Deuteronomio 8:8 - Kashibo-Kakataibo Biblia

⁸ a mex ka anua trigo ꞌimainun cebada, uvas ꞌapákë ꞌitsaira ꞌianan olivos higuera i ꞌapákë, ꞌimainun i bimiñu ꞌaisamaira anu ꞌikë me upí a ꞌikën.

Deuteronomio 8:8 ပူးပေါင်းရင်းမြစ်များ

Génesis 49:11

An ka uvas ꞌapákë kamami bërí kanikë aín burro tëkërë kati ꞌikën, ꞌanan ka aín chupa kamabi uvas baka vino ꞌakë anun chukati ꞌikën.

1 Reyes 5:11

ꞌinánkëxun ka Salomónnënribi Hiram an ñukákësabi okin aín xubunu ꞌikë unikaman piti xuxuankëxa: cuatro millones cuatrocientos mil litro trigo ꞌimainun cuatro mil cuatrocientos litro olivo bimi ꞌakë xëni akama Salomónnën ꞌapu Hiram baritia tibi buámiakëxa.

2 Reyes 18:32

Usai ꞌia kana achúshi me upíira mitsun mesaribi anua trigo pán ꞌati a ꞌimainua uvas aín baka xëati, ꞌianan anua olivos bimi aín xëni biti ꞌimainun, buna rëpa ꞌaisamaira ꞌikë ꞌën nëtë anu mitsu uanti ꞌain. Usa ꞌain kamina anuax bamaima mitsux upitax tsókanti ꞌain. Usa ꞌain kamina Ezequíasnën mitsu paránkin Diosan ka nu ꞌakinti ꞌikë kixun kakëxunbi aín bana kuakantima ꞌain.

Isaías 7:23

A nëtë́an a menu naëoxun mil uvas i ꞌapákë ax ka mil kuríki manë ꞌakë aín kupí ꞌiakëxa, usa ꞌaínbi ka bërí a menu muxaishi ꞌimainun ꞌaisama me ꞌiti ꞌikën.

Jeremías 2:7

ꞌËn kana mitsu me upíira anu ꞌapákëxa, ñu ꞌitsaira tuaiami piti me anu mitsu bëakën. ꞌAínbi kamina mitsun anu utankëxun ꞌën ꞌinánkë me masókën, usakin ꞌakin kamina ꞌëx a me isi kuínsanun ꞌë ꞌimikin, ꞌën ꞌinánkë me ꞌatima okën.

Oseas 2:22

usokin ꞌakëbë ka trigo, uvas baka ꞌimainun xëni akamax ꞌitsaira ꞌiti ꞌikën, usa ꞌikë kana Jezreel kakin atu anëti ꞌain.

Oseas 2:8

Aínbi ka xanun ꞌëx kana an ñu ꞌinánkin trigo, uvas baka vino ꞌakë xëni akama pishínmikinma ꞌinánkëxunbi ꞌën ꞌinánkë ka ax ꞌikë kixun ꞌunánma ꞌikën; ꞌën manë uxua ꞌimainun kuri akama cha ꞌinun ꞌinánkëxunbi ka a rabinuxun ñukama tankin uniokëxa.

Miqueas 4:4

Usa ꞌain ka kamabi uni rakuë́tima ꞌianan, upí tani atun ꞌapákë ꞌapákënu uvas ꞌimainun higueranën tupëonkënu tantikanti ꞌikën. ¡Ax ka Nukën ꞌIbu kamabi kushiñu aín banabi ꞌikën!

Habacuc 3:17

Usa ꞌain kana ꞌitsaira kuëënti ꞌain, Diosan ꞌë ië́mikin ꞌakinkëx. ꞌËn kana higuera kakë i uabutima ꞌimainua uvas ꞌapákëkama ꞌianan olivos kakë akama bimima ꞌimainun; naënu ꞌapákëxunbi ñun tuaima ꞌimainunbia; ñuina ꞌarakakëkama ꞌianan ovejakama ꞌimainun vacakama ꞌaíma ꞌinun këñúkë ꞌaia aín kënëishi ꞌaínbi kana ꞌën mishi rabiti ꞌain.

Juan 6:13

Cacëxun ca mëcën achúshi ꞌicëbia unin piquin tëocë cebada ꞌacë pán a mëcën rabë ꞌimainun rabë́ caquí buácaquin biacëxa.

Juan 6:9

—Ënu ca xu achúshi ꞌicën. Ax ca cebada ꞌacë pán mëcën achúshi ꞌimainun rabë́ tsatsañu ꞌicën. ꞌAíshbi ca ënëx ꞌitsaira uni pimitisama ꞌicën.

Deuteronomio 32:13

Anbi ka bëtsi bëtsi bashi ꞌamibiankin me upíira anúnribi nu buánkëxa, buánkin ka menuaxia kookë ñu aín bimi pimianan, maparanu ꞌikë buna rëpa nu xëamiakëxa xëamianan ka ꞌaisamaira maxá anu kóa olivos aín biminu ꞌikë aín xëni nu ꞌinánkëxa;

Deuteronomio 32:14

ꞌianan ka vaca xuma ꞌimainun sëruakin ꞌakë, akama ꞌimainun carnero aín upíirabu kaísun pinun ꞌamiakëxa, ꞌanan ka Basán kakë menu ꞌikë carnero ꞌimainun cabra aín bënëkama aín upíirabu aribi piakën; pianan kananuna trigo aín bimi upíbu pianan, uvas baka chëxëokin vino ꞌakë aribi xëakën.

Deuteronomio 6:3

Usa aín kamina, ꞌën aintsi Israelkama mitsun, a bana tankin ax kikësabiokin ꞌati ꞌain. Usakin ꞌakëbë a mitsun ꞌati ñukama upí kuankëbë kamina achúshi ëma ꞌai ënë menu ꞌuakamë ꞌëoti ꞌain, anua a xëati ñu buna rëpasa ꞌaisamaira ꞌianan a piti ñuribi ꞌaisamaira ꞌikë kixuan Diosan mitsun chaitiokëkama ká anu kuanti ꞌain.

Deuteronomio 8:7

Usakin ꞌaia ka Nukën ꞌIbun mitsu anua me upí ꞌimainun a xëati xëxá ꞌumpax ꞌimainun me sapan ꞌimainun aín bashinubi ꞌumpax upíira ꞌikë anu mitsu buánti ꞌikën;

Deuteronomio 8:9

A menu bëbatankëx kamina mitsux uinua karanuna piti biti ꞌai kixun sinani bënëanan, bëtsi ñukamaribi biti kuëëni bënëtima ꞌain; aín maxánua kamina hierro kakë manë panshian mëranan aín bashinuaribi cobre kakë manë upí akama biti ꞌain.