Deuteronomio 9:1 - Kashibo-Kakataibo Biblia

¹ Amiribishi ka Moisésnën Israel unikama ësokin kakëxa: ꞌën mitsu kamainun kamina kuakanti ꞌain, Israel unikama anúnmi Jordán kakë baka sikarakëti kuani kuanti nëtë ka ꞌurama ꞌikën, anu ꞌikë ëmakamax ka chaiirabu ꞌimainun ka anu tsókë unikamaxribi mitsubë sënë́mabuira kushiira ꞌaish nun titikaisamabu ꞌikën, ꞌimainun ka atun ëmakama axribi chaiorukin kënëabu ꞌikën;

Deuteronomio 9:1 ပူးပေါင်းရင်းမြစ်များ

Génesis 11:4

Usai kitankëx ka amiribishi kanantëkënkankëxa: Achúshi ëma chaiira ꞌanan kananuna torre ënën menma uarukin chaiorukin naíbëtan sënën ꞌati ꞌain. Usakin ꞌaia iskin ka bëtsi unikaman sinánti ꞌikën a unikamax ka sinánñuira ꞌianan kushiirabu ꞌikën kiax ka kiti ꞌikën, usa ꞌain kananuna nukamax bëtsi mekamanu kuani abístima ꞌain.

Éxodo 32:1

Usai Moisés aín bashinu kuanxbi panáirakëbëtan ka Israel unibunën anu rikianxun Aarón kakëxa: —Moisésnën ka nu Egipto menua chikínbëtsinkin bëaxa. ꞌAínbi kananuna uisai kara ꞌiaxa kixun ꞌunanima, usa ꞌain kamina achúshi dios an nu bërúanxun buánti ꞌaxúnti ꞌai kixun ka kakankëxa.

Daniel 4:11

Usa ꞌain ka a i kani chaiira ꞌiaxa; usai ꞌikin ka aín pëñanën naíkamë ꞌëo tikakë ꞌiaxa, usa ꞌaish ka ax uinu kara me kuainakëakëxa anuxunbi iskë ꞌiaxa.

Amós 2:9

Usa ꞌaínbi kana ꞌën mitsúxmi anun unun, amorreo unikama kamabi këñukin ꞌakën; atux ka kushiirabu ꞌaishi kunxantibu atun chaxkë́ ꞌianan roble kakë i chaxkë́ tëmú ꞌiakëxa.

Deuteronomio 4:1

Bërí kamina Israel unikama mitsun kuati ꞌain, ax kikësaibi ꞌiti bana ꞌën mitsu ꞌunánmikë ami kuanxun ax kikësabiokin ꞌakëbëtan ka a ꞌinánnuxua Diosan nun chaitiokëkama ka a me mitsu ꞌinántankëxun anuax upitax tsónun mitsu ꞌimiti ꞌikën.

Deuteronomio 4:38

Chikínkin ka mitsun ismainunbi a menu ꞌikë unikamaxa ꞌaisamaira ꞌianan mitsusama nun titikaisama kushiirabu ꞌaínbi, anu kuantankëxun atun me binun kiakëxa, usa ꞌain kamina bërí a me mitsunan ꞌinun anu kuantankëxun bitsi kuanti ꞌain.

Deuteronomio 6:10

Nukën ꞌIbu Dios an ka mitsu a me ꞌinánuxuan nukën chaitiokë Abraham, Isaac, Jacob akama sinanatëkëntima okin ka a asérabi mitsu ꞌinánti ꞌikën. A ëmakamax ka chaiirabu ꞌaish upíirabu ëma ꞌikën, usa ꞌaish ka mitsun ꞌama a ëmakama ꞌikën;

Deuteronomio 7:1

Nukën ꞌIbu Dios an ka a ꞌinánkatsia kia me anu mitsux bëbai kuankëbëtan, mapai achúshi ꞌimainun rabë́ ëmakama mitsubëtan sënë́nma kushiirabu a mitsun ismainunbi chikínti ꞌikën: Ax ka hititas, gergeseos, amorreos, cananeos, ferezeos, heveos ꞌimainun jebuseos, akama ꞌikën.

Josué 1:11

Anua ꞌikankë atun xubu kamanubi kuankin kamina kamaxunbia atun pibianti ñu mëníonun kati ꞌain, ënuax rabë́ ꞌimainun achúshi nëtë ꞌikëbë kananuna Jordán kakë baka sikakiani kuanxun Nukën ꞌIbu Diosan nu ꞌinánti me a bitsi kuanti ꞌain.

Josué 1:15

Nukën ꞌIbun ꞌakinkëxuan atúnribi ainanbi ꞌitanun ꞌibuakin me binun atu pain ꞌakinti ꞌain. Usakin atu pain ꞌakintankëx kamina amiribishi Moisés Nukën ꞌIbun uni an mitsu ꞌinan mekama baka nëkë manan ꞌikë ënubi utankëxun mitsunanbi ꞌinun biti ꞌain.

Josué 3:14

Ësokin kaia Josué sënë́nkëbë ka Israel unibu anua ꞌikë anuax bunántisa okin ꞌakë kurin ratakakakë anua a tanti banakama ꞌikë a buani sacerdotekama kuankëbë a kaxú Jordán kakë baka shítati kuankankëxa.

Josué 3:16

Ënëx ka anua israel unibu ꞌikë a ꞌurakëoxa ꞌiá ꞌikën, ax ka anua Adam kakë ëma ꞌurama, Saretán ꞌikë a ꞌuramabi ꞌiakëxa, usa ꞌain ka ꞌumpax ax kuabuti parúmpapa bamakë kakë anubi timë́kë ꞌiakëxa. Usakin ka Diosan anúan Israelkama Jericó kakë ëmanu kuani sikarakënun bakanu ꞌikë ꞌumpax tëa rabëti ëskinun ꞌimiakëxa.

Josué 3:6

Kanan ka sacerdotekamaribi kakëxa: Bunántisa okin ꞌakë kurin ratakakakë a ꞌukëmëua a tanti banakama ꞌikë ënë ꞌiarukin bibianx kamina a rëkuë́mibiani kuani unikaman ismainun abë baka sikarakëti ꞌain. Usakin kakëxun ka sacerdote kaman bunántisa okin ꞌakë kurin ratakakakë a unikaman ismainunbi buánkëxa.

Josué 4:19

A nëtë́an Israel unibu Jordán kakë baka anun sikarakëkë anun ka mapai rabë́ nëtë ꞌianan achúshi ꞌuxë ꞌirutabakë anun ka Guilgal kakë anu nukúkankëxa ax ka amiaxa bari urukë Jericó kakë ëma ꞌurama ꞌiakëxa.

Josué 4:5

ësokin kakëxa: Jordán baka ëskikë nëbë́tsi anua Diosan bunántisa okin ꞌakë kurin ratakakakë ꞌikë anua kamina mitsun achúshi achúshi ñakánu ꞌikë unin maxáx ꞌiarukin mapai rabë́ ꞌimainun rabë́ sënën ꞌitanun biti ꞌain.