Deuteronomio 9:13 - Kashibo-Kakataibo Biblia

¹³ Kanan ka ësokinribi Nukën ꞌIbun ꞌë kakëxa: ꞌËnbi kana ënë unikama ꞌunan usa ꞌixun ka aín nuitu iruarakin ꞌatima ñu ꞌaxa.

Deuteronomio 9:13 ပူးပေါင်းရင်းမြစ်များ

Génesis 11:5

ꞌAínbi ka Nukën ꞌIbun usakian ëma ꞌimainun torre unikaman ënën menma chaiorukin ꞌakë a ubuxun isakëxa.

Génesis 18:21

usa ꞌain kana bërí anu kuanti ꞌain, asérabi kana atun ꞌucha chaiira ꞌimainun ꞌatimañuira ꞌaia kixuan ñuia kuan. Usa ꞌain kana asérabi kara unin ñuia kuakë ax usa ꞌikë ꞌunánti ꞌain.

Jeremías 7:11

¿Atun kara anuxun ꞌë rabiti xubu ënëx ka anua mëkama unibu bukukë ꞌikë kixun sinánkanin? ꞌËnbi kana usakin ꞌakania kamabi isan. ꞌËx Nukën ꞌIbu ꞌaish kana ësai kin.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Deuteronomio 10:16

Usa ꞌain kamina achúshi ñu ꞌakë kikë bana manukin mitsun nuitu iruakinma sinánti ꞌain,

Deuteronomio 31:27

ꞌËnbi kana upíokin ꞌunan mitsux kamina bana kuati ꞌunánmaira ꞌain; usa ꞌaish kamina ꞌëx mitsubë aínbi Nukën ꞌIbumi ꞌuchakën, ¿Usa ꞌaish karamina ꞌëx ñukëbë uisaira ꞌikanti ꞌain?

Deuteronomio 9:6

Mitsun kamina ꞌunánti ꞌain, Diosan ka mitsu upí unibu ꞌikëmabi a me ꞌinania kixun, usa ꞌaínbi kamina bana kuaisama tankin mitsun nuitu iruarakë unibu ꞌain.