Deuteronomio 8:7 - Kashibo-Kakataibo Biblia

⁷ Usakin ꞌaia ka Nukën ꞌIbun mitsu anua me upí ꞌimainun a xëati xëxá ꞌumpax ꞌimainun me sapan ꞌimainun aín bashinubi ꞌumpax upíira ꞌikë anu mitsu buánti ꞌikën;

Deuteronomio 8:7 ပူးပေါင်းရင်းမြစ်များ

Génesis 49:11

An ka uvas ꞌapákë kamami bërí kanikë aín burro tëkërë kati ꞌikën, ꞌanan ka aín chupa kamabi uvas baka vino ꞌakë anun chukati ꞌikën.

2 Reyes 18:32

Usai ꞌia kana achúshi me upíira mitsun mesaribi anua trigo pán ꞌati a ꞌimainua uvas aín baka xëati, ꞌianan anua olivos bimi aín xëni biti ꞌimainun, buna rëpa ꞌaisamaira ꞌikë ꞌën nëtë anu mitsu uanti ꞌain. Usa ꞌain kamina anuax bamaima mitsux upitax tsókanti ꞌain. Usa ꞌain kamina Ezequíasnën mitsu paránkin Diosan ka nu ꞌakinti ꞌikë kixun kakëxunbi aín bana kuakantima ꞌain.

Salmos 104:10

Min kamina xëxá ꞌumpaxkama aín bashinuax kuania, baka chami xobuti saënun ꞌimin.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Isaías 5:1

ꞌËx kana ꞌën ꞌunairakë uni an ësai kantanun kakë a sinani kantain, ꞌianan kana aín uvas ꞌapákë a ñuiribi kantati ꞌain. ꞌËn ꞌunánkë uni ax ka uvas ꞌapákëñu ꞌiakëxa, ax ka achúshi me anu upiti ñu koókë anu ꞌiakëxa.

Jeremías 2:7

ꞌËn kana mitsu me upíira anu ꞌapákëxa, ñu ꞌitsaira tuaiami piti me anu mitsu bëakën. ꞌAínbi kamina mitsun anu utankëxun ꞌën ꞌinánkë me masókën, usakin ꞌakin kamina ꞌëx a me isi kuínsanun ꞌë ꞌimikin, ꞌën ꞌinánkë me ꞌatima okën.

Deuteronomio 8:6

Usa ꞌain kamina, ax kikësabi oi ꞌiti aín bana Diosan nu ꞌinánkë ax kikësabiokin ꞌati ꞌain.

Deuteronomio 8:8

a mex ka anua trigo ꞌimainun cebada, uvas ꞌapákë ꞌitsaira ꞌianan olivos higuera i ꞌapákë, ꞌimainun i bimiñu ꞌaisamaira anu ꞌikë me upí a ꞌikën.