Deuteronomio 7:21 - Kashibo-Kakataibo Biblia

²¹ Usa ꞌain kamina atumi rakuë́tima ꞌain, nukaman ꞌIbu Dios kushiira ax, mitsubë ꞌain ka atux mimi rakuë́ti ꞌikën.

Deuteronomio 7:21 ပူးပေါင်းရင်းမြစ်များ

Nehemías 1:5

Ñukákin kana ësokin kakën: “Nun ꞌIbu Dios naínu ꞌikë mix kamina chaiira ꞌianan ax rakuënmianankë a ꞌain, usa ꞌixun kamina mix kia bana kikësabiokin ꞌanan uin kara min bana kikësabiokin ꞌaia akama nuibatin;

Nehemías 4:14

Usai anun ꞌakánanti biaxi rakuë́tia kana nirukin, aín sinan mëninshi unikama ꞌianan an ëmanuxun bana mëníokë unikama ꞌimainun raíri unikama ësokin kakën: “Nux kananuna atumi rakuë́tima ꞌain. Rakuë́kinma kamina mitsun sinánti ꞌain Dios ax kushiira ꞌianan chaiira ꞌixun ka atu rakuëmiti ꞌikën, ꞌimainun ka an mitsun bakë bëchikë bëbukama ꞌianan ꞌini bëchikë xanukama ꞌimainun mitsun xanukama këñunbi mitsun ëma upí ꞌinun bërúanti ꞌikën.”

Nehemías 9:32

Mix kamina chaiira ꞌianan Dios kushiira ꞌain ꞌimainun ka kamabi unix mimi rakuë́tia, usa ꞌaish kamina Dios ñu ꞌakatsi kiax kana ꞌaima kikínma an ñu asérabi ꞌakë a ꞌain, ꞌimainun kamina uínsaranbi nu nuibakin ënkëma ꞌain, minbi kamina isan uitishi kara nun ꞌapukama ꞌimainun ain kushikama ꞌianan, nun sacerdote ꞌimainun an min bana ñuikë unikamabë nun chaitiokëkama ꞌiásaribiti tëmëraia, a nëtëkaman Asiria ꞌapun aín suntárukamabëtan ꞌakëxnu ꞌia usaibi kananuna bëríbi tëmërai ꞌin.

Salmos 27:1

Nukën ꞌIbun ka ꞌë ꞌakianan bërúaia, ¿uimi karana ꞌëx rakuë́ti ꞌain? Nukën ꞌIbuinshi ka ꞌën tsoti bërúaia, usa ꞌain ka ꞌëx ami rakuë́ti uni ꞌaíma ꞌikën.

Salmos 46:11

¡Kamabi kushiiñu Nukën ꞌIbu ax ka nubë ꞌikën! ¡Usa ꞌaish ka Jacobnën Dios ꞌiá ꞌaish nun Diosribi ꞌixun nu ꞌakinia!

Salmos 46:5

Usa ꞌain ka a nëbë́tsinbi ꞌixun Diosan aín ëma bërúanti ꞌikën. Anuxun ka Diosanbi nëtë pëkarakuatsinia xabakuatsinun ꞌimiti ꞌikën.

Salmos 46:6

Uinsaran kara Diosan bëtsi bëtsi menu ꞌikë uni aín bana kuanun ꞌimia anun ka ratuti bëtsi ëmanu ꞌikë ꞌapukama me shaíkikë anunbi rakuë́ti ꞌikën.

Salmos 46:7

¡Nukën ꞌlbu kamabi kushiñuira ax ka nukamabë ꞌikën! ¡Jacobnën rabia Dios ax ka aminu katamëkë ꞌikën!

Salmos 47:2

Nun ꞌIbu ax ka kushiira ꞌaish manámi ꞌikë ꞌaish ami rakuë́ti ꞌikën; ax ka ꞌapuira ꞌapu ꞌaish kamabi menu ꞌikën,

Salmos 89:8

Nukën ꞌIbu Dios kamabi kushiñuira misaribi axa kamabi kushiñu ka ꞌaíma ꞌikën; usa ꞌain ka min nan banakama ax asérabi ꞌikën; ¡uinubi ka misaribi bëtsi Dios ꞌaíma ꞌikën!

Salmos 95:3

Ax ka Dios chaiira ꞌikën, usa ꞌaish ka bëtsi bëtsi dioskama atun ꞌapuira ꞌikën.

