Deuteronomio 8:3 - Kashibo-Kakataibo Biblia

³ ꞌImainun ka ñu narakamikinma tëmëramikin numin pain ꞌimitankëxunbi maná kakë piti mitsu pimiakëxa, a pitix ka mitsun ꞌunánkëma ꞌimainun nun chaitiokë kamanbi ꞌunánma piti ꞌiakëxa, usokin ꞌakin ka ñu pishi ka uni tsótima ꞌikë Nukën ꞌIbun banaribi ꞌai ka uni ami katamëti tsóti ꞌikë kixun ꞌunánmisatankin Diosan usakin ꞌakëxa.

Deuteronomio 8:3 ပူးပေါင်းရင်းမြစ်များ

Salmos 105:40

ꞌIanan ka atun pitia ñukákëxun ꞌumpanxonëmë ꞌëo këñun, naínu ꞌikë piti aribi ꞌinánkëxa ꞌinánkëxun pi ka pananima puchacëshi ꞌikankëxa.

Salmos 37:3

Nukën ꞌIbumi katamëkin kamina upí ñuishi ꞌati ꞌain, usai ꞌi kamina ënë menu tsóti Dios kuëënkësabi oi ꞌiti ꞌain.

Mateo 4:4

Cacëxunbi ca Jesusan cacëxa: —Ësai ca Nucën Papa Diosan bana cuënëo quia: “Pán piishi ca uni tsótima ꞌicën. Uisai cara Nucën Papa Dios quia a bana ꞌairibi ca uni tsóti ꞌicën”.

Lucas 4:4

Cacëxun ca Jesusan cacëxa: —Ësai ca Nucën Papa Diosan bana cuënëo quia: “Pán piishi ca uni tsótima ꞌicën”.

1 Corintios 10:3

Cuanquin ca camaxunbi Nucën Papa Diosan ꞌináncë piti piacëxa. An ꞌináncë ꞌunpáxribi ca camaxunbi xëacëxa, xaxúnpapanuaxa shaquibutia.

Deuteronomio 32:47

ꞌAínbi ka ënëx bëtsi ñu ꞌakësokin mitsun bënë́kinshi ꞌaisama upíokin sinánxun ꞌati ꞌikën; usa ꞌain kamina a tanti bana ënëx kikësabi oi ꞌi tsóti ꞌitsa baritia ꞌimi Jordán kakë baka a sikarakëtankëxun a me bitankëx anu tsókanti ꞌain.

Deuteronomio 9:9

Usai ꞌikëbë kana ꞌëx maxáx pará rabë́ anua achúshi ñu mitsu ꞌaxunkin Nukën ꞌIbun aín bana kuënëokë a bitsi aín bashinu mapërakëakën, mapërakëax kana anu cuarenta nëtë ꞌimainun cuarenta imë́ ñu pima ꞌianan xëaimabi ꞌiakën.