Samuelnën efod kakë chupa upíira lino ꞌakë a pañukë ꞌixun Nukën ꞌIbun ñu mëëti ënkinma abi ꞌakëxa.

1 Samuel 2:26

Usa ꞌain ka Samuel bërunani kanikin upíokin ñu ꞌaia Nukën ꞌIbun ismainun unikamanribi upí tuá ꞌixuan upíokin ñu ꞌaia ꞌunánkëxa.