Deuteronomio 7:24 - Kashibo-Kakataibo Biblia

²⁴ ꞌAmikëxun ꞌakin kamina atun ꞌapukama kamabi mitsun kakësokin ꞌanun ꞌamiti ꞌain, ꞌimainun ka mitsun usokin ꞌaia an sinánti uni ënë menu ꞌaíma ꞌiti ꞌikën. ꞌIanan ka atun ëma achúshinënbi mitsun ꞌakëxun tënëtima ꞌikën, usakin ꞌakin kamina achúshirabi bërutanuma këñuti ꞌain.

Deuteronomio 7:24 ပူးပေါင်းရင်းမြစ်များ

Éxodo 17:14

Usakian ꞌakë ka Nukën ꞌIbun Moisés kakëxa: —Ënuax mitsux ꞌakanankë ënë kamina achúshi kirikanu a sinántiokin kuënëoti ꞌain; ꞌimainun kamina Josuéribi kati ꞌain, ꞌën kana amiribishia uínbi sinántëkëntimokin amalecita unikama manumiti ꞌain.

Isaías 54:17

ꞌaínbi ka uínbi anun ꞌakanankin ñu anun masókin ꞌati uniokëma ꞌikën. Mitsun kamina an usa ka atux ꞌikë kixun mitsu ꞌuchokëkama a uisa bananbi bananun kimitima ꞌain. Ësokin kana axa ꞌëmi katamëkë unikama ꞌamiti ꞌain: usokin ꞌakin ka atun ñusmoti ꞌikën.” Ësai ka Nukën ꞌIbu asérabi kiakëxa.

Romanos 8:37

Usa ñu ꞌicëbëtanbia Cristonën nu nuibaquin cushiocëx cananuna ami catamëti ëníma amiira cushiin, tëmëracëma pain ꞌaíshnu ꞌicësamairai.

1 Corintios 15:57

Usa ꞌaínbi cananuna Nucën ꞌIbu Jesucristo cupí nun ꞌuchacama tërë́ncë ꞌaish bamatimi racuëtima ax utëcëncëbë baísquitancëx bamatëcëntimoi tsóti ꞌain. Usaquin ꞌunánquin cananuna cuëënquin Nucën Papa Dios —asábi ca —quixun cain.

Deuteronomio 9:14

Usa ꞌain kamina ꞌën a sinánxuma ꞌanun ꞌëmi bana kantima ꞌain, ꞌën kana menua a unikama uínbia atumi sinántima okin atu maë rakátanun këñuti ꞌain, ꞌaínbi kana min rëbúnki kamaxa atux ꞌiásamaira ꞌaish kushiirabu ꞌianan ꞌaisamaira ꞌinun ꞌuákamë ꞌëonun ꞌimiti ꞌai kixun ka ꞌë kakëxa.

Deuteronomio 9:3

Bërí kamina mitsun ꞌunánti ꞌain, Nukën ꞌIbu ka bërí mitsubë ꞌikë kixun, usa ꞌixun ka tsi rëkirukënëan ñu këñubiankin xarokësa usa okinshi an ꞌakëxa a ëmakamax mitsumi rakuë́tia kamina këñuti ꞌain. Usakin mitsun aín ëmanubi bëbarukin ꞌakin këñukëx ka, unix munuma bëkui bënëtishi bëpëkikë usaribi okin Diosan aín kushínbi këñuti ꞌikën.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Josué 10:8

timë́kë ka Nukën ꞌIbun Josué kakëxa: mitsun kamina amorreo unikama rakuëkimaishi, mi kupitanuma ꞌati ꞌain.

Josué 6:2

Usokin ꞌakë ꞌain ka Nukën ꞌIbun Josué kakëxa: ꞌËn kana Jericó ëmanu ꞌikë ꞌapu, aín suntárukama këñunbi ꞌanun mi ꞌamiti ꞌain.