Deuteronomio 7:2 - Kashibo-Kakataibo Biblia

² Uinsaran kara Diosan a ëmakama mitsubëa ꞌakananun ꞌimia, anun abë ꞌakanankin ꞌatankëxun kamina atu nuibakin atubëtan añu ñubi ꞌati sinántëkëntima ꞌain.

Deuteronomio 7:2 ပူးပေါင်းရင်းမြစ်များ

Génesis 14:20

ꞌianan ka Nukën ꞌIbu Dios kamabi kushiñu an mi, abëmi ꞌakanankë unikama ꞌanun ꞌamikë ax ꞌupiokin rabikë ꞌiti ꞌikën. Usakian Melquisedecnën kakëxun ka Abramnën an bibiankin buánkë ñukama raíri ꞌinánkëxa.

Números 21:2

Usokëxun ka israel unikaman Nukën ꞌIbu, a mekama biti ꞌakinkëxuinsa atun anu ꞌikë ëmakama ꞌimainun anua ꞌikë ñukama këñuti ꞌikë kixun kakëxa.

Deuteronomio 13:8

usa ꞌain kamina atux ꞌikësai ꞌima ꞌianan atun kakëxun aín bana kuatima ꞌain; ꞌianan kamina atu nuibatima ꞌain; nuibakin kamina tëmëraiabi atu ꞌakintima ꞌain, ꞌanan kamina atún ꞌakë ñu unëi atubë nitima ꞌain;

Deuteronomio 13:9

unëkima kamina a unikama rëti ꞌain. Rëkin kamina min pain atún ꞌakëxumaishi mitsun pain, ꞌaia iskin ka raíri unikamanribi usaribikin ꞌati ꞌikën.

Deuteronomio 31:5

ꞌImainun kamina uínsaran kara Nukën ꞌIbun a ëmakama ꞌanun mitsu ꞌamia anun atubë ꞌakanankin ꞌën mitsu kakësabiokin ꞌati ꞌain.

Deuteronomio 33:27

Nukën ꞌIbu Dios axa këñutima oi tsókë an ka mitsu ꞌakinti ꞌikën; an ka ax kushiira ꞌixun ënkinma nu ꞌakinia, usa ꞌixun ka an numi nishkë uni abámitankëxun, këñukin ꞌanun nu ꞌamiakëxa.

Deuteronomio 7:16

Usa ꞌain kamina mitsun bëtsi menu ꞌikë unikama Diosan ꞌanun ꞌamikëxun ꞌakin; nuibakinma këñuanan atún diosmabi rabikë a rabitima ꞌain, usakin ꞌakin a rabi kamina mitsúxbi këñuti ꞌain.

Deuteronomio 9:3

Bërí kamina mitsun ꞌunánti ꞌain, Nukën ꞌIbu ka bërí mitsubë ꞌikë kixun, usa ꞌixun ka tsi rëkirukënëan ñu këñubiankin xarokësa usa okinshi an ꞌakëxa a ëmakamax mitsumi rakuë́tia kamina këñuti ꞌain. Usakin mitsun aín ëmanubi bëbarukin ꞌakin këñukëx ka, unix munuma bëkui bënëtishi bëpëkikë usaribi okin Diosan aín kushínbi këñuti ꞌikën.

Josué 2:14

Ësokin kakëxun ka rabë́ unin kakëxa: Nun ënë me bitsi ukin min aintsikama ꞌaia ka Diosan nuribi bamanun ꞌimiti ꞌikën, usa ꞌain kamina nun mi kakë bana ënë uibi ñuixuntima ꞌain. Usa ꞌain kananuna Nukën ꞌIbun ënë me ꞌinánkëxun bixun nukaman mi upíokin ꞌakinti ꞌain.

Jueces 2:2

usa ꞌain kamina mitsun ënë menu ꞌikë unikamabëtan achúshi ñubi ꞌakatsi atubë kanantima ꞌain, usai ꞌikinma kamina kamabi atun anuxun ñuina xarokëkama a rurupati ꞌain. ꞌAínbi kamina ꞌën kakëxunbi kuaisama tankën, ¡Usa ꞌain kamina añu kaina mitsun ꞌa kixun sinánti ꞌain!