Deuteronomio 9:26 - Kashibo-Kakataibo Biblia

²⁶ ꞌikin kana anuxun munuma banakin kakën: ꞌËn ꞌIbu Dios ënë unikama kamina usakin ꞌatima aín, atux ka min uni ꞌikëmi Egipto menuxun tëmërakin ñu mëëiabi mix kushiira ꞌixun chikínbëtsinkin bëa a ꞌikën.

Deuteronomio 9:26 ပူးပေါင်းရင်းမြစ်များ

2 Samuel 7:23

Min uni Israel unibu ñuikin kana mi kain, ¡bëtsi menu ꞌikë ëmanu ꞌikë unikama atusaribi ka ꞌaíma ꞌikën, atux ka ënë menu ꞌikë bëtsi unikabëtan sënë́nma ꞌikën! ꞌËn ꞌIbu Dios min kamina min uni ꞌinun atu chikiankën. ꞌImainun kamina ꞌaisamaira ꞌixun bana sinankian upíokin ñu ꞌanun atu ꞌamian, min kamina min unikama Egipto menua chikínbëtsinkin atun ismainunbi bëtsi menu ꞌikë unikama ꞌimainun atun rabikë dioskama këñunbi këñuakën,

1 Reyes 8:51

A unikamax ka min kaisa unibu ꞌaish min unibi ꞌikën; minbi kamina Egipto menuaxa tsi ënxaira anu ñu xuiti ꞌakë anuax ꞌikësaira ꞌinua ñu mëi tëmëraiabi atu chikiankën.

1 Reyes 8:53

Minbi kamina atun Dios ꞌixun ꞌakinuxun min kaískë unia ꞌikanun bëtsi bëtsi menu ꞌikë ëmakamanua minanbi ꞌinun atu bikin, min uni Moisés kai nun chaitiokëkama Egipto menua chikíntankëx kiakën.”

Nehemías 1:10

Nukamax kananuna min kaisa ꞌaish min uni ꞌain, usa ꞌikë kamina atu min kushínbi chikínbëtsinkin Egipto menua bëakën.

Salmos 107:2

ꞌIanan ka an ië́mikë unikaman Dios kati ꞌikën, an ka ami nishkë unikaman ꞌati ꞌikëbi ië́miakëxa,

Éxodo 15:13

Min kamina min unikama ꞌitsaira nuibatin, usa ꞌixun kamina min kushi chaiira ꞌixun nukama ië́mikin ꞌakian; usa ꞌain kamina anuxun mi rabiti xubu anuxun rabikë ꞌiti ꞌain.

Éxodo 33:13

Min nu ꞌakinsa tankin kamina añu ꞌati kaina kuëëni ꞌë asérabi kati ꞌain, usakinmi kakëxun kana ꞌënribi mi nuibati ꞌain. ꞌImainun kamina ënë unikamax ka min unibu ꞌikë kixun sinánti ꞌain.

Éxodo 34:9

ësakin kakëxa: —¡ꞌËn ꞌIbu! ¡ꞌËn ꞌIbu! Asérabi nu nuibati kamina nu kuankëbë nubë kuanti ꞌain. Ënë unikaman ka asérabi aín sinan iruarakin bana kuakëma ꞌikën, ꞌaínbi kamina nux mimi ꞌuchakë a tërënkin minan ꞌinun nu ꞌimiti ꞌain.

Isaías 44:23

¡Naíkamë ꞌëo ax ka munuma kuëëni kuënkënti ꞌikën, usakian Nukën ꞌIbun ñu ꞌakë a isi! ¡Munuma kuënkëni ka me chaiira nankë́kë kamax unix ꞌikësaribiti ꞌiti ꞌikën! ¡Aín bashikama ꞌimainun ninu ꞌikë ikama axribi ka munuma unix ꞌikësai kuëënti ꞌikën, Nukën ꞌIbun ka aín kushi chaiira ismikin Israel unikama Jacobnën rëbúnkikama ië́miaxa usa ꞌain!

Isaías 63:19

Usa ꞌain kananuna nux uínsaranbi min ꞌakinkëmasa ꞌianan, uínsaranbi min unibu ꞌikëmasa ꞌiakën.

Jeremías 14:21

¡Min anë axa rabikë ꞌinun kamina nu timakësa otima ꞌain, ꞌianan kamina anua min kushi ꞌikë xubu ꞌupiokin ꞌakë anuxun ꞌapun bana ñuia kuakë a timakësa otima ꞌain! ¡ꞌIanan kamina nubëtan mi nëtë́timokin ñu ꞌa a sinánkin, ñankáishisa ꞌinun ꞌimitima ꞌain!

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Miqueas 6:4

ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Deuteronomio 13:5

ꞌImainun kamina an bana ñuixunkë uni ꞌimainun an namákin isun usaika ꞌiti ꞌikë kixun bana ñuikë uni a mitsunu mëratia ꞌati ꞌain, a unin ka Dios an Egipto menuxun tëmërakin ñu mëëiabi mitsu chikían ax kikësa okin ꞌanun ꞌën kakë usakin ꞌaxuma ꞌanun kixun mitsu ꞌunánmiti ꞌikën. Usakinmi ꞌakëx ka mitsunuax uni ꞌatima sinánñukama ꞌaíma ꞌiti ꞌikën.

Deuteronomio 32:9

usakin ka Nukën ꞌIbu Jacobnën rëbúnkikama, aín uni ꞌiti kaisakëxa.

Deuteronomio 7:8

Nukën ꞌIbun ka Egipto menuax ꞌaisamaira tëmëraiabi mitsu chikíankëxa, ꞌimainun ka aín kushínbi ꞌapu faraónën ꞌibuaxun ñu mëëmiabi mitsu chikíankëxa, usa ꞌixun ka an mitsu nuibakin nun chaitiokëkama kásabiokin ꞌakëxa.

Deuteronomio 9:12

ꞌimainun ka ësokinribi ꞌë kakëxa: Ënuax kamina bënëtishi taramëkëbukiani kuanti ꞌain. Egipto menuami chikínbëtsinkin bëkë unikaman ka ꞌatima ñu ꞌai ënananxa. Bënëkinshi ka ꞌën usakia ꞌati kakë bana manuaxa, usa ꞌixun ka a banakama parëkin bëtsi ñu tankin manë charóxun achúshi ñu unioxa kixun.

Deuteronomio 9:27

Usa aín kamina min unikama Abraham, Isaac ꞌimainun Jacob akaman ka min kakësabiokin ꞌakëxa kixun sinánkin. Ënë unikama ñu ꞌatima ꞌai ꞌuchaiabi a sinánkin ꞌaisamaira otima ꞌain,

Deuteronomio 9:29

Usa ꞌain ka atux min unibu ꞌaish min unibubi ꞌikën; min kamina Egipto menua min kushínbi atu chikiankën kixun ka Moisésnën Dios kakëxa.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

Hebreos 9:12

Tabernáculonu ꞌicë cata Upíira cacë, anua sacerdotenën cushicaman ꞌapun chivo ꞌimainun vaca bacë rëxun aín imi buan ꞌaínbi ca Jesucristo aín imi ꞌapati bamatancëx baísquiax, anuira Nucën Papa Dios ꞌicë anu cuancëxa. Anu ashiti cuan ꞌixun ca nun ꞌuchacama tërë́ncë ꞌaíshnu xënibua ꞌaínbi Nucën Papa Diosnan ꞌinun nu ꞌimia.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.

1 Samuel 7:9

Usakin kakëxun ka Samuelnën achúshi oveja ꞌain tuá bërí kanikë bitankëxun Nukën ꞌIbu ꞌaímai këñutanun raroxuankëxa; xaroxunkin ka Israelkama ꞌakinun Nukën ꞌIbu ñukáxuankëxa, usakin ꞌakëxun ka Nukën ꞌIbun an ñukákësabi okin ꞌakiankëxa.