Deuteronomio 9:2 - Kashibo-Kakataibo Biblia

² anu tsókë unikamax ka chaiira ꞌimainun chaxkë́irabu ꞌaish, Anac kakë uni aín rëbúnki ꞌiásaribi ꞌikën, ꞌimainun kamina mitsun ësai uni kikë bana ꞌunan: ¿Uin kara kuainxuinshi Anac axa chaxkë́ira chaiirabu ꞌiá ꞌain aín rëbúnkikama ꞌakanankinti ꞌik?

Deuteronomio 9:2 ပူးပေါင်းရင်းမြစ်များ

Éxodo 9:11

Usakian Moisésnën ꞌakëbatan ka an ñunshinan ꞌamikëxun aín kushin ñu ꞌakë unikama atunribi usakin ꞌakatsi kixun sinanibi atúxribi ꞌain aintsi egipcio unibu ꞌikësaribiti aín namikamanu ankëti chanku ꞌirukë ꞌixun ꞌama ꞌikën.

Amós 2:9

Usa ꞌaínbi kana ꞌën mitsúxmi anun unun, amorreo unikama kamabi këñukin ꞌakën; atux ka kushiirabu ꞌaishi kunxantibu atun chaxkë́ ꞌianan roble kakë i chaxkë́ tëmú ꞌiakëxa.

Números 13:28

Usa ꞌaínbi ka a menu ꞌikë unikama ax kushiirabu ꞌikën. Aín ëmakamax ka chaiirabu okin upíokin kënëkëbuishi ꞌikën. Usa isanan kananuna Anacnën rëbúnkikamaribi chaiira unibu ꞌaish nu tupumabu nun titikaisamabuira ꞌikë isan.

Números 13:33

Isanan kananuna Anacnën rëbúnkikamaribi chaiira ꞌaish, nun mapë́skaisamabu ꞌikë isan. Usa ꞌain kananuna nux atu rapasunuax champusara ꞌikë atúnribi nu isaxa.

Deuteronomio 7:24

ꞌAmikëxun ꞌakin kamina atun ꞌapukama kamabi mitsun kakësokin ꞌanun ꞌamiti ꞌain, ꞌimainun ka mitsun usokin ꞌaia an sinánti uni ënë menu ꞌaíma ꞌiti ꞌikën. ꞌIanan ka atun ëma achúshinënbi mitsun ꞌakëxun tënëtima ꞌikën, usakin ꞌakin kamina achúshirabi bërutanuma këñuti ꞌain.