Daniel 9:4

Ñukákin kana ësakin Dios kakën: Nukën ꞌIbu Dios chaiira ꞌianan kushiira min kamina mix kikësabiokin ñu ꞌakin, nuibanankë ꞌixun min kikësabiokin kara min unikama ñu ꞌaia isin, a tanti min bana a kara asérabi ꞌaia kixun isin:

Números 14:14

Kuakin ka Canaán menu tsókë unikama ñuixunti ꞌikën. Atúnribi ka min kamina ënë unikama atubë ꞌixun, ꞌakini kixun ñuikania kuaxa, ꞌimainun kamina an unánkë unibë uni bësúnax banakësari banain, ꞌimainunribi kamina min nëtë kuinsa axa atubë ꞌinun ꞌimin, ꞌimainun kamina nëtën kuinsa mëu rëkuë́n kiankin atu buánan imë́ribi tsi rëkirukësa a isia anunbi kuanun atu ꞌimian.

Números 14:42

Usa ꞌain kamina abi bana kuakësama obiani kuankantima ꞌain, Nukën ꞌIbu ka mitsubëma ꞌikën. Axa mimi nishkë unikaman ka abámikin mitsu ꞌati ꞌikën.

Números 14:9

Usa ꞌain kananuna nun Nukën ꞌIbumi ꞌatimakin ñui, a menu ꞌikë unikamami uakamë iëoia rakuë́tima ꞌain, akamax ka nux ami rakuë́tisama ꞌikën; ꞌianan ka an atu ꞌakinti ꞌaíma ꞌikën, nux kananuna an nu ꞌakinti Nukën ꞌIbubë ꞌain. ¡Usa ꞌain kamina rakuë́tima ꞌikanin!

Números 23:21

Uínbi ka paránani ꞌatimonania Israel unibu Jacobnën rëbúnkikama iskëma ꞌikën. Usa ꞌain ka Dios atubë ꞌikën, usa ꞌikë ka atun ꞌapusa ꞌikë rabia.

Números 9:20

Kuin axa xubusa okin ꞌakë anuax ꞌitsama nëtë́ishi ꞌinun Diosan ꞌimitankëxua anuax kuanun ꞌimikëbë ka Israel unikama a nuibiani kuankëxa, kuaníbi ka kuin axa Diosan nirakënun ꞌimikëbë atúxribi nirakëakëxa.

1 Corintios 14:25

—ꞌËn unë́xun ꞌacë ñuribi ca Nucën Papa Diosan isaxa —quixun sinánquin ca a ñucama chiquinaquin Nucën Papa Dios rabiti ꞌicën. Rabianan ca —asérabi ca Nucën Papa Dios mitsubë ꞌicë —quiti ꞌicën.

Deuteronomio 10:17

Nukën ꞌIbu Dios ax ka achúshi ꞌaish dios kamasamaira ꞌianan, ꞌibukaman ꞌIbu samaira ꞌikën; ax ka Dios kamabi ñu manámi ꞌikë ainan ꞌianan ꞌApuira ꞌaish kushiira ꞌikën, usa ꞌain kamina ami rakuë́ti ꞌain, an ka bëtsi unikama upionan bëtsi unikamaribi ꞌatima oíma, ꞌimainun ka upiokinshi ñu ꞌaxúnti kuëënia;

Deuteronomio 25:8

Usaia ami manánkëxun ka a ëmanu ꞌikë aín ꞌapukama abë bananua a uni unun kixun kamiti ꞌikën, kamikëx uaxia a xanu kana ꞌën xanu ꞌiti bitsima kikëbë,

Deuteronomio 31:17

Usai ꞌikëbë xuamati nishkin kana atu ënti ꞌain; ëntankëx kana uisaxbi atumi sinántëkëntima ꞌain, usa aín ka atunu ꞌaisamaira ñu ꞌikëbë atux tëmërai, kananti ꞌikën: ¿Nuxnu ësai tëmërakë ënëx kara mitsun sinánkëx nun Diosnu ënkë kupínnu ꞌikë ꞌik?

Josué 3:10

Ax ka nubë ꞌikë kixun nukaman ꞌunánun ka Diosan aín kushínbi aín menu bëbakin nun cananeo, hititas, heveos, ferezeos, gergeseos, amorreos ꞌimainun jebuseos akamabi aín me bikuanti ꞌikën.

1 Samuel 4:8

¡Usakin ñu ꞌakëbëtan kara! ¿Uin atun Dios kushiira an ꞌatima oia nu ꞌakinti ꞌik? ¡Ax ka an egipcio unikama anu uni ꞌikëma menuxun këñumianan bëtsi bëtsi ñu ꞌakin atu ismia a ꞌikën!