Deuteronomio 9:9 - Kashibo-Kakataibo Biblia

⁹ Usai ꞌikëbë kana ꞌëx maxáx pará rabë́ anua achúshi ñu mitsu ꞌaxunkin Nukën ꞌIbun aín bana kuënëokë a bitsi aín bashinu mapërakëakën, mapërakëax kana anu cuarenta nëtë ꞌimainun cuarenta imë́ ñu pima ꞌianan xëaimabi ꞌiakën.

Deuteronomio 9:9 ပူးပေါင်းရင်းမြစ်များ

1 Reyes 19:8

Usakian kakëx bësui niruxun ka Elíasnën pianan xëakëxa. A pitia pikë an ka cuarenta nëtë ꞌimainun cuarenta ñantan nikiani kuanxa aín bashi Horeb kananbi Diosan bashi kakëribi anu bëbati kushiñua ꞌinun ꞌakiankëxa.

2 Reyes 6:22

Kiabi ka Eliseonën kakëxa: —Usama ka kamina rëtëmitima ꞌain. Abë ꞌakanankin ñusmoxun bixun uni itsi ꞌai kamina ꞌaxëtima ꞌain. Usakin ꞌakinma kamina pimianan xëamitankëxun atun ꞌapunua kuantanun xuti ꞌain.

Éxodo 24:12

Nukën ꞌIbun ka Moisés amiribishi katëkëankëxa: —ꞌËx anu ꞌikë ain bashi anu mapërakëtankëxun kamina anuxun ꞌë kaínti ꞌain, anuxun kana maxá pará okin ꞌakë rairi anu ax kikësoi ꞌiti bana ꞌimainun a tanti bana anu kuënëokë, anua Israel unibunën uisa ñu kara ꞌati ꞌikë uisa ñu kara ꞌatima ꞌikë a ꞌunánti mi ꞌinánti ꞌain.

Éxodo 24:15

Usakin kabiani ka Moisés aín bashi manan kuankëxa, kuankë ka kuinan aín bashi këñunbi mapuakëxa.

Éxodo 24:18

Iskëbë ka Moisés aín bashinu ꞌibúkë kuin anun atsínkiani mapërakëakëxa, mapërakëtankëx ka anu cuarenta nëtë ꞌimainun cuarenta imë́ ꞌiakëxa.

Éxodo 31:18

Usai abë banai ain bashi Sinaí kakë anuax sënë́ntankëxun ka Nukën ꞌIbun anua ax kikësabi oi ꞌiti aín bana abi mëkënanbi kuënëokë ain banakama maxax pará rabë́ a Moisés ꞌinánkëxa.

Éxodo 32:1

Usai Moisés aín bashinu kuanxbi panáirakëbëtan ka Israel unibunën anu rikianxun Aarón kakëxa: —Moisésnën ka nu Egipto menua chikínbëtsinkin bëaxa. ꞌAínbi kananuna uisai kara ꞌiaxa kixun ꞌunanima, usa ꞌain kamina achúshi dios an nu bërúanxun buánti ꞌaxúnti ꞌai kixun ka kakankëxa.

Éxodo 34:28

Usa ꞌain ka Nukën ꞌIbubë Moisés cuarenta nëtë ꞌimainun cuarenta imë́ aín bashi Sinaí kakë anu bërúakëxa anuxun ka añubi pima ꞌianan xëama ꞌikën. Anu ꞌixun ka maxá pará anu këñutima okin ñuikë bana, mapai rabëbëtan sënën ꞌitánun kuënëokëxa.

Mateo 4:2

Anu ꞌixun ca Jesúsan añu ñubi cuarenta imë́ ꞌimainun cuarenta nëtën piama ꞌicën. Ñu piima ca panancëxa.

Gálatas 4:24

Ënëx ca ësa ꞌicën. Ënë xanu rabë́ ꞌimainun tuá rabë́ ñui quicë bana isquin cananuna bëtsi bana rabë́ribi sinánti ꞌain, ësai quicë: A bana achúshinëx ca Cristo ñui quicë ꞌicën. A bana ca asérabi ꞌicë quixun sinani Cristomi catamëcë unicamax ca Saran rëbúnquisa ꞌicën. Bëtsix ca Nucën Papa Diosan Moisés cuënëomia bana a ñui quicë ꞌicën. Aín bashi Sinaí, anuax ꞌitsa nëtë abë banaquin ca Nucën Papa Diosan usai ca ꞌën uni ꞌiti ꞌicë quixun Moisés cacëxa. A bana quicësabi oquin aín unicaman ꞌanun ꞌinan ꞌaínbi ca ꞌitsa unin, a ꞌacë cupíshi cana Nucën Papa Diosan uni ꞌai quixun sinania. Usaquin sináncë unicama ax ca Agarnën rëbúnquisa ꞌicën.

Deuteronomio 8:3

ꞌImainun ka ñu narakamikinma tëmëramikin numin pain ꞌimitankëxunbi maná kakë piti mitsu pimiakëxa, a pitix ka mitsun ꞌunánkëma ꞌimainun nun chaitiokë kamanbi ꞌunánma piti ꞌiakëxa, usokin ꞌakin ka ñu pishi ka uni tsótima ꞌikë Nukën ꞌIbun banaribi ꞌai ka uni ami katamëti tsóti ꞌikë kixun ꞌunánmisatankin Diosan usakin ꞌakëxa.

Deuteronomio 9:11

Cuarenta nëtë ꞌimainun cuarenta imë́ ax inúkëbëtan ka Nukën ꞌIbu maxá pará rabë́ a ꞌë ꞌinánkëxa, ax ka anua achúshi ñu mëníokë kikë a bana kuënëokë ꞌiakëxa,

Deuteronomio 9:15

Kakëx aín bashi anuaxa tsi rëkirukësa ꞌikë anuax taramëbukuatsini ukin kana ꞌën maxá pará rabë́ anua achúshi ñu a tanti bana kuënëokë a ꞌën mëkënanbi tuinbëtsikin bëakën.

Deuteronomio 9:18

Usokin ꞌatankëx kana Nukën ꞌIbu ismainunbi menu rantipuruni ꞌëx bëráma ꞌikësaibi ꞌiakën, ꞌi kana cuarenta nëtë ꞌimainun cuarenta imë́ añubi pima ꞌianan xëaima ꞌiakën, mitsux ñu ꞌatima ꞌai ꞌuchakin Nukën ꞌIbu nishmikë kupí kana usai ꞌiakën.

Hebreos 9:4

Tabernáculo nëbë́tsi rabë́ oquin bëpáncë chupa rapasu ca anuxun tsëpasa ñu sanutanun xaroti nancë ꞌiacëxa, a Cata Upíira cacë, a rapasu. A Cata Upíira cacë, anu ca bunánti, curin ratacacacë ꞌaish anúnribi aín namë́nu rocë ꞌiacëxa. A bunántinu ca curi ꞌacë chumu, anu maná cacë piti ñu ꞌitsamashi purucë, ꞌimainun Aaronën tsati ꞌaíshbi coo, a ꞌimainun maxax parúsha rabë́, anu usai ca aín uni ꞌiti ꞌicë quixun Nucën Papa Diosan cuënëo, acama ꞌiacëxa.