Deuteronomio 7:8 - Kashibo-Kakataibo Biblia

⁸ Nukën ꞌIbun ka Egipto menuax ꞌaisamaira tëmëraiabi mitsu chikíankëxa, ꞌimainun ka aín kushínbi ꞌapu faraónën ꞌibuaxun ñu mëëmiabi mitsu chikíankëxa, usa ꞌixun ka an mitsu nuibakin nun chaitiokëkama kásabiokin ꞌakëxa.

Deuteronomio 7:8 ပူးပေါင်းရင်းမြစ်များ

Génesis 19:16

Ësokin kakëxbia bënëti kuaniama ka nuibakin ángel rabëtan Lot, mëinkin biakëxa. Nukën ꞌIbun ka ꞌain xanu ꞌimainun aín bëchikë xanu rabë́ aribi a ëmanua bamatima kupin ië́mikin chikíankëxa.

Génesis 19:29

Ësokin ka Nukën ꞌIbu Diosan ëma rabë́ anua Lot ꞌikë këñuakëxa, usakin a këñukinbi ka Abrahammi sinánkin aín piaka Lot ashi a ëmanua chikíankëxa.

2 Samuel 22:20

an ka ꞌë ië́mikin upíokin ꞌakiankëxa; ¡usa ꞌixun ka an ꞌë nuibakëxa!

1 Reyes 10:9

¡Min ꞌIbu Diosan ka min Dios ꞌixun, upíokin ñu ꞌaia iskin nuibakin Israelkaman ꞌapu ꞌinun mi ꞌimiaxa! ¡Xënibua ꞌaínbi Israelkama ꞌikë mikama nuibakin Diosan, ꞌapu ꞌixunmi ꞌaisama okinma ñu atu ꞌaxúnti mi anëxuanxa usa ꞌain kamina bërí ꞌapu ꞌain!

Salmos 105:42

Usakin ꞌakin ka Diosan uínsaranbi manukinma usakin ñu upí ꞌaxunuxua, aín uni Abraham ka a sinánkëxa.

Éxodo 20:2

ꞌËx kana min ꞌIbu Dios an, Egipto menuxun tëmërakin ñu mëëiabi mitsu chikían a ꞌain.

Éxodo 32:13

Min uni ꞌiakama Abraham, Isaac ꞌimainun Jacob akama kaimi kia bana akamina sinánti ꞌain, ꞌën kana min rëbúnkinëxa naínu ꞌikë ꞌispa tupuribi ꞌitánun, ꞌuákamë ꞌëomikin ꞌën mi ñuixunkë mekama min rëbúnki ꞌinánti ꞌain kixun kamina atu kakën.

Éxodo 6:6

Usa ꞌain kamina Israel unibu anu kuanxun kai kuanti ꞌain, ꞌëx min ꞌIbu ꞌixun kana tëmëramikian ñu mëëkë anua chikínti ꞌain. Usa ꞌain kana ꞌaisamaira egipcio unibunën ñu mëëmikin tëmëramikë anua chikínti ꞌain; ꞌimainun kana ꞌën kushi atu ismikin ꞌëx upí ꞌixun mitsu ꞌakësamaira okin atu tëmëramiti ꞌain;

Isaías 43:4

ꞌËn kana ꞌitsaira mi nuibatin, mix kamina bëtsi ñu kamasamaira ꞌain ꞌimainun kana ꞌën mi nuibatin. Mitsu ꞌënan ꞌiti bikin ië́mikin bërúanuxun kana unikama ꞌimainun bëtsi menu ꞌikë unikama atu ꞌamiti ꞌain.

Isaías 63:9

kamabi atun tëmërakë anuabi. Usa ꞌixun ka bëtsi uni an ië́minun xukinma, Nukën ꞌIbunbi ka ië́miakëxa. An ka bitëkëánkëxa nuibanairakë ꞌixun; aín pëñanën birukësa ꞌinun ꞌakiankëxa. Usakin ka bërámabi ꞌa ꞌixun ꞌakiankëxa.

Jeremías 31:3

ꞌëx kana bërámabi ami mërakën. ꞌËn kana nuibairakë ꞌixun atu bëríbi xënibua ꞌaínbi nuibatin, usa ꞌixun kana uisokin karana nuibakë usabi okin mitsu nuibatin.

Ezequiel 36:22

Usa ꞌain kamina ësokin Israel unibu kati ꞌain: Ësai ka Nukën ꞌIbu Dios kiaxa: ꞌËn bërí ꞌati ñukama ax ka Israel unikama mitsu kupín ꞌakëma ꞌiti ꞌikën, ax ka ꞌën anë ami upíira ꞌikëbë bëtsi bëtsi ëmanu kuankin ꞌaisama ñu ꞌakin ꞌatima okan a kupín ꞌakë ꞌiti ꞌikën.

Miqueas 6:4

ꞌËn kana mitsun chaitiokëma Egipto menuxun tëmërakin ñu mëëiabi chikiankën; usokin ꞌanan kana Moisés këñun, Aarón ꞌimainun María, an atu ꞌakinun xuakën.

Miqueas 7:20

¡ꞌËn ꞌIbu mix upí ꞌixun nu nuibakin kamina bërámami nun chaitiokëkama Abraham ꞌimainun Jacob kásabiokin nuribi ꞌakinti ꞌain!

Malaquías 1:2

Ësai ka Dios kia: ꞌËn kana mitsu nuibatin. ꞌAínbi kamina mitsun ësokin ꞌë kain: ¿Uisaxun karanuna min kamina nukama nuibati kixun ꞌunánti ꞌain? Kakëxun ka Diosan atu kaia: ꞌËn kana mitsu xukë́n rabë́ ꞌikëbi nuibakën, nuibakin kana Esaú ꞌimainun Jacob aira abëtan ñu ꞌati kuëënxun nuibakën,

Mateo 11:26

—Ñu ꞌunánma ca —quixuan unin sináncë unicaman min ꞌimicëxun ꞌën bana cuati camina cuëëan.

Lucas 1:55

Usai ca xënibua ꞌaínbi ꞌiti ꞌicë quixun ca aín rëbúnquicama ñuiquin Nucën Papa Diosan nucën rara Abraham cacëxa.

Romanos 11:28

Nucën Papa Diosan ca unicamax Cristomi catamëtia ainan ꞌimiti ꞌicë quixun sinántisama tancë ꞌaish ca judíos unibunëx ami nishcësa ꞌicën, mitsux paínmi judíosma uni ꞌaíshbi ainan ꞌitámainun. Usa ꞌaínbi ca Nucën Papa Diosan atun rara —mitsun rëbúnqui ca ꞌënan ꞌiti ꞌicë —quixun cá ꞌixun a bana manuquinma judíos unibu nuibatia.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 10:15

Usa ꞌain ka Nukën ꞌIbu nun chaitiokëkama nuibakëxa, nuibakin ka aín rëbúnkikama kaisakëxa, a kananuna nux ꞌain, usa ꞌaish kamina bëtsi ëmanu ꞌikë uni kamasama ënu nux bërí ꞌain.

Deuteronomio 33:3

Nukën ꞌIbun ka aín unikama nuibatia, nuibanan ka uikaman kara aín bana kikësabiokin ꞌaia a bërúaia. Bërúanan ka uin kara a rabianan an kakë banakama kikësabiokin ꞌaia a ꞌakinia.

Deuteronomio 4:20

Usokin a ñukama unio ꞌixun ka Nukën ꞌIbun mitsu Egipto menuax ꞌaisamaira ñu mëëi anuxun manë xaroti ꞌakë anuax ꞌikësai tëmëraiabi Diosan chikínxun ain uni ꞌinun mitsu ꞌimiakëxa, usa ꞌikë ka ain uni ꞌinun nu ꞌimiaxa.

Deuteronomio 4:34

¿Anu kara bëtsi dios an ëma achúshi kaískin bëtsi ëmakama nëbë́tsinuxun, ꞌitsaira ñu ꞌanan atun iskëma, bëtsi bëtsi ñu ꞌakin atu rakuëmikin aín kushínbi Egipto menuxun nukama chikínbëtsinkin Diosan bëa usaribi okin ꞌakë ꞌiti ꞌik?

Deuteronomio 4:37

An ka nun chaitiokëkama nuibakëxa, ꞌimainun ka aín rëbúnkikamaribi ainan ꞌinun kaískin, aín kushínbi Egipto menua chikíankëxa.

1 Juan 4:19

An paían nu nuiba ꞌain cananuna nuxribi Nucën Papa Diosmi sinani ami catamëtin.

1 Samuel 12:22

Nukën ꞌIbu an ka asérabi nukama kaisakëxa. Usa ꞌixun ka uínsaranbi nukama ënuxunma ꞌaia, anbi ka mitsu aín uni ꞌiti kaisakëxa.