Deuteronomio 9:4 - Kashibo-Kakataibo Biblia

⁴ Usokin ꞌanuan Diosan ꞌamikëxun atu chikíntankëx kamina mitsux kitima ꞌain: Asérabi kananuna nun kushínbi ꞌa kixun sinánkantima ꞌain, min ënë me anu ꞌinun nu ꞌinan; usakin Nukën ꞌIbun ꞌakëx ka aín ꞌucha kupínbi atu chikínkë ꞌiti ꞌikën.

Deuteronomio 9:4 ပူးပေါင်းရင်းမြစ်များ

Génesis 15:16

Usai cuatrocientos baritia tsótankëx ka min bëchikënën bëchikë min xuta aín bëchikënën bëchikë akamax ka min rëbúnki ꞌaish amiribishi ënë menu utëkënuxun ꞌaia, usa ꞌaínbi ka anun ꞌën amorreo unikama aín ꞌucha kupín ꞌatima oti nëtë ꞌisama pain ꞌikën.

Ezequiel 36:22

Usa ꞌain kamina ësokin Israel unibu kati ꞌain: Ësai ka Nukën ꞌIbu Dios kiaxa: ꞌËn bërí ꞌati ñukama ax ka Israel unikama mitsu kupín ꞌakëma ꞌiti ꞌikën, ax ka ꞌën anë ami upíira ꞌikëbë bëtsi bëtsi ëmanu kuankin ꞌaisama ñu ꞌakin ꞌatima okan a kupín ꞌakë ꞌiti ꞌikën.

Ezequiel 36:32

ꞌËx Dios ꞌaish kana asérabi ësai kin: Israel unikama mitsun kamina ꞌunánti ꞌain, ꞌën kana mitsu usakin ñu ꞌaxunti kupín ꞌaiman; usa ꞌain kamina mitsunmi ñu ꞌatima ꞌakë anun rabini ñuumasara ꞌikanti ꞌain.

Romanos 11:20

Usa ca. Usa ꞌaínbi camina ꞌunánti ꞌain, Jesucristomi catamëcëma cupí ca judíos unibu ainanma ꞌia. Mitsux ami catamëcë cupíshi camina ainan ꞌain. Usa ꞌain camina —ꞌëx cana judíos unibusamaira ꞌai —quiax cërútima ꞌain. Judíos unibu ꞌicësaribiti Jesucristomi catamëcëma ꞌitin rabanan camina bërúancati ꞌain.

Romanos 11:6

A caíscëcama a ca atun ñu upí ꞌacë cupíma, nuibaquinshi Nucën Papa Diosan ainan ꞌinun caísaxa. Atun ñu ꞌacë cupía ainan ꞌinun caíscë ꞌaish ca acamax nuibaquinshia an caíscë ꞌitsíanma.

1 Corintios 4:4

ꞌËn ñu ꞌatima ꞌacë ꞌën chiquinacëma ca ꞌaíma ꞌicë quixun ꞌën sinaniabi ca Nucën ꞌIbu Jesucristonën cuni carana asérabi ñu ꞌaisama ꞌacëma ꞌai quixun ꞌunania.

1 Corintios 4:7

¿Uin cara mitsu raíri, bëtsi unicama ꞌicësamaira oími upí ꞌinun ꞌimiaxa? Nucën Papa Diosan ꞌimicëxma camina upí ꞌitsianma. Nucën Papa Diosan ꞌimicëx upí ꞌixun ¿caramina uisa cupí —ꞌëxbi cana upí ꞌai —quixun rabíquin sinanin?

Deuteronomio 12:31

Usakin kamina atun akësokin Nukën ꞌIbu Dios rabitima ꞌain, atun ka aín dioskama rabikin atun bakë bëchikëbi xaroxunkin rabia, usakian atun ꞌakë a kamina min kuëënima.

Deuteronomio 31:27

ꞌËnbi kana upíokin ꞌunan mitsux kamina bana kuati ꞌunánmaira ꞌain; usa ꞌaish kamina ꞌëx mitsubë aínbi Nukën ꞌIbumi ꞌuchakën, ¿Usa ꞌaish karamina ꞌëx ñukëbë uisaira ꞌikanti ꞌain?

Deuteronomio 8:17

Usa ꞌain kamina mitsun ësokin sinántima ꞌain: Nun kananuna ënë ñukama nun kushínbi bia kixun.

Deuteronomio 9:24

¡A nëtën ꞌën mitsun uankë, anubi kamina Nukën ꞌIbun bana kuaisama tankën!

Deuteronomio 9:5

Usa ꞌain ka mitsun upí ꞌixun biti kupíma a memi binun; atun ꞌucha kupín mitsun ismainunbi atun menua a unikama Nukën ꞌIbun chikínti ꞌikën, ꞌimainun ka anbia nun chaitiokë Abraham Isaac ꞌimainun Jacob akama kásabiokin ꞌati ꞌikën.

Deuteronomio 9:7

Mitsun kamina uínsaranbi anu uni ꞌikëma menuxua Nukën ꞌIbu Diosan kakëxunbi kuaisama tan bana a manutima ꞌain. ꞌIanan kamina Egipto menuax chikíkin ꞌásabiokin ënë menu bëbakinbi, an kakësabiokin ꞌaisama tankanin.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.