Deuteronomio 7:14 - Kashibo-Kakataibo Biblia

¹⁴ Mitsux kamina bëtsi unikama akësamaira okin Diosan ꞌakinkë ꞌiti ꞌain; usa ꞌain ka mitsun xanu achúshirabi tuañuma xanu ꞌimainun bëbu uníxribi achúshirabi bëchikëma uni ꞌitima ꞌikën, ꞌimainun ka mitsun ꞌarakakë ñuinakamaxribi ain xanu tuaima ꞌimainun ain bënëribi bëchima ꞌitima ꞌikën.

Deuteronomio 7:14 ပူးပေါင်းရင်းမြစ်များ

Salmos 107:38

Usakin ꞌaia ka Diosanbi bakë bëchipatia kaínu ꞌimianan atun ꞌarakakë ñuinakamaribi ꞌaisamaira kaínun ꞌimiakëxa.

Salmos 115:15

¡ꞌËn kana kuëënin Dios an me, ꞌimainun naí kamë ꞌëo unio an ka upíokin sinánxunkin mitsu ꞌakinti ꞌikën!

Salmos 127:3

Unin bakë bëchikë bakënkëkama ax ka upíokin sinánxunkian Diosanbi nu ꞌinánkë ꞌikën.

Números 22:12

Ësokin kakëxun ka Diosan Balaam kakëxa: —Atubë kamina a unibu ꞌatima okin sinánxuni kuantima ꞌain, ꞌën kana atu upíokin sinánxunkin upitax bukunun ꞌimin.

Deuteronomio 30:9

Usakin ꞌaia ka Nukën ꞌIbu kamabi ñuñuira ꞌinun mitsu ꞌimianan, mitsun bakë bëchikëkama ꞌianan atun ꞌarakakë ñuinanën tuákama ꞌimainun atun ꞌapákë ñukama ꞌitsaira ꞌinun ꞌimiti ꞌikën; usakin ꞌaia isi kuëënkin ka mitsun chaitiokëkama asaribi okin Diosan mitsu ꞌakinti ꞌikën,

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.