Deuteronomio 8:2 - Kashibo-Kakataibo Biblia

² Usa ꞌain kamina sinánkanti ꞌain, Diosan ka anu uni ꞌikëma menu cuarenta baritia ꞌimi tëmërai ninun nu ꞌimiakëxa akamina manukinma sinánkanti ꞌain, usakin ka mitsu tankin ꞌanan ami karamina asérabi sinanatëkëni isti ꞌanan ax kikësabiokin aín bana ꞌai ꞌisnuxun mitsu ꞌakëxa.

Deuteronomio 8:2 ပူးပေါင်းရင်းမြစ်များ

Génesis 22:1

Usa ꞌain ka Nukën ꞌIbu Diosan ꞌitsa baritia ami panatankëxun, Abraham karaisa ënima ami manutima asérabi sinania kixun tankin. Aín anën kuëankëxa, usakin kuënkëxun ka Abrahamnën kakëxa: —Ënu kana ꞌain ꞌën ꞌIbu.

Nehemías 9:19

usai ꞌiabi kamina min atu nuibakin, anu uni ꞌikëma menuxun uisa kara nitsia usai ꞌitánun ënkinma ꞌakiankën. Usokinmi ꞌakinkëbë ka nëtë kuinsa ax atu ënima nëtënbi a isbiania kuankanun rëkuë́nkiankëxa, ꞌimainun kamina imë́ribia tsi rëkirukësa ꞌixun anun kuankanun pë́kati ꞌimiakën.

Salmos 103:2

ꞌËn kana Nukën ꞌIbu Dios ꞌën kushibëtanbi rabiti ꞌain; usakin ꞌakin kana kamabi ñu ꞌë ꞌakinkë a manukinma sinánti ꞌain.

Éxodo 15:25

Usai ami ꞌatimai banakania kuakin ka Moisésnën Nukën ꞌIbu isa ꞌakinun kixun ñukákëxa, ñukákëxun ka Diosan Moisés i pëñanakëkë men menkikë a ismiakëxa. Ismikëxun aín pëñan tsasikin bixun ka Moisésnën ꞌumpax nu niakëxa, nikëbëshi ka muka ꞌumpax ax xëatisabi ꞌinun aín muka nëtë́akëxa. Anuxun ka Nukën ꞌIbun israelita unibu tankëxa, tankin ka uisai kara ꞌia isnuxun achúshi bana usaía atux ꞌiti ꞌinánkëxa.

Éxodo 16:35

Usakian ꞌan ka Israel unibunën cuarenta baritia ꞌimikin manáishi pií anua me sënënakëkë anu uni tsóti pëukukë anu bëbakin maná piakëxa, ax ka Canaán kakë me sënëni kuainakëkë anu ꞌiakëxa.

Éxodo 16:4

Ësai kia kuankin ka Nukën ꞌIbun Moisés kakëxa: —ꞌËn kana atúan pinun naínu ꞌikë piti ꞌaisamaira ꞌinánti ꞌain. Usa ꞌain ka unin kamabi nëtën ain piti biti ꞌikën, aín xubunuax chikixun ka achúshi nëtën pitibëtan sënënbi biti ꞌikën. Uin kara ꞌëx kikësabiokin ꞌaia isanan kana uin kara ꞌaima isti ꞌain.

Éxodo 20:20

Ësai kiabi ka Moisésnën kakëxa: —Rakuë́axma ka ꞌik. Dios ax ka asérabi karanuna ami rakuë́ti ax kikësabi oi ami ꞌuchaima isnuxun nu tani uaxa.

Jeremías 2:6

Usai ꞌikin ka ꞌën Egipto menua chikían ꞌixunbi ꞌë bariti sinánkama ꞌikën, anu uni ꞌikëma me, me ëskikë ꞌimainun kuëtú me, ꞌumpaxñuma ꞌimainun anun nisama ꞌatima me, anu uni tsókëma ꞌianan, me anun uni nikëma anun nitsiabi ꞌën ꞌakian, a sinánkin ꞌë rabiti sinánma ꞌikën.

Amós 2:10

ꞌAínbi kana Egipto menua chikínbëtsinkin, cuarenta baritia anu uni ꞌikëma menu, ꞌimibëtsinkin atun me ꞌinánuxun bëakën.

Números 14:33

usa ꞌain ka mitsun bakë bëchikëkamax anu uni ꞌikëma me ënuxun aín ñuina ꞌarakakë bërúai cuarenta baritia ꞌimi niti ꞌikën. Usai ka ꞌën bana kuakëma kupí; mitsux pain anu uni ꞌikëma me ënuax maëi këñutamainun ꞌiti ꞌikën.

Lucas 18:14

Usa ꞌain cana mitsu cain, fariseo unima, bëtsi uni a usaquin cacëxun aín ꞌuchacama tërë́ncë, ax ca aín xubunu cuani Nucën Papa Diosan iscëx upí ꞌiaxa. Usaribiquin ca an rabíquin —ꞌëx cana bëtsi unibëtan sënë́nma ꞌai —quixun sináncë uni a Nucën Papa Diosan aín uni raíribëtan sënë́nmara ꞌimiti ꞌicën. ꞌImainun ca axa rabícëma uni a cuni Nucën Papa Diosan cha ꞌimiti ꞌicën.

Juan 2:25

An ca unían cacëxunmabi camabi unin sinan ꞌunáncëxa.

Deuteronomio 1:3

Treinta ꞌimainun nueve baritia ꞌitankëxa cuarenta baritia ꞌirukë anua atux nitsi në́a a sënë́nkëbëa mapai rabë́ ꞌimainun achúshi ꞌuxë ꞌirutabakëbëtan ka Israel unikama kakëxa, Moisésnën ka ënë banakama kaisama pain ꞌixun abë ꞌakanankin Sihón kakë amorreo unikaman ꞌapu axa Hesbón menu tsókë a ꞌimainun, Og kakë axa Bazán menu ꞌianan Astarot kakë ëmanu tsókë ax ka Edrei kakë me anu ꞌiakëxa. Usa ꞌikë ka Moisésnën Israel unikama Nukën ꞌIbu usai atux ꞌitia kanun kakë a banakama kakëxa.

Deuteronomio 13:3

kixuan kakëxunbi kamina mitsun aín bana kuatima ꞌain. Nukën ꞌIbu Diosan ka asérabi karamina mitsun a nuibati ax kikësabiokin ꞌai ami sinani isnuxun mitsu tankin usakin ꞌati ꞌikën.

Deuteronomio 32:7

Bëráma ꞌia ñukama kamina amiribishi sinántëkënti ꞌain, sinánkin kamina uisai kara nëtë ióñu ñu ꞌiakëxa kixun; min papa ꞌianan min tita ñukánan kamina an bana ñuia kua uni apankama mi ñuixunun ñukáti ꞌain:

Deuteronomio 7:18

¡Usa aín kamina mix atumi rakuë́tima ꞌain! Rakuë́kinma kamina Diosan ka ꞌapu faraón ꞌimainun egipcio unikama ismainunbi ñu chabu ꞌakëxa kixun sinánti ꞌain;

Deuteronomio 8:16

ꞌimianan ka anu uni ꞌikëma menuxun maná kakë piti nun chaitiokë kaman ꞌunánma piti a nu pimiakëxa, usakin ꞌakëx karanuna ami sinani ꞌisnuxun, ka nu tankin usakin ꞌakëxa.

Santiago 1:3

Camina ꞌunanin, usai ꞌi bënë́quinma tanshiquin camina uisa ñu cara ꞌicëbëbi bënëtima upiti Jesucristomi catamëti ꞌunánti ꞌain.

Santiago 4:10

—ꞌËx cana an iscëx ꞌaisamaira ꞌuchañu ꞌai —quixun sinánquinmi cacëxun ca Nucën ꞌIbu Jesucristonën mitsun ꞌuchacama tërë́nquin upíira ꞌaíshmi cuëënun mitsu ꞌimiti ꞌicën.

Santiago 4:6

An nu sinánmicë ñuishi nun ꞌanun ca Nucën Papa Diosan nu ꞌaquintancëxun nuibaquin nua ꞌaquincë usamaira oquin ꞌaquintëcënia. Usa ꞌain ca aín bana ësai quia: “Nucën Papa Diosan ca axa rabícë unicama a timanan axa —ꞌëx cana usa ꞌai —quiax rabícëma unicama nuibaquin ꞌaquinia”.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

Jueces 2:22

Ësokin ꞌakin ka Nukën ꞌIbun israel unibunëx kara aín chaitiokëkama ꞌiásai ami sinania kara ami sinanima kixun istisatankëxa.