Deuteronomio 7:16 - Kashibo-Kakataibo Biblia

¹⁶ Usa ꞌain kamina mitsun bëtsi menu ꞌikë unikama Diosan ꞌanun ꞌamikëxun ꞌakin; nuibakinma këñuanan atún diosmabi rabikë a rabitima ꞌain, usakin ꞌakin a rabi kamina mitsúxbi këñuti ꞌain.

Deuteronomio 7:16 ပူးပေါင်းရင်းမြစ်များ

1 Corintios 15:33

ꞌAtimati banacë unínma mi parania ca bërúancat. Ësaía uni quicë bana ax ca asérabi ꞌicën: “Upí ꞌixunbi ꞌatimatia bëtsi banaia cuaquin ca unin ꞌatimaquin sinánquin ñu ꞌatima ꞌati ꞌicën”.

Deuteronomio 13:8

usa ꞌain kamina atux ꞌikësai ꞌima ꞌianan atun kakëxun aín bana kuatima ꞌain; ꞌianan kamina atu nuibatima ꞌain; nuibakin kamina tëmëraiabi atu ꞌakintima ꞌain, ꞌanan kamina atún ꞌakë ñu unëi atubë nitima ꞌain;

Deuteronomio 13:9

unëkima kamina a unikama rëti ꞌain. Rëkin kamina min pain atún ꞌakëxumaishi mitsun pain, ꞌaia iskin ka raíri unikamanribi usaribikin ꞌati ꞌikën.

Deuteronomio 19:21

Usa ꞌain kamina uin kara bëtsi uni ꞌaia a nuibakinma ꞌaxun rankanti ꞌain, uin kara bëtsi unin bëru ꞌatima oia ax ka usaribi okin ain bëru ꞌatima okë ꞌiti ꞌikën. ꞌImainun ka uin kara bëtsi unin xëta ꞌatima oia aín xëtaribi ꞌatima okë ꞌiti ꞌikën, ꞌanan ka uin kara bëtsi unin mëkën ꞌatima onan aín taëribi ꞌatima oia a uninanribi ka bëtsi unin aribi ꞌakë ꞌiti ꞌikën kixun ka Moisésnën kakëxa.

Deuteronomio 7:2

Uinsaran kara Diosan a ëmakama mitsubëa ꞌakananun ꞌimia, anun abë ꞌakanankin ꞌatankëxun kamina atu nuibakin atubëtan añu ñubi ꞌati sinántëkëntima ꞌain.

Deuteronomio 7:25

ꞌAnan kamina mitsúnbi atun diosmabi rabikë ñukamaribi në́nti ꞌain, ꞌaínbi kamina ami bikë kuri ꞌimainun manë panshian akama bisa tantima ꞌain; usakin ꞌaibi ꞌatima ñu ꞌati sinania ka Nukën ꞌIbun a upí istima ꞌikën.

Jueces 2:12

Usokin bëtsi ñukama ꞌai ka atun chaitiokëkama Egipto menua an chikínbëtsinkin bëa Dios ami manúakëxa, manukian atu rapasu bukukë unikaman rabikë dios ashi rabikëbë ka Nukën ꞌIbu ꞌitsaira xuamati atumi nishakëxa.

Jueces 2:3

Usa ꞌain kana bërí mitsu kain: Ënë ëmanu ꞌikë unikama kana mitsun ismainunbi chikiniman ꞌimainun ka atun rabikë dioskama ax anun mitsu paránti ꞌiti ꞌikën.

Jueces 8:27

A kurikama timë́kë ka Gedeónën achúshi ñu pará ꞌinun ꞌakëxa ꞌakë ka a rabikanti Ofrá kakë ëma anu nitsíankëxa, usokin ꞌakë ka kamabi Israelkamax efod a rabi Nukën ꞌIbumi sinánma ꞌikën, usakian Gedeónën ꞌakë ax ka ainan ꞌimainun aín aintsikamanan achúshi ñu ꞌaisama ꞌakë ꞌiakëxa.