Deuteronomio 9:3 - Kashibo-Kakataibo Biblia

³ Bërí kamina mitsun ꞌunánti ꞌain, Nukën ꞌIbu ka bërí mitsubë ꞌikë kixun, usa ꞌixun ka tsi rëkirukënëan ñu këñubiankin xarokësa usa okinshi an ꞌakëxa a ëmakamax mitsumi rakuë́tia kamina këñuti ꞌain. Usakin mitsun aín ëmanubi bëbarukin ꞌakin këñukëx ka, unix munuma bëkui bënëtishi bëpëkikë usaribi okin Diosan aín kushínbi këñuti ꞌikën.

Deuteronomio 9:3 ပူးပေါင်းရင်းမြစ်များ

Éxodo 24:17

Usakin ꞌamainun ka Israel unikama ismainunbi ain bashi chairukë anu tsi rëkirukënëan ñu nënkësa ꞌinun ꞌia iskankëxa.

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Miqueas 2:13

Usai ꞌikëbë rëkuë́nkiani kuania ka atun Dios nuibiankanti ꞌikën, nuibiani ka anun ëmanu atsínti xëputi anun chikikanti ꞌikën. Usai ꞌikankëbë ka Dios aín ꞌapu ax kamaxunbi atun ismainun kuanti ꞌikën.

Mateo 15:10

Catancëxun ca ësaquinribi Jesusan cuënxun unicama cacëxa: —ꞌËn, bana ñuimainun ca upí oquin cuacan.

Marcos 7:14

Catancëxun ca ësaquinribi Jesusan cuënxun unicama cacëxa: —Camaxunbi ca ꞌën bana ñuimainun upí oquin cuat.

Romanos 8:31

¿A ñucama sinánquin cananuna ꞌunanin, Nucën Papa Diosan bërúancë ꞌicë ca an ëncëma ꞌicë uínbi uisashi cara oquinbi a nubë ënanamima.

Efesios 5:17

Sinánñuma camina ꞌitima ꞌain. Uisa ñumi ꞌati cara Nucën ꞌIbu Jesucristo cuëënia, a camina ꞌunánti ꞌain.

Deuteronomio 4:24

mitsun ꞌIbu Dios ax ka achúshi Dios an aín unikaman ñu ꞌatima ꞌati kuëënxunkëma a ꞌikën, ¡an ka mitsun ñu ꞌatima ꞌaia iskin tsi rëkirukënëan ñu nënkin këñukësa usaribi okin ꞌati ꞌikën!

Deuteronomio 7:16

Usa ꞌain kamina mitsun bëtsi menu ꞌikë unikama Diosan ꞌanun ꞌamikëxun ꞌakin; nuibakinma këñuanan atún diosmabi rabikë a rabitima ꞌain, usakin ꞌakin a rabi kamina mitsúxbi këñuti ꞌain.

Deuteronomio 7:22

Mitsun a ëmakama ꞌaia ka munu ꞌanun Diosan mitsu ꞌamiti ꞌikën; usa ꞌain kamina a unikama abë ꞌakanankin ꞌabuinkinshi këñutima ꞌain, usakinmi ꞌashibuinxun këñúkëbë ka ñuina raëkëma ꞌuakamë ꞌëoi ꞌaisamaira mitsu rapasubi ukinbi pitima ꞌikën.

Deuteronomio 9:6

Mitsun kamina ꞌunánti ꞌain, Diosan ka mitsu upí unibu ꞌikëmabi a me ꞌinania kixun, usa ꞌaínbi kamina bana kuaisama tankin mitsun nuitu iruarakë unibu ꞌain.

2 Tesalonicenses 1:8

Aín ángelnën cushicamabë utancëxun ca Nucën ꞌIbu Jesusan ui unicaman cara ami catamëisama tancë ꞌixun Nucën Papa Dios ꞌunáncëma ꞌicë, acama uisa cara oti ꞌicë usoquin ꞌati ꞌicën.

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.

Josué 3:11

Kamina kuakanti ꞌain, Nukën ꞌIbu kamabi men ꞌibu ꞌianan bunántisa okin ꞌakë kurin ratátakakë anua kamabi aín bana ꞌikë aka sacerdote unikaman mitsun ismainunbi Jordán kakë baka a sikarakëkinti ꞌikën.

Josué 3:14

Ësokin kaia Josué sënë́nkëbë ka Israel unibu anua ꞌikë anuax bunántisa okin ꞌakë kurin ratakakakë anua a tanti banakama ꞌikë a buani sacerdotekama kuankëbë a kaxú Jordán kakë baka shítati kuankankëxa.

Jueces 4:14

Usa ꞌain ka anu bëbaxun Déboranën Barac kakëxa: —¡Bërí nëtën kamina min suntárukamabëtan Sísara ꞌai kuanti ꞌain, Nukën ꞌIbun ka min mi ꞌanun mi ꞌamiti ꞌikën! ¡Nukën ꞌIbun ka atua ꞌanun min suntárukama ꞌakinti ꞌikën! Usokian kakëx ka Barac aín bashi Tabor kakë anuax aín diez mil suntárukamabë kuabuakëxa,