Deuteronomio 9:6 - Kashibo-Kakataibo Biblia

⁶ Mitsun kamina ꞌunánti ꞌain, Diosan ka mitsu upí unibu ꞌikëmabi a me ꞌinania kixun, usa ꞌaínbi kamina bana kuaisama tankin mitsun nuitu iruarakë unibu ꞌain.

Deuteronomio 9:6 ပူးပေါင်းရင်းမြစ်များ

Éxodo 32:9

Ësakinribi ka Nukën ꞌIbun Moisés kakëxa: —ꞌËnbi kana uisa kara ënë unikama ꞌikë kixun ꞌunan, usa ꞌixun ka ꞌën bana kuakinma atun nuitu iruaratia.

Éxodo 33:3

A mex ka anu a piti ñu ꞌaisamaira ꞌimainun buna rëpa ꞌaisamaira ꞌumpax iskësa ꞌianan anu tsótisa upí ꞌianan anuxun kamabi ñuina kanionan anu ñu ꞌapátisa ꞌikën. ꞌAínbi kana ꞌëx mitsubë kuantima ꞌain, mitsubë kuankinbi atuna mitsu këñunun ꞌimin. Mitsux kamina bana kuakëma unibuira ꞌain.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Ezequiel 2:4

Usa ꞌain ka atun bakë bëchikëkamaxribi maxkáñumasa ꞌixun ꞌën kakë bana kuaisama tania. Usa ꞌain kana minmi ësokin kanun atunu mi xuti ꞌain: Ësai ka Nukën ꞌIbu Dios kiaxa.

Ezequiel 36:22

Usa ꞌain kamina ësokin Israel unibu kati ꞌain: Ësai ka Nukën ꞌIbu Dios kiaxa: ꞌËn bërí ꞌati ñukama ax ka Israel unikama mitsu kupín ꞌakëma ꞌiti ꞌikën, ax ka ꞌën anë ami upíira ꞌikëbë bëtsi bëtsi ëmanu kuankin ꞌaisama ñu ꞌakin ꞌatima okan a kupín ꞌakë ꞌiti ꞌikën.

Hechos 7:51

Usaquin caxun ca ësaquinribishi Estebanën cacëxa: —Mitsux camina bana sinanima, nuituñuma ꞌaish pabíñumasa ꞌiá ꞌaish usabi ꞌain, Nucën Papa Dios ꞌunáncëma unisaribi ꞌaish. Camabi nëtë́an Nucën Papa Diosan Bëru Ñumshin Upitan mitsu sinánmicë ꞌitsíanxbi camina an sinánmicë ꞌiisama tanin. Mitsun rara ꞌiásaribiti camina mitsux ꞌin.

Deuteronomio 10:16

Usa ꞌain kamina achúshi ñu ꞌakë kikë bana manukin mitsun nuitu iruakinma sinánti ꞌain,

Deuteronomio 31:27

ꞌËnbi kana upíokin ꞌunan mitsux kamina bana kuati ꞌunánmaira ꞌain; usa ꞌaish kamina ꞌëx mitsubë aínbi Nukën ꞌIbumi ꞌuchakën, ¿Usa ꞌaish karamina ꞌëx ñukëbë uisaira ꞌikanti ꞌain?

Deuteronomio 9:13

Kanan ka ësokinribi Nukën ꞌIbun ꞌë kakëxa: ꞌËnbi kana ënë unikama ꞌunan usa ꞌixun ka aín nuitu iruarakin ꞌatima ñu ꞌaxa.

Deuteronomio 9:24

¡A nëtën ꞌën mitsun uankë, anubi kamina Nukën ꞌIbun bana kuaisama tankën